آذربائیجان کے صدر کا حالیہ دورہ تعلقات کے فروغ کے لیے کلیدی حیثیت رکھتا ہے:مریم نواز
اشاعت کی تاریخ: 14th, January 2025 GMT
لاہور: وزیر اعلیٰ پنجاب مریم نواز نے آذربائیجان کے سفیر کو پنجاب میں سرمایہ کاری کی دعوت دے دی۔وزیراعلیٰ پنجاب مریم نواز سے آذربائیجان کے سفیر خضر فرہادوف نے ملاقات کی۔ ملاقات میں دوطرفہ تعلقات، تجارتی روابط، ثقافتی تبادلوں اور تعاون بڑھانے پر تبادلہ خیال کیا گیا۔مریم نواز نے آذربائیجان کے سفیر کی جانب سے دی گئی دورے کی دعوت قبول کر لی۔ ملاقات کے دوران تجارتی اور سرمایہ کاری کے مواقع کے فروغ کے لیے مشترکہ کاوشوں پر اتفاق کیا گیا۔وزیر اعلیٰ پنجاب مریم نواز نے آذربائیجان کے سفیر کو پنجاب میں سرمایہ کاری کی دعوت دی۔ آذربائیجان کے سفیر نے پنجاب میں سرمایہ کاری میں دلچسپی کا اظہار کیا۔اس موقع پر مریم نواز نے کہا کہ آذربائیجان کے صدر کا حالیہ دورہ تعلقات کے فروغ کے لیے کلیدی حیثیت رکھتا ہے۔ جبکہ پاکستان اور آذربائیجان کے تعلقات برادرانہ ہیں۔انہوں نے کہا کہ آذربائیجان کے سرمایہ کاروں کو مراعات کا اسپیشل پیکج دیا جائے گا۔ اور ہم شعبہ سیاحت میں آذربائیجان کے تجربے سے مستفید ہونا چاہتے ہیں۔آذربائیجان کے سفیر خضر فرہادوف نے کہا کہ ہم پاکستان کو اپنا قریبی دوست اور برادر ملک سمجھتے ہیں۔
.ذریعہ: Nawaiwaqt
کلیدی لفظ: آذربائیجان کے سفیر مریم نواز نے سرمایہ کاری
پڑھیں:
پہلا وزیراعظم ہے جسے رشوت لینے پر نکالا گیا: مریم نواز
وزیراعلیٰ پنجاب مریم نواز شریف نے کہا ہے کہ طلباء کو کبھی نہیں کہوں گی کہ اپنے ملک پر حملہ کردو۔ہونہار اسکالرشپ پروگرام کے تحت چیکس تقسیم کی تقریب سے خطاب کرتے ہوئے وزیراعلیٰ پنجاب مریم نواز شریف نے کہا کہ آپ سب کو ہونہار اسکالر شپ جیتنے پر مبارکباد دیتی ہوں. جتنے آپ کے ماں باپ خوش ہیں میں اس سے زیادہ خوش ہوں. ہونہار اسکالرشپ پاکستان کی تاریخ کا سب سے بڑا پروگرام ہے، مجھے معلوم تھا پنجاب میں ہونہار بچوں کی کمی نہیں۔انہوں نے کہا کہ اوکاڑہ چھوٹا نہیں بلکہ خوبصورت اور میرے دل کے قریب ہے. آج آپ سے دل کی باتیں کرنے آئی ہوں، کبھی کبھی وزیر تعلیم پنجاب کو ڈانٹ بھی دیتی ہوں. مجھے نہیں پتہ تھا آپ لوگ اس محبت اور پیارسے استقبال کرو گے، لیپ ٹاپ کی پہلی شپمنٹ آگئی ہے میں خود آکرآپ کو دوں گی۔ان کا کہنا تھا کہ اگلے سال ایک لاکھ ای بائیکس طالبعلموں میں مفت تقسیم کروں گی، ریاست ماں کی طرح ہوتی ہے. پنجاب میں اس وقت 700 سڑکیں بن رہی ہیں، بہت جلد اوکاڑہ میڈیکل کالج بھی بنائیں گے، کسی بچے سے نہیں پوچھا آپ کا تعلق کس جماعت سے ہے، اوکاڑہ یونیورسٹی میں بورڈنگ کی سہولت قائم کی جائے گی. طلبا کو اسکالر شپ 100 فیصد میرٹ پر دی جارہی ہے۔مریم نواز شریف نے کہا کہ آئندہ سال 50 ہزار طلبا کو اسکالرشپ دی جائیں گی، اکیلے صوبے کے فیصلے نہیں کرسکتی آپ کا ساتھ چاہیے. صوبے کی ترقی کے لیے آپ میری طاقت بنیں، یہ دھرتی آپ کی ماں ہے اس سے وفاداری کرنے کا بہت بڑا صلہ ہے. ماں باپ کی دعاؤں سے میں آج وزیراعلیٰ کی کرسی پر بیٹھی ہوں. آج بھی ہر روز گھر سے نکلنے سے پہلے والد کو سلام اور دعا لے کر نکلتی ہوں. گھر واپس جاؤں تو پہلے والد کے کمرے میں جاکر انہیں سلام کرتی ہوں۔ وزیراعلیٰ پنجاب کا کہنا تھا کہ طلبا کو کبھی نہیں کہوں گی اپنے ملک پر حملہ کردو، ملک کو نفرت نہیں اتحاد کی ضرورت ہے. ملک کو انتشار اور فساد نہیں، امن کی ضرورت ہے.مخالفین نے جلسوں میں مجھ پر ذاتی تنقید کی، طلبا کو ہتھیار اٹھانے کا کبھی نہیں کہوں گی. جنہیں ورغلایا گیا وہ بچے آج جیلوں میں ہیں. نوجوان سوشل میڈیا پر آنکھیں بند کرکے یقین نہ کریں. نوجوانوں کو ورغلانے والا سکون کی نیند کیسے سوسکتا ہے؟انہوں نے مزید کہا کہ ہمیں چور کہا گیا، کہا گیا ملک کو لوٹ کر کھاگئے. تمام ترقیاتی منصوبوں پر نواز شریف کا نام ہے. نواز شریف نے کبھی ایک روپے کی کرپشن نہیں کی. مجھے اپنے والد کے ساتھ کھڑے ہونے کی سزادی گئی. آج اس پر خود چوری ثابت ہوگئی ہے. وہ خود رشوت لیتے رنگے ہاتھوں پکڑا گیا. پہلا وزیراعظم ہے جسے رشوت لینے پر نکالا گیا. بشریٰ بی بی نے ہیرے کی انگوٹھی مانگی، جب انتشار ختم ہوتا ہے تو پاکستان ترقی کرتا ہے۔
چیئرپرسن بینظیر انکم سپورٹ پروگرام روبینہ خالد کا مستحق افراد کے مسائل سننے کیلئے لائیو ای-کچہری کا انعقاد