شادی کی افواہوں کے درمیان گوہر رشید کی نکاح ویڈیو نے سوشل میڈیا پر ہلچل مچا دی
اشاعت کی تاریخ: 14th, January 2025 GMT
اسلام آباد:مقبول اداکار گوہر رشید کی ایک ویڈیو سوشل میڈیا پر تیزی سے پھیل رہی ہے، جس میں وہ نکاح نامے پر دستخط کرتے نظر آ رہے ہیں، جبکہ نکاح خواں اور دیگر شوبز شخصیات بھی تقریب میں شریک ہیں۔ ویڈیو کے وائرل ہونے کے بعد کچھ صارفین کا دعویٰ ہے کہ گوہر رشید نے کبریٰ خان سے شادی کر لی ہے، جبکہ دیگر کا کہنا ہے کہ یہ ویڈیو حمزہ علی عباسی کی شادی کے موقع پر بنائی گئی تھی، جہاں گوہر رشید بطور گواہ شریک ہوئے تھے۔
گوہر رشید کی جانب سے اس ویڈیو پر کوئی وضاحت سامنے نہیں آئی، تاہم یہ ویڈیو دراصل حمزہ علی عباسی کی نکاح کی تقریب کی ہے، جس میں گوہر رشید نے گواہ کے طور پر دستخط کیے تھے۔
اس سے قبل گوہر رشید نے اپنے انسٹاگرام پر ایک ویڈیو شیئر کی تھی جس میں وہ کبریٰ خان اور دیگر شوبز ستاروں کے ساتھ شادی کی تقریب میں ڈانس کی مشق کرتے ہوئے دکھائی دے رہے تھے۔ ویڈیو کے کیپشن میں گوہر نے "بسم اللہ 2025ء” لکھا تھا، جس سے یہ قیاس کیا جانے لگا کہ وہ کبریٰ خان سے جلد شادی کرنے والے ہیں۔
اداکار نے ایک اور ویڈیو شیئر کی جس میں کبریٰ خان، اشنا شاہ، مومل شیخ، اذان سمیع، شازیہ وجاہت، وجاہت رؤف اور عاشر وجاہت جیسے معروف فنکار نظر آ رہے ہیں، اور ہیش ٹیگ میں لکھا "میرے یار کی شادی ہے”۔ کبریٰ خان نے بھی گوہر رشید کی اسٹوری کو شیئر کرتے ہوئے لکھا، "بے شک میرے یار کی شادی ہے”۔
یہ ویڈیوز اور پوسٹس شوبز کے حلقوں میں شادی کی افواہیں مزید بڑھا رہی ہیں، تاہم ابھی تک گوہر رشید اور کبریٰ خان کی جانب سے اس حوالے سے کوئی باضابطہ اعلان نہیں کیا گیا۔
.ذریعہ: Nai Baat
کلیدی لفظ: گوہر رشید کی
پڑھیں:
اگر امریکی وفد کی تقریب کا دعوت نامہ ملتا تو ضرور جاتا، چیئر مین پی ٹی آئی
اسلام آباد(ڈیلی پاکستان آن لائن)پاکستان تحریک انصاف ( پی ٹی آئی ) کے چیئرمین بیرسٹر گوہر علی خان نے کہا ہے کہ امریکی وفد کی تقریب کا دعوت نامہ نہیں ملا اور اگر ملتا تو ضرور جاتا۔پیر کے روز میڈیا سے گفتگو کرتے ہوئے چیئرمین پی ٹی آئی بیرسٹر گوہر علی خان کا کہنا تھا کہ اس وقت تحریک انصاف کے کسی سے مذاکرات نہیں ہو رہے۔
پی ٹی آئی چیئرمین کا کہنا تھا کہ امریکی وفد کے ساتھ ملاقات کے حوالے سے میرے ساتھ کسی قسم کا رابطہ نہیں کیا گیا اور نہ ہی کوئی دعوت نامہ ملا ہے تاہم اگر ملتا تو ملاقات کے لیے ضرور جاتا۔بیرسٹر گوہر کا کہنا تھا کہ بانی پی ٹی آئی سے ملاقات کیلئے کمیٹی بنائی ہے اور ہم نے فیصلہ کیا ہے کہ لسٹ والے لوگ ہی اڈیالہ جیل ملاقات کیلئے جائیں۔ان کا مزید کہنا تھا کہ بانی پی ٹی آئی نے کہہ رکھا ہے کہ ملکی مفادات پر اتفاق ہونا چاہیے اور دوست ممالک کے سربراہان یا وفود آئیں تو آپ کو ساتھ دینا ہے۔
امریکی ارکان کانگریس کی بانی سے ملاقات سے متعلق میرے سامنے کوئی بات نہیں ہوئی:عاطف خان
مزید :
عمران خان کی بہنوں اور دیگر خواتین کیساتھ جو ہوا اس کا حساب ضرور لیں گے، گنڈاپور