مریم نواز کی قیادت میں پنجاب کی ترقی کی جانب اہم قدم، نوجوانوں کے لیے بڑی خوشخبری
اشاعت کی تاریخ: 14th, January 2025 GMT
لاہور: وزیر اطلاعات پنجاب عظمیٰ بخاری نے صوبائی کابینہ کے 22ویں اجلاس کے بعد میڈیا کو اہم فیصلوں کے بارے میں آگاہ کیا۔
انہوں نے بتایا کہ کابینہ نے ہندو میرج ایکٹ کو منظور کر لیا ہے، جس کا مقصد اقلیتی کمیونٹیز کے حقوق کو مزید مستحکم کرنا ہے۔ اس ایکٹ کی منظوری پنجاب میں اقلیتوں کے لیے ایک اہم پیش رفت ہے۔
آسان کاروبار کے منصوبے کے تحت نوجوانوں کو کاروبار شروع کرنے کے لیے 3 کروڑ روپے تک سود کے بغیر قرض فراہم کیا جائے گا۔ اس کے علاوہ، مفت اراضی بھی فراہم کی جائے گی تاکہ نوجوان اپنے کاروبار کا آغاز کر سکیں۔
عظمیٰ بخاری نے یہ بھی کہا کہ 28 الیکٹرک بسیں لاہور کی سڑکوں پر جلد چلنا شروع کر دیں گی۔ ان بسوں کے لیے چارجنگ اسٹیشنز اور ڈبل ڈیکر بسوں کے لیے نئے ڈپو بھی بنائے جائیں گے۔
کابینہ نے صحافیوں کے لیے مالی امداد میں اضافہ کرنے کا فیصلہ کیا ہے، جس کے تحت جرنلسٹ سپورٹ فنڈز کو دوگنا کر دیا گیا ہے۔ اس کے ساتھ ہی ڈائیلسز پروگرام کے لیے فنڈز بڑھا کر 10 لاکھ روپے کر دیے گئے ہیں۔
اوورسیز پاکستانیوں کے لیے خصوصی عدالت قائم کرنے کا فیصلہ بھی کیا گیا ہے، تاکہ ان کے مسائل جلد حل کیے جا سکیں۔
عظمیٰ بخاری نے کہا کہ مریم نواز کی قیادت سے نوجوانوں کی امیدیں بڑھ رہی ہیں، اور انہوں نے سابق وزیراعظم عمران خان پر تنقید کرتے ہوئے کہا کہ اگر مذہبی تعلیمات پر عمل ہوتا تو متنازع فیصلے خفیہ طور پر نہ کیے جاتے۔
یہ فیصلے پنجاب کی اقتصادی اور سماجی ترقی کے لیے اہم ثابت ہو سکتے ہیں۔
.ذریعہ: Nai Baat
کلیدی لفظ: کے لیے
پڑھیں:
وسائل کی کمی کی وجہ سے بچوں کے خواب ادھورے نہیں رہیں گے، مریم نواز شریف
فیصل آباد میں لیپ ٹاپ سکیم کی افتتاحی تقریب سے خطاب کرتے ہوئے وزیراعلیٰ پنجاب کا کہنا تھا کہ مخالفین کو کہتی ہوں آئیں اور دیکھیں یہاں ایک ماں نے کیسے اپنے بچوں کے ساتھ رشتہ بنا لیا ہے، میرا شکریہ کبھی نہیں بولنا یہ آپ کا حق تھا وہ آپ کو ملا، آج لگتا ہے ریاست ماں جیسی ہے۔ اسلام ٹائمز۔ وزیراعلیٰ پنجاب مریم نواز نے لیپ ٹاپ سکیم کا افتتاح کر دیا۔ فیصل آباد میں لیپ ٹاپ سکیم کی افتتاحی تقریب سے خطاب کرتے ہوئے وزیراعلیٰ پنجاب مریم نواز کا کہنا تھا کہ آج مجھے پائلٹ نے لاہور میں کہا کہ ہم نہیں جاسکتے، پائلٹ نے کہا آپ ویٹ کر لیں دھند ہے، کچھ نظر نہیں آرہا، میں نے کہا جہاز اڑائیں اللہ خیر کرے گا، میں اپنے بچوں سے ملنے کیلئے بے چین تھی۔ وزیر اعلیٰ پنجاب نے کہا کہ آئندہ کبھی میری وجہ سے امتحان کینسل نہیں ہونا چاہیے، مجھے ڈر ہے نواز شریف سے مجھے ڈانٹ پڑے گی، وہ میرے بڑے ہیں، میں ان کی ڈانٹ خوشی سے سن لوں گی۔
انہوں نے کہا کہ پروگرام کا افتتاح گھر سے بھی کرسکتی تھی لیکن مجھے یہ چمکتے چہرے بھی ضرور دیکھنے تھے، اگر میں یونیورسٹیز میں نہ جاتی تو مجھے اندازہ نہ ہوتا یہ سکالر شپ بچوں کیلئے کتنی اہم ہے۔ مریم نواز کا کہنا تھا کہ سکالرشپ میں 100 فیصد میرٹ کو فالو کیا گیا ہے، اگر آپ میرٹ پر ہیں تو آپ کو سکالر شپ ضرور ملے گی۔ ایک بچی کو پڑھائی چھوڑنے کا بولا گیا، جب اس کو سکالر شپ ملی تو اس نے پڑھائی جاری رکھنے کا پلان بنا لیا۔ وزیر اعلیٰ پنجاب نے کہا کہ میں اپنی ماں کے انتقال اور باپ کے ہسپتال جانے پر صرف روئی، اب میں روزانہ جب آپ کو دیکھتی ہوں مجھے رونا آتا ہے۔
انہوں نے کہا کہ مخالفین کو کہتی ہوں آئیں اور دیکھیں یہاں ایک ماں نے کیسے اپنے بچوں کے ساتھ رشتہ بنا لیا ہے، میرا شکریہ کبھی نہیں بولنا یہ آپ کا حق تھا وہ آپ کو ملا، آج لگتا ہے ریاست ماں جیسی ہے۔ ایک بچے نے کہا ایک سال تک میں نے تعلیم حاصل نہیں کی، وسائل کی کمی کی وجہ سے اس بچے نے تعلیم کو چھوڑا، خواب سب بچے دیکھتے ہیں، میں بھی آپ کی عمر سے گزری ہوں میں نے بھی خواب دیکھے ہیں، کچھ کرنے کا اور کچھ بن جانے کا خواب دیکھتے ہیں، وسائل کی کمی کی وجہ سے بچوں کے خواب ادھورے نہیں رہیں گے۔
مریم نواز کا کہنا تھا کہ میں آپ کے سامنے کھڑی ہوں، خوابوں کی تعبیر اچھی تعلیم سے ہوتی ہے، دوسری یونیورسٹیز میں وسائل کی کمی نہیں ہے، اس سال 30 ہزار سکالر شپس دی گئی ہیں، اگلے سال 50 ہزار تک سکالر شپس دیں گے، سکالر شپس کیلئے مجھے تمام پنجاب کا بجٹ بھی ڈالنا پڑا میں ڈالوں گی۔ وزیراعلیٰ نے کہا کہ بہت جلد سیکنڈ اور تھرڈ ایئر کے بچوں کیلئے بھی سکالر شپس لا رہی ہوں، یہ پورا مہینہ میں نے پنجاب کے ہونہار طلبہ کیلئے وقف کیا ہے، پنجاب کے اندر گرلز پاور بہت مضبوط ہو رہی ہے، لیپ ٹاپس کی پہلی شپمنٹ آچکی ہے، 40 ہزار سے ایک لاکھ تک لیپ ٹاپس کی تعداد جانی چاہئے۔
مریم نواز کا کہنا تھا کہ بغیر کسی قصور کے 5 ماہ جیل میں کاٹے، ہم نے قید و بند کی صعوبتیں برداشت کیں لیکن انتقامی سیاست نہیں کی، یہاں میں آپ کو جلاؤ گھیراؤ، کیلوں والے ڈنڈوں کی باتیں کروں تو آپ کا مستقبل خراب کروں گی۔ انہوں نے کہا کہ جو بچے جیل میں ہیں انہیں کوئی پوچھنے نہیں آتا، میں نے کبھی کسی کو جلاؤ گھیراؤ اور توڑ پھوڑ کا نہیں کہا، مجھے تکلیف ہے جو بچے کسی کے بہکاوے میں آئے اور وہ بچے جیلوں میں چلے گئے۔ مریم نواز نے کہا کہ میں آپ کو ترقی کی طرف لے کر جا رہی ہوں، میں نے آپ کو تعمیر کا راستہ دکھانا ہے توڑ پھوڑ کا نہیں، اپنے زندگیوں اور اپنے مستقبل کو خطرے میں ڈالنا ماں باپ کی نافرمانی ہے۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ