نایاب دم دار ستارہ جو ایک لاکھ 60 ہزار سال بعد زمین سے نظر آئے گا
اشاعت کی تاریخ: 14th, January 2025 GMT
سائنسدانوں نے آنے والے دنوں میں ایک دم دار ستارے کے نظام شمسی میں سے گزرنے اور زمین سے نظر آنے کی پیش گوئی کی ہے۔
ماہرین کے مطابق یہ روشن دم دار ستارہ آج کے بعد زمین سے نظر آنا شروع ہوجائے گا۔
سی/24 جی 3 نامی اس ستارے کی نشاندہی گزشتہ سال اپریل میں ناسا کے ماہرین نے کی تھی جس کے بعد اس کے زمین کے قریب سے گزرنے کا انتظار کیا جارہا تھا۔ اس دم دار ستارے کا زمین سے بغیر دور بین کے نظارہ کیا جاسکتا ہے۔
یہ بھی پڑھیے:ناسا کا مصنوعی سیارہ خلا میں گرین ہاؤس گیسوں کے ذرائع کی نشاندہی کیسے کرے گا؟
کنگز کالج لندن کے مطابق یہ دم دار ستارہ ایک لاکھ 60 ہزار سال میں ایک دفعہ زمین کے قریب سے گزرنے پر یہاں سے نظر آتا ہے۔
اسے سال گزشتہ 20 سالوں میں نظر آنے والا سب سے روشن دم دار ستارہ قرار دیا جارہا ہے۔
سائنسدانوں کا خیال ہے کہ اس ستارے کو دوبارہ ہمارے نظام شمسی کا مہمان بننے میں ایک لاکھ 60 ہزار سال لگیں گے تاہم کچھ دوسرے ماہرین کا خیال ہے کہ یہ دم دار ستارہ اپنی عمر کے آخری حصے میں ہے اور اس کی بڑھتی ہوئی روشنی اس بات کا ثبوت ہے کہ یہ ستارہ دوبارہ نظام شمسی میں واپس آنے سے قبل تحلیل ہوجائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
COMET دم دار ستارہ کامٹ.ذریعہ: WE News
کلیدی لفظ: دم دار ستارہ کامٹ دم دار ستارہ
پڑھیں:
حکومت پنجاب چھوٹی فیکٹریاں لگانے کے لیے لوگوں کو زمین رعایت پر دے گی، مریم نواز
وزیراعلیٰ پنجاب مریم نواز شریف نے کہا ہے کہ آسان کاروبار فنانس اسکیم،آسان کاروبارکارڈ اور لیپ ٹاپ اسکیم کا افتتاح کردیا ہے۔
یہ بھی پڑھیں: ’طلبہ کے لیے ماں بن کر سوچتی ہوں‘، مریم نواز کا 65 فیصد سے زیادہ نمبر لینے والوں کو لیپ ٹاپ دینے کا اعلان
لاہور میں آسان کاروبار کارڈ اور آسان فنانس اسکیم کا افتتاح کرتے ہوئے کہا کہ تمام اکنامک انڈیکیٹرز بہتری کی جانب گامزن ہیں، اسٹاک مارکیٹ نے تاریخی بلندیوں پر ہے، دنیا کے سرمایہ کار پاکستان کی طرف دیکھ رہے ہیں، جب ہم نے اقتدار سنبھالا تو لوگ کہہ رہے تھے ملک ڈیفالٹ ہونے والا ہے، شہباز شریف نے بڑی محنت سے ملک کو خراب صورتحال سے نکال لیا ہے۔
مریم نواز نے کہا کہ وہ دنیا کے ماڈلز کی سٹڈی کرتی ہیں، کسی ملک نے انڈسٹریلائزیشن کے بغیر ترقی نہیں کی، ہمیں بھی انڈسٹریلائزیشن کی طرف جانا ہے۔
انہوں نے کہا کہ وہ شاندار پیکیج لے کر پنجاب کےعوام کے سامنے آئی ہیں، آج وزیراعلیٰ آسان کاروبار فنانس ،وزیراعلیٰ آسان کاروبار کارڈ لارہے ہیں، منصوبے کے تحت آپ کو 3 کروڑ روپے تک کا بلاسود قرضہ ملے گا، ہم نے آپ کے لیے بزنس پلان بھی بنادے ہیں۔
یہ بھی پڑھیں: پنجاب کے سرحدی علاقوں میں دراندازی کا خطرہ ہے، مریم نواز
ان کا کہنا تھا کہ حکومت پنجاب چھوٹی فیکٹریاں لگانے کے لیے لوگوں کو زمین رعایت پر دے گی، آپ آج پیسے لے لیں اور کل اپنا کاروبار شروع کردیں، یہ اسکیم ان نوجوانوں کے لیے ہے جو اپنا کاروبار کرنا چاہتے ہیں۔
مریم نواز نے کہا کہ پاکستان میں پنک سالٹ کی کانیں ہیں،خزانہ ہے، دوسرے ممالک پاکستان کے نمک کو بیچ کر منافع کماتے ہیں، پنک سالٹ کے کاروبار میں بھی بہت وسائل ہیں، جو لوگ کاروبار کرنا چاہتے ہیں انہیں اس سے بہتر اسکیم نہیں مل سکتی، جن کو 3 کروڑروپے سے زیادہ کی ضرورت ہے ان کی بھی مدد کریں گے۔
وزیراعلیٰ پنجاب نے کہا کہ بڑی صنعت والوں کو حکومت پنجاب 50 لاکھ کا سولر بھی مفت دے گی، صوبے میں ڈومیسٹک سرمایہ کاری کے لیے یہ بہت بڑا موقع ہے، ہم انڈسٹریلائزیشن کو دیکھنا چاہتے ہیں، اپنا کاروبار کرکے ملکی ترقی میں بھی کردار ادا کریں، ہم عوام کی بھلائی کے لیے جو کچھ کررہے ہیں، اس کا ثمر جلد ملے گا۔
فیصل آباد میں لیپ ٹاپ اسکیم کا افتتاحبعد ازاں وزیراعلیٰ پنجاب نے فیصل آباد میں لیپ ٹاپ اسکیم کا افتتاح کیا اور ہونہار اسکالر شپ پروگرام کے تحت ہونہار طلبا میں چیک بھی تقسیم کیے، افتتاحی تقریب سے خطاب کرتے ہوئے وزیراعلیٰ پنجاب مریم نواز نے کہا کہ طلبا کو اسکالرشپ بغیر کسی سفارش کے میرٹ پر دی جارہی ہے، یہ ملکی تاریخ کا سب سے بڑا اسکالرشپ پروگرام ہے۔
انہوں نے کہا کہ ماں باپ کی فرمانبرداری یہ نہیں ہے کہ صرف وہ جو حکم دیں وہ مانیں، ماں باپ کی فرمانبرداری یہ بھی ہے کہ انہوں نے ایک ایک روپیہ جوڑ کے بچوں کو بڑا کیا ہوتا ہے، اور ایک ایک پیسہ بچوں کی تعلیم پہ انوسٹ کیا ہے، اگر آپ اپنے مستقبل کو خطرے میں ڈالو گے تو یہ بھی ماں باپ کی نافرمانی ہے۔
یہ بھی پڑھیں: حسان نیازی کا مستقبل تباہ ہوگیا، مریم نواز نے ایسا کیوں کہا؟
ان کا کہنا تھا کہ ان بچوں سے پوچھو جو جیلوں میں پڑے ہیں، یہ بچے جن کی وجہ سے جیلوں میں ہیں، ان کو پوچھے والا کوئی نہیں ہے، میں نے بھی جیل کاٹی ہے، انتقام کی سیاست ہم نہیں کرتے، میں نے طلبا کو ترقی کا راستہ دیکھانا ہے، تنزلی کا نہیں، میں نے طلبا کے لیے اسی طرح سوچنا ہے جس طرح ان کے سگے والدین ان کے لیے سوچتے ہیں۔
مریم نواز نے کہا کہ میں نے جھوٹے وعدے بھی نہیں کرنے، میں نے جس دن اسکالرشپ دینی ہوتی ہے اسی دن آپ کو بلاتا ہوں، میں بھی گلا پھاڑ کے کہہ سکتی تھی کہ گورنر ہاؤس کو یونیورسٹی بنادوں گی، کیا آج تک بنی وہ یونیورسٹی۔
’بڑی بڑی باتیں کرنا بہت آسان ہے کہ میں یہ کردوں گا، وہ کردوں گا، اس کو جیل میں ڈال دوں گا، میں وہ توڑ دوں گا، میں وہ جلا دوں گا، لیکن ملک کی دل و جاں سے خدمت کرنا کوئی آسان کام نہیں ہے، اس کے لیے بہت مضبوط حوصلہ چاہیے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسان کاروباز مریم نواز
پاکستان کے ہر شہری کو کم لاگت رہائش کی فراہمی کیلئے ہر ممکن اقدام کریں گے، وزیراعظم