جنرل (ر)محمد جنید کایگریکلچر ریسرچ انسٹیٹیوٹ ڈیرہ کے فوڈ ٹیکنالوجی لیب کا دورہ
اشاعت کی تاریخ: 14th, January 2025 GMT
جنرل (ر)محمد جنید کایگریکلچر ریسرچ انسٹیٹیوٹ ڈیرہ کے فوڈ ٹیکنالوجی لیب کا دورہ WhatsAppFacebookTwitter 0 14 January, 2025 سب نیوز
جنرل (ر)محمد جنید کایگریکلچر ریسرچ انسٹیٹیوٹ ڈیرہ کے فوڈ ٹیکنالوجی لیب کا دورہ
ڈیرہ اسماعیل خان (محمد ریحان)جنرل (ر)محمد جنید ہلالِ امتیاز (ملٹری) نے گزشتہ روز زرعی تحقیقاتی ادارہ ایگریکلچر ریسرچ انسٹیٹیوٹ ڈیرہ کے فوڈ ٹیکنالوجی لیب کا دورہ کیا۔اس موقع پر فوڈ ٹیکنالوجی کے سربراہ ڈاکٹر شہزادہ ارشد سلیم سدو زئی نے جنرل (ر)محمد جنید کو ہائبرڈ سولر ٹنل ٹیکنالوجی پر ایک جامع اور تفصیلی بریفنگ دی۔ یہ ٹیکنالوجی کھجوروں کی پروسیسنگ اور خشک کرنے کے عمل کو نہایت موثر بناتی ہے۔ اس کے ذریعے پروسیسنگ کے دوران توانائی کی بچت کے ساتھ ساتھ کھجوروں کے معیار کو بھی یقینی بنایا جاتا ہے۔
معزز مہمان نے اس ٹیکنالوجی کی افادیت کو بخوبی سمجھا اور اسے اپنے علاقہ میں قائم فارم پر نافذ کرنے کی خواہش ظاہر کی۔ ان کے نزدیک یہ ٹیکنالوجی ایک انقلابی اقدام ہے جو کھجور کی پروسیسنگ کو عالمی معیار پر لے جانے کی صلاحیت رکھتی ہے اور بین الاقوامی مارکیٹ میں پاکستانی کھجوروں کی مانگ کو بڑھا سکتی ہے
۔اس موقع پر عبد القیوم خان (ڈائریکٹر)اور عمران اللہ خان (سینئر ریسرچ آفیسر)بھی موجود تھے۔ انہوں نے کھجور کی کاشت کے مختلف پہلوئوں پر تفصیلی گفتگو کی۔ اس بات چیت میں درختوں کو بیماریوں سے بچانے کے جدید طریقے، پیداوار میں اضافے کے لیے موثر حکمت عملیاں، اور کھجور کے پھولوں کی کامیاب پولینیشن کے حوالے سے جدید تکنیک شامل تھیں۔
جنرل(ر) جنید نے اپنے تجربات اور خیالات کا تبادلہ کیا، جس سے یہ مکالمہ مزید موثر اور معلوماتی ثابت ہوا۔دورے کے دوران، جنرل (ر)جنید نے تحقیقاتی مرکز کے ڈسپلے روم کا بھی دورہ کیا، جہاں کھجور اور دیگر پھلوں سے تیار کردہ ویلیو ایڈڈ مصنوعات کی نمائش کی گئی تھی۔ ان مصنوعات میں اعلی معیار کی کھجوریں، خشک میوہ جات، اور دیگر پراسیسڈ پراڈکٹس شامل تھیں، جنہیں دیکھ کر جنرل جنید نے فوڈ ٹیکنالوجی کے شعبے میں ہونے والی ترقی کو سراہا۔ انہوں نے اس بات پر زور دیا کہ ان مصنوعات کی تیاری سے نہ صرف مقامی معیشت کو تقویت ملے گی بلکہ بین الاقوامی سطح پر بھی پاکستان کے زرعی شعبے کی ساکھ بہتر ہوگی۔
ذریعہ: Daily Sub News
پڑھیں:
سعودی عرب،2023 تک کھجور کی مجموعی پیداوار 1.9ملین ٹن سے زیادہ ہوگئی
٭کھجوروں میں الخلاصاور السکری کی پیداوار سب سے زیادہ ہے، ریاض دوسرے نمبرپر ہے ،وزارت ماحولیات ٭کھجوروں میں الخلاص اور السکری کی پیداوار سب سے زیادہ ہے
۔۔۔۔۔۔۔۔۔
سعودی عرب میں 2023 تک کھجور کی مجموعی پیداوار 1.9ملین ٹن سے زیادہ ہوگئی ہے۔ سعودی خبررساں ادرے کے مطابق وزارت ماحولیات، پانی و زراعت کی جانب سے جاری بیان میں کہا گیا ہے کہ کھجوروں میں الخلاص اور السکری کی پیداوار سب سے زیادہ ہے۔ کھجور کی پیداوار اور مقدار کے لحاظ سے ریاض دوسرے نمبرپر ہے جبکہ کھجور کی پیداوار 453.1ہزار ٹن ہے۔ مدینہ منورہ 343ہزار ٹن کے ساتھ تیسرے، الشرقیہ 258.7ہزار ٹن سے چوتھے، عسیر 61ہزار ٹن سے پانچویں اور تبوک 55.6ہزار ٹن زائد کیساتھ چھٹے نمبر پر ہے۔ کھجور کے درختوں کی مجموعی تعداد میں 10.7ملین سے زائد درختوں کے ساتھ القصیم کا علاقہ سرفہرست ہے جن میں سے 9.7ملین سے زائد پھل دار درخت ہیں۔ دارالحکومت ریاض 8ملین سے زائد درختوں کے ساتھ دوسرے نمبر پر ہے یہاں 6.8ملین سے زیادہ پھل دار درخت ہیں۔ مدینہ منورہ میں کھجور کے درختوں کی تعداد 8ملین سے زیادہ ہے۔ 2023کے دوران مملکت کے تمام علاقوں میں کھجور خاص طور پر الخلاص اور السکری الاصفر کی پیداوار سب سے اچھی رہی۔الخلاص کھجور کی پیداوار 609ہزار ٹن سے زیادہ جبکہ السکری الاصفر کی پیداوار 394ہزار ٹن سے تجاوز کر گئی۔
سپریم کورٹ کا ہر جج آزاد ہے، ججز پر تنقید ہونی چاہیے لیکن تعمیری تنقید ہو، جسٹس یحییٰ آفریدی