برطانوی یونیورسٹی نے انوکھا ڈگری پروگرام متعارف کرادیا
اشاعت کی تاریخ: 14th, January 2025 GMT
ایڈنبرا کی مشہور ہیریئٹ واٹ یونیورسٹی نے ایک منفرد انڈرگریجویٹ ڈگری پروگرام کا آغاز کیا ہے جس میں طلباء کو شراب بنانے کی تربیت دی جائے گی۔
چار سالہ بی ایس سی (آنرز) ڈگری پروگرام میں طلباء کو تقریباً دس ہزار پونڈ سالانہ فیس میں شراب بنانا سکھائی جائے گی۔ یونیورسٹی کا کہنا ہے کہ شراب کی صنعت عالمی معیشت میں تیزی سے ترقی کر رہی ہے اور جی ڈی پی کا اہم حصہ بن رہی ہے۔
یونیورسٹی کے مطابق صرف اسکاٹ لینڈ میں اسکاچ وِسکی انڈسٹری میں 11,000 سے زائد افراد براہ راست ملازمت کر رہے ہیں جبکہ مزید 42,000 بالواسطہ طور پر وابستہ ہیں۔
یہ برطانیہ میں اپنی نوعیت کا واحد انڈرگریجویٹ پروگرام ہے جس کے تحت طلباء کو شراب کشیدنے میں مہارت حاصل کرنے کا موقع ملے گا۔
یونیورسٹی کا کہنا ہے کہ اس ڈگری میں اکاؤنٹنگ، فنانس کے اختیاری ماڈیولز بھی شامل ہیں تاکہ گریجویٹس انڈسٹری کے تمام پہلوؤں میں ماہر بن سکیں۔ اس پروگرام کے فارغ التحصیل طلباء کو انڈسٹری میں انتہائی شاندار روزگار ملے گا۔
برطانوی یونیورسٹی کے اس ڈگری پروگرام نے سوشل میڈیا پر ایک نئی بحث کو جنم دیا ہے جس پر لوگ اپنی آراء کا اظہار کررہے ہیں۔ لوگوں کا کہنا ہے کہ شراب کے جسمانی، ذہنی اور معاشرتی سطح پر انتہائی سنگین نقصانات ہیں جسے کسی صورت پروموٹ نہیں کرنا چاہئے، یونویرسٹی میں اس طرح کی ڈگری تشویشناک ہے۔
طبی ماہرین کا کہنا ہے کہ شراب نوشی جگر، دل کی بیماریوں اور کینسر کے خطرات کو کئی گنا بڑھا دیتی ہے۔ عالمی ادارہ صحت (WHO) کے مطابق شراب نوشی ہر سال لاکھوں افراد کی اموات کی ایک بڑی وجہ ہے، ایک حالیہ تحقیق کے مطابق شراب پینے سے دماغی خلیوں کو ناقابل تلافی نقصان پہنچتا ہے جس کے نتیجے میں یادداشت کی کمزوری اور ذہنی دباؤ جیسے مسائل پیدا ہوتے ہیں۔
.ذریعہ: Express News
کلیدی لفظ: کا کہنا ہے کہ طلباء کو
پڑھیں:
ملک کے بیشتر علاقوں میں آج سے گرمی بڑھنے کا امکان
اسلام آباد(نیوز ڈیسک) محکمہ موسمیات کے مطابق آج سے سندھ ،جنوبی پنجاب اور بلوچستان کے علاقے گرمی کی لہر کی لپیٹ میں رہیں گے۔محکمہ موسمیات کے مطابق آج سے 18اپریل کے دوران دن کا درجہ حرارت معمول سے 06 سے 08 ڈگری سینٹی گریڈزیادہ رہنے کا امکان ہے۔
اسلام آباد،وسطی اور بالائی پنجاب، خیبرپختونخوا، کشمیر اور گلگت بلتستان میں پیر سے جمعہ کے دوران درجہ حرارت میں 04 سے 06 ڈگری اضافہ متوقع ہے جبکہ گرمی کی لہر کے باعث آندھی یا جھکڑ بھی چل سکتے ہیں۔
محکمہ موسمیات کے مطابق گزشتہ روز ملک میں سب سے زیادہ درجہ حرارت نواب شاہ ، حیدرآباد اور دادو میں 43ڈگری سینٹی گریڈ ریکارڈ کیا گیا۔
محکمہ موسمیات کے مطابق کراچی39، بہاولپور، ڈیرا اسماعیل خان37، لاہور، پشاور 35، اسلام آباد اور کوئٹہ میں 33 ڈگری ریکارڈ کیا گیا۔
آخری معرکہ! مایوس ہیں نہ محروم ہیں ہم