وہ بالی ووڈ ستارے جو پڑھائی چھوڑ کر آج کروڑوں کے مالک ہیں
اشاعت کی تاریخ: 14th, January 2025 GMT
بھارت(نیوز ڈیسک)صرف اعلی تعلیم اور ڈگری حاصل کرنا کسی انسان کی کامیابی کی ضمانت نہیں دے سکتا ہے بلکہ بعض اوقات اپنے پسندیدہ شوق سے بہت زیادہ لگن بھی آپ کو اپنی منزل تک پہنچا سکتی ہے۔ بالی ووڈ میں کچھ اداکار ایسے ہیں جنہوں نے یہ ثابت کر دکھایا ہے۔پڑھوگے لکھو گے تو بنو گے نواب، کھیلو گے کودو گے تو ہو گے خراب۔ کھیل ہو یا کوئی کاروباراس کہاوت کو بہت سے لوگوں نے غلط ثابت کیا ہے لیکن انٹر ٹینمنٹ انڈسٹری میں بھی ایسے کئی ستارے ہیں جنہوں نے اداکاری کی دنیا میں نام کمانے کے لیے اپنی پڑھائی درمیان میں ہی چھوڑ دی تھی اور آج پوری دنیا انہیں سلام کرتی ہے۔
سلمان خان
اس فہرست میں سب سے پہلا نام میگااسٹار سلمان خان کا ہے۔ آپ کو یقین نہیں آئے گا لیکن وہ ممبئی کے سینٹ زیویئر کالج میں پڑھ رہے تھے جب انہوں نے اپنی پڑھائی چھوڑ کر اداکاری میں کیریئر بنانے کا فیصلہ کیا۔ سال 1988 میں انہوں نے فلم ’بیوی ہو تو ایسی‘ میں شاندار کام کیا اور پھر پیچھے مڑ کر نہیں دیکھا۔
دیپیکا پڈوکون
دپیکا پڈوکون کے نام سے آج پوری دنیا واقف ہے لیکن کیا آپ جانتے ہیں کہ وہ بنگلور کے ماؤنٹ کارمل کالج میں زیر تعلیم تھیں جب انہوں نے آرٹس کی ڈگری لینے کے بجائے اداکاری اور ماڈلنگ میں نام کمانے کو ترجیح دی۔ دیپیکا کا یہ فیصلہ ان کے کیرئیر کا ٹرننگ پوائنٹ ثابت ہوا۔
رنبیر کپور
کپور خاندان میں رنبیر کپور کو ان کے خاندان کے سب سے زیادہ ہونہار بچوں میں سے ایک مانا جاتا ہے۔ لیکن پڑھائی کی بات کی جائےتو انہوں نے صرف 10ویں جماعت تک تعلیم حاصل کی، اس کے بعد وہ فلم میکنگ کی تعلیم حاصل کرنے کے لیے بیرون ملک چلے گئے، لیکن وہاں اپنی تعلیم مکمل کرنے سے پہلے ہی بھارت آگئے اور سینما کی دنیا میں گم ہوگئے۔
ریکھا
بالی ووڈ کی سدا بہار اداکارہ ریکھا نے بھی اسکول کی تعلیم پوری نہیں کی اور درمیان میں ہی چھوڑ کرفلم انڈسٹری میں کام کرنا شروع کردیا۔ وہ صرف 14 سال کی تھیں جب انہوں نے پہلی بار کیمرے کے سامنے پرفارم کیا۔
ارجن کپور
ارجن کپور کی تعلیم بھی واجبی رہی ہے۔ اداکارکا 10ویں کلاس مکمل کرنے کے بعد ہی پڑھائی سے دل اچاٹ ہوگیا۔ وہ نرسی مونجی کالج، ممبئی میں پڑھ رہے تھے، جب انہوں نے اپنی پڑھائی چھوڑ کر اسسٹنٹ ڈائریکٹر کے طور پر انڈسٹری جوائن کرنے کا فیصلہ کیا۔
کرینہ کپور خان
کرینہ کپور خان بھی ایسی ہی فہرست میں شامل ہیں۔ بہت کم لوگ جانتے ہیں کہ انہوں نے مٹھی بائی کالج، ممبئی میں کامرس کی ڈگری حاصل کرنے کی غرض سے داخلہ لیا تھا لیکن بعد میں انہوں نے اپنی پڑھائی چھوڑ دی اور ایف ٹی آئی آئی میں ایک مختصر مدتی اداکاری کا کورس کیا جو ان کے لیے ایک اہم موڑ ثابت ہوا۔
عامر خان
بالی ووڈ کے مسٹر پرفیکشنسٹ عامر خان بھی تعلیم ادھوری چھوڑ کر فلم انڈسٹری جوائن کرنے میں سر فہرست ہیں۔ عامر خان نے بھی اسی کالج میں تعلیم حاصل کی جس کالج میں ارجن کپور نے تعلیم حاصل کی تھی۔ عامر نے اپنی پڑھائی چھوڑ کر فلمی دنیامیں میدان مارنے کا فیصلہ کیا تھا اورشومئی قسمت کہ انہیں اپنی پہلی فلم ”قیامت سے قیامت تک“ سے ہی ایک بڑا بریک تھرو ملا اور وہ شہرت کی بلندیوں کو چھوتے چلے گئے۔
ذریعہ: Daily Ausaf
کلیدی لفظ: جب انہوں نے تعلیم حاصل انہوں نے ا کالج میں بالی ووڈ
پڑھیں:
اہلیہ سے لڑائی ہو جائے تو بیٹیاں کس کا ساتھ دیتی ہیں، شاہد آفریدی نے بتا دیا
پاکستان کرکٹ ٹیم کے سابق کپتان شاہد آفریدی کا کہنا ہے کہ انہوں نے اپنی ہر بیٹی کی پیدائش کے بعد اپنی قسمت کو بدلتے ہوئے دیکھا ہے۔
شاہد آفریدی نے حال ہی میں ایک پوڈ کاسٹ میں شرکت کی جہاں انہوں نے مختلف موضوعات پر کھل کر بات کی۔
یہ بھی پڑھیں: رشتے کے لیے ہاں کرنے سے قبل شاہین آفریدی کی انکوائری، شاہد آفریدی نے سب بتادیا
اپنی بیٹیوں کے حوالے سے ان کا کہنا تھا کہ 5 بیٹیوں پر خود کو بہت خوش قسمت محسوس کرتے ہیں، میزبان نے ان سے سوال کیا کہ کیا اپنی اولاد سے زیادہ اس کی اولاد سے محبت ہوتی ہے؟ انہوں نے کہا کہ انہیں ایسا لگتا ہے کہ انشا اور شاہین شاہ آفریدی کا بیٹا عالیار بھی ان کا ہی بیٹا ہے۔ ان کے درمیان کوئی فرق نہیں ہے۔
شاہد آفریدی نے بتایا کہ جب کبھی بیگم سے میری لڑائی ہو جائے تو بیٹیاں بلیوں کی طرح اپنی ماں کے ساتھ کھڑی ہو جاتی ہیں، ’میں اپنی بیوی کو بیٹیوں کے سامنے کچھ نہیں کہہ سکتا‘۔
اپنی سب سے پسندیدہ بیٹی کے بارے میں سوال کا جواب دیتے ہوئے ان کا کہنا تھا کہ انہوں نے تمام بیٹیوں کو ایک جیسا پیار کیا ہے اور ان کے لیے تمام بیٹیاں برابر ہیں لیکن چونکہ اس وقت عروہ سب سے چھوٹی ہے اس لیے سب کی پسندیدہ ہے۔
یہ بھی پڑھیں: ’کوئی شاہد آفریدی کو بتائے وزیراعظم بننے کے لیے ڈگری چاہیے ہوتی ہے‘ سابق کپتان تنقید کی زد میں کیوں؟
شاہد آفریدی نے اپنے کرکٹ کیرئیر کے حوالے سے بات کرتے ہوئے کہا کہ انہوں نے کبھی پریشر نہیں لیا اور اللہ کو محسوس کیا ۔ انہوں نے کہا کہ وہ نہیں دیکھتے تھے کہ سامنے بولنگ کرنے والا کون سا کھلاڑی ہے، انہوں نے مزید کہا کہ کیرئیر کے شروع میں بہت خوش تھے کہ ان لوگوں کے ساتھ کھیلنے کا موقع مل رہا ہے جنہیں وہ کبھی ٹی وی پر دیکھتے تھے، ان کا کہنا تھا کہ عوام بولنگ سے زیادہ بیٹنگ کو پسند کرتے تھے اس لیے ان پر اس چیز کا پریشر تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہد آفریدی شاہد آفریدی بیٹیاں شاہین آفریدی
اپنا گھر بنانے کے خواہشمند افراد کے لیےاچھی خبر آ گئی