سی ڈی اے نے سیکٹر C-14 کے رہائشی پلاٹوں کی الاٹمنٹ کے لئے قرعہ اندازی کردی
اشاعت کی تاریخ: 14th, January 2025 GMT
سی ڈی اے نے سیکٹر C-14 کے رہائشی پلاٹوں کی الاٹمنٹ کے لئے قرعہ اندازی کردی WhatsAppFacebookTwitter 0 14 January, 2025 سب نیوز
اسلام آباد(سب نیو)سی ڈی اے نے سیکٹر C-14 کے رہائشی پلاٹوں کی الاٹمنٹ کے لئے قرعہ اندازی کردی۔
تفصیلات کے مطابق قرعہ اندازی کے زریعے 236 پلاٹس الاٹ کئے گئے۔قرعہ اندازی کے عمل کو شفاف بنانے کیلئے نادرا کی خدمات حاصل کی گئیں۔
چیئرمین سی ڈی اےمحمد علی رندھاوا نے قرعہ اندازی کے عمل کی نگرانی خود کی۔
قرعہ اندازی کے لیے ہال میں موجود افراد سے مختلف ڈیجٹ سیڈ نمبر کے طو پر لئے گئے۔
سیکٹر C-14 میں پلاٹوں کی الاٹمنٹ میں سمندر پار پاکستانیوں کو ترجیح دی گئ ہے۔
مقررہ تاریخ تک واجبات جمع نہ کروانے کی صورت میں قراعہ اندازی کے ذریعے بنائی گئ ویٹنگ لسٹ کے تحت مقامی شہریوں کو الاٹ ھو جائیں گے۔
کامیاب امیدواروں کی فہرست سی ڈی اے کی ویب سائٹ اور آفشل سوشل میڈیا پلیٹ فارمز پر بھی آویزاں کی جائے گی
سی ڈی اے کو سیکٹر C-14 میں پلاٹس حاصل کرنے کیلئے 1700 سے زائد درخواستیں موصول ہوئیں۔
سیکٹر C-14 مارگلہ ہلز کے دامن میں واقع اسلام آباد کا خوبصورت رہا ئشی منصوبہ ہے۔
اس سیکٹر میں تمام شہری سہولیات کی فراہم کی جائیں گی ۔سیکٹر C-14 کو اپنے محل وقوع کی وجہ سے مستقبل کا E-7 قرار دیا جارہا ہے۔
چیئرمین سی ڈی اے محمد علی رندھاوا نے پلاٹوں کے حصول کے لیے درخواستیں جمع کروانے والے شہریوں کا سی ڈی اے پر اعتماد کا شکریہ اداکیا،
چیئرمین سی ڈی اے نے کہا کہ پلاٹوں کا قبضہ ہر حال میں آخری قسط کی ادئیگی سے قبل مالکان کے حوالے کردیا جائے،
سیکٹر C-14 کی سائٹ پر دن رات ڈیولپمنٹ کام جاری ھے، سیکٹر C-14 میں لوگوں کی دلچسپی کو مدنظر رکھتے ہوئے مزید نئے سیکٹرز بھی متعارف کروائے جائیں گے، نہ صرف نئے بلکہ تمام پرانے سیکٹرز کی ڈویلپمنٹ کا کام بھی کیا جائے گا۔
چیئرمین سی ڈی اے نے بیلٹنگ کے عمل میں کامیاب ھونے والے امیدواروں کو مبارکباد پیش کی اور کہا کہ تمام لوگ ملکر اسلام آباد شہر کو خوبصورت بنانے میں اپنا کردار ادا کریں،۔
.ذریعہ: Daily Sub News
کلیدی لفظ: سی ڈی اے نے سیکٹر C 14 نے سیکٹر
پڑھیں:
پہلا 3 روزہ اوورسیز پاکستانیز کنونشن کل سے اسلام آباد میں شروع ہوگا
اسلام آباد:حکومتِ پاکستان اور اوورسیز پاکستانیز فاؤنڈیشن کی جانب سے پہلا اوورسیز پاکستانیز کنونشن 13 تا 15 اپریل اسلام آباد میں منعقد ہوگا۔
وزارتِ اوورسیز کی جانب سے جاری اعلامیے کے مطابق اس کنونشن کا مقصد اوورسیز پاکستانیوں کو اپنے گھر میں خوش آمدید کہنا، انہیں گلے لگانا، ان کے تحفظات سننا اور ان کی قیمتی تجاویز کی روشنی میں پالیسی سازی کو بہتر بنانا ہے۔
حکومتِ پاکستان نے فیصلہ کیا ہے کہ کنونشن میں شرکت کے لیے آنے والے اوورسیز پاکستانیوں کو ریاستی مہمان کا درجہ حاصل ہوگا۔ ہوائی اڈوں پر ان کے والہانہ استقبال کے لیے خصوصی انتظامات اور خیر مقدمی بینرز آویزاں کیے جا رہے ہیں۔
شرکا کو مکمل پروٹوکول اور عزت و تکریم کے ساتھ خوش آمدید کہا جائے گا، جبکہ عوامی سطح پر تقریبات بھی منعقد کی جائیں گی۔
وزیرِاعظم پاکستان کی خصوصی ہدایت پر یہ تمام انتظامات اس عزم کے ساتھ کیے جا رہے ہیں کہ دنیا بھر میں بسنے والے پاکستانیوں کو یہ احساس دلایا جائے کہ پاکستان ان کا اپنا گھر ہے۔
اوورسیز پاکستانیز کنونشن ایک ایسا فورم فراہم کرے گا جہاں بیرونِ ملک پاکستانی، حکومتی نمائندگان اور قومی ادارے ایک ہی چھت تلے اکٹھے ہوں گے۔
اس مقصد کے لیے مختلف سرکاری اداروں کے سہولتی کاؤنٹرز قائم کیے جا رہے ہیں تاکہ اوورسیز پاکستانیوں کو ایک ہی مقام پر معلومات، رہنمائی اور خدمات کی فراہمی ممکن بنائی جا سکے۔
یہ اقدام اس بات کا مظہر ہے کہ حکومتِ پاکستان اوورسیز پاکستانیوں کے مسائل کو سننے، سمجھنے اور فوری حل فراہم کرنے کے لیے نہایت سنجیدہ ہے۔
اس موقع پر اوورسیز کمیونٹی کو پاکستان کے ترقیاتی عمل میں مؤثر کردار ادا کرنے کی دعوت دی جائے گی، اور ان کیلئے موجود سہولیات و پالیسیوں میں بہتری کی تجاویز پر بھی غور کیا جائیگا۔
سندھ بلڈنگ ،اسحاق کھوڑو کے بلند بانگ دعوے جھوٹ کا پلندہ نکلے