سعود نے ڈیڈ فلاپ فلمیں دیں انہیں سید نور کی وجہ سے شناخت ملی، اداکار راشد محمود
اشاعت کی تاریخ: 14th, January 2025 GMT
ماضی کی مقبول فلموں اور ڈراموں میں کام کرنے والے سینئر اداکار راشد محمود کا کہنا ہے کہ پاکستان شوبز انڈسٹری کے معروف اداکار سعود قاسمی متاثر کن اداکار نہیں تھے، انہوں نے ڈیڈ فلاپ فلمیں دیں۔
راشد محمود حال ہی میں عنبرین فاطمہ کے یوٹیوب چینل پر نظر آئے۔ اپنے انٹرویو میں انہوں نے شان شاہد اور سید نور کے بارے میں سعود کے متنازعہ ریمارکس پر بات کی۔ اس کے علاوہ انہوں نے ایک دوسرے پر تنقید کرنے والی مشہور شخصیات کے حوالے سے بھی اپنے خیالات کا اظہار کیا۔
یہ بھی پڑھیں: شان اور معمر رانا نے وعدہ شکنی کی، اداکار سعود قاسمی کے انکشافات
سعود کی سید نور اور شان شاہد پر تنقید کے حوالے سے بات کرتے ہوئے ان کا کہنا تھا کہ سعود، پرویز کلیم کی وجہ سے انڈسٹری میں آئے۔ وہ ایک متاثر کن اداکار نہیں تھے اس صنعت کے ذریعے انہیں شہرت اور پہچان ملی اور اب وہ اسی پر تنقید کر رہے ہیں، لالی ووڈ کی بربادی میں کسی ایک کا ہاتھ نہیں بلکہ سب کا ہے۔
اداکار نے کہا کہ سید نور کی فلم ’ہوائیں‘ سے پہلے سعود نے ڈیڈ فلاپ فلمیں دیں انہوں نے مزید کہا کہ سید نور جیسے اسٹار میکر کو بدنام کر کے آپ مشہور نہیں ہو جائیں گے۔ وہ تھے تو آپ انڈسٹری کا حصہ تھے اب آپ کہاں ہیں، ان کے کمنٹس سے تکلیف ہوئی۔
شان شاہد کے بارے میں بات کرتے ہوئے انہوں نے کہا کہ شان شاہد پاکستان کا فخر ہے جس کا متبادل نہیں ہوسکتا۔ اس کے پاس کسی بھی قسم کا ایکشن رول کرنے کی صلاحیت ہے وہ چوائس سے کام کرتے ہیں۔
یہ بھی پڑھیں: جویریہ سعود کی شادی کیسے ہوئی؟ اداکارہ کے دلچسپ انکشافات
راشد محمود نے کہا کہ ناصر ادیب کے ساتھی اداکاروں کے بارے میں بیانات بھی پسند نہیں آئے۔ انہیں اپنے یو ٹیوب چینل کے لیے ویوز کی ضرورت ہے تو آپ شناخت تو پہلے ہی رکھتے ہیں، ایسے بیانات آپ کی امیج کو خراب کر رہے ہیں۔ ان کا کہنا تھا کہ اس طرح کی باتیں کر کے آپ کسی کو چھوٹا نہیں کر سکتے۔
واضح رہے کہ راشد محمود کا شمار پاکستان کی فلم اور ٹی وی انڈسٹری کے سینئر اداکاروں میں ہوتا ہے، اداکار پی ٹی وی کے ساتھ ایک طویل عرصے تک وابستہ رہے، ان کے مقبول ڈراموں میں شاہین، کاجل گھر، مرزا غالب، ریاست، محبت روٹھ جائے تو، ضرار اور دیگر شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستانی فلمیں راشد محمود سعود شان لالی ووڈ ناصر ادیب.ذریعہ: WE News
کلیدی لفظ: پاکستانی فلمیں شان شاہد انہوں نے کہا کہ
پڑھیں:
راشد
جمال الدین جمالی: سانحہ 9مئی کے ایک اور تلخ واقعہ مسلم لیگ ن کا دفتر جلانے کے مقدمہ میں اہم پیشرفت ہوئی ہے۔ عدالت نے سابق گورنر عمر جاوید چیمہ، سابق وزیر صحت یاسمین راشد، اعجاز چوہدری، محمود الرشید اور صنم جاوید سمیت 31 ملزموں پر فرد جرم عائد کر دی۔
فردَ جرم عائد ہونے کے بعد ملزموں نے عدالت میں صحت جرم سے انکار کیا اور عدالت نے آئندہ سماعت پر پراسیکیوشن کو گواہیاں ریکارڈ کروانے کی اجازت دے دی۔
لاہور کی انسداد دہشتگردی عدالت میں آج ماڈل ٹاؤن لاہور میں 9 مئی 2022 کو مسلم لیگ نون کا مرکزی دفتر جلانے کے ایک مقدمہ میں ملزموں پر فرد جرم عائد کر دی، مسلم لیگ نون کا ہی دفتر جلانے کے دوسرے مقدمہ مین فردِ جرم 23 جنوری کو عائد کرنے کا حکم دے دیا۔
آج فرد جرم عائد کرنے کے لئے تمام ملزموں کو کٹہرہ میں لایا گیا جن میں نمایاں ڈاکٹر یاسمین راشد،عمر سرفراز چیمہ ،اعجاز چودھری،محمود الرشید، صنم جاوید تھے، انسداد دہشتگردی عدالت کے جج نے طریقہ کار کے مطابق فردِ جرم پڑھ کر سنائی۔
عدالت نے مقدمے کی مزید کارروائی 22 جنوری تک ملتوی کر دی، 22 جنوری کو پراسیکیوشن اپنے گواہوں کی گواہیاں ریکارڈ کروائے گی۔
رجب بٹ کی نئی گاڑی،قیمت کے حوالے سے بڑادعویٰ سامنے آگیا
عدالت نے حکم دیا کہ سکیورٹی ضروریات کے سبب اس مقدمے میں ٹرائل کی مزید کارروائی کوٹ لکھپت جیل میں ہو گی۔
مسلم لیگ نون کا دفتر جلانے کے دوسرے کیس مقدمہ نمبر 367/23کی بھی آج مختصر سماعت ہوئی، عدالت نے سماعت اس حکم کے ساتھ 23 جنوری تک ملتوی کر دی کہ اس روز فرد جرم عائد کی جائے گی۔
انسداد دہشت گردی عدالت کے جج ارشد جاوید نے سماعت کی۔
وزیراعلیٰ پنجاب کا طلبہ کو مزید 1 لاکھ الیکٹرک بائیکس دینے کا اعلان
Waseem Azmet
چیئرپرسن بینظیر انکم سپورٹ پروگرام روبینہ خالد کا مستحق افراد کے مسائل سننے کیلئے لائیو ای-کچہری کا انعقاد