کراچی؛ یومِ علیؓ کے جلوس کے باعث شہریوں کو متبادل راستے اختیار کرنے کی ہدایت
اشاعت کی تاریخ: 14th, January 2025 GMT
کراچی:
آج شہر قائد میں یومِ علیؓ کے جلوس کے باعث شہریوں کو متبادل راستے اختیار کرنے کی ہدایت دی گئی ہے۔
آج 13 رجب المرجب 1446 ہجری کو شام 4 بجے ایک جلوس بسلسلہ یومِ علیؓ غفور چیمبر سے نکالا جائے گا، جو نمائش چورنگی محفلِ خراساں پر ختم ہوگا۔
ڈی آئی جی ٹریفک کے دفتر سے جاری اعلامیے کے مطابق جلوس کے پیش نظر ایم اےجناح روڈ پر تبت سینٹر سے گرومندر چوک اور اطراف کی سڑکیں سکیورٹی وجوہات کی بنا پر بند رہیں گی، اس سلسلے میں شہریوں کی سہولت کے لیے ٹریفک پولیس کی جانب سے متبادل راستے اختیار کرنے کا کہا گیا ہے۔
ٹریفک پولیس کے مطابق بہادر یار جنگ روڈ استعمال کرنے والے گرومندر سے ٹاور جانے کے لیے سولجر بازار نمبر ایک سگنل کوسٹ گارڈ انکل سریا سگنل کا راستہ اختیار کریں ۔ اسی طرح شاہراہ قائدین سے نمائش چورنگی ایم اے جناح روڈ جانے والے سوسائٹی لائٹ سگنل سے ٹریفک دائیں جانب عائشہ عزیز چورنگی سے پیپلز چورنگی کا راستہ اختیار کریں اور سوسائٹی لائٹ سگنل سے خدا داد کالونی برج سے ایمپریس مارکیٹ کا راستہ اختیار کریں ۔
فریسکو سے نمائش چورنگی جانے والوں کے لیے عیدگاہ چوک ( دلپسند مٹھائی ) ڈاکخانہ سے بائیں جانب جوبلی سے نشتر روڈ یا تبت سینٹر سے دائیں جانب ریگل کا راستہ اختیار کریں۔
فوارہ چوک عبداللہ ہارون روڈ سے ٹریفک پیرا ڈائز سگنل سے بائیں جانب، پاسپورٹ آفس کے لیے دائیں جانب ایمپریس مارکیٹ کا راستہ اختیار کریں۔ اسی طرح آغا خان سوئم روڈ سے زینب مارکیٹ ( عبداللہ ہارون روڈ ) جانے والے گارڈن باغیچہ سے آغا خان سوئم روڈ کی ٹریفک انکل سریا سے دائیں جانب گل پلازہ سے تبت سینٹر کا راستہ اختیار کریں ۔
ترجمان ٹریفک پولیس نے عوام سے اپیل کی ہے کہ زحمت اور پریشانی سے بچنے کے لیے نیو ایم اے جناح روڈ ( صدر دواخانہ سے پیپلز چورنگی ) ، نشتر روڈ ( گارڈن باغیچہ سے لسبیلہ ) اور بہادر یار جنگ روڈ ( گرومندر سے سولجر بازار ایک نمبر سگنل سے انکار سریا ) کے متبادل راستوں کا انتخاب کریں ۔ شہری کسی بھی پریشانی کی صورت میں رہنمائی کے لیے 1915 ڈائل کریں جہاں ٹریفک پولیس کا نمائندے رہنمائی کے لیے 24 گھنٹے موجود ہیں ۔
.ذریعہ: Express News
کلیدی لفظ: ٹریفک پولیس کے لیے
پڑھیں:
میئر کراچی مرتضیٰ وہاب کی پانی ضائع کرنے والوں کو سزا اور جرمانے کی تجویز
میئر کراچی مرتضیٰ وہاب---فائل فوٹومیئر کراچی مرتضیٰ وہاب نے شہر میں پانی ضائع کرنے والوں کو سزا دینے اور جرمانہ عائد کرنے کی تجویز دے دی۔
’جیو نیوز‘ کے پروگرام ’جیو پاکستان‘ میں گفتگو کرتے ہوئے مرتضیٰ وہاب نے کہا کہ 21 اپریل کو سٹی کونسل کا اجلاس ہو گا جس میں پانی کے ضیاع کے معاملے پر بحث ہو گی، اجلاس میں پانی کے ضیاع کے معاملے کو ریگولیٹ کریں گے، کوشش کریں گے کہ شہر میں پانی کا ضیاع نہ ہو۔
انہوں نے کہا کہ جہاں کہیں بھی پانی ضائع ہو رہا ہے، اس کے خلاف بھی کارروائی کریں گے، ہائیڈرنٹس اور ٹینکر میں بھی اگر پانی کی لیکیج کے باعث پانی کا ضیاع ہو گا تو اس کے خلاف کارروائی ہو گی، شہر کے مختلف مقامات پر پانی کی لائنوں میں والو لگائے ہیں، صفورا کے علاقے میں لیکیج کی وجہ سے پانی ضائع ہو رہا تھا، رمضان کے فوری بعد صفورا کے علاقے میں لیکیج کو ختم کیا اور پانی کو ضائع ہونے سے بچایا۔
میئر کراچی مرتضیٰ وہاب کا کہنا ہے کہ اگلے سال مزید 300 اسکیمیں مکمل کریں گے۔
ان کا کہنا ہے کہ میٹھا پانی بہت بڑی نعمت ہے، شہر کو بہتر انداز میں مینج کرنے کی کوشش کریں گے، کوئی سیاسی مقاصد نہیں، سیوریج کے پانی کو ٹریٹ کر کے نرسری میں استعمال کر رہے ہیں، کے ایم سی کی ورک فورس بہت ہے، ورک نہ کرے تو الگ بات ہے، جس کی پکی نوکری ہوتی ہے اسے نکالنا بہت مشکل ہوتا ہے۔
انہوں نے مزید کہا کہ ٹریفک قوانین کی خلاف ورزی پر بھی بھاری جرمانے عائد کرنے کی تجویز ہے، ایسی قانون سازی کی ضرورت ہے کہ قوانین کی خلاف ورزی کرنے والوں کی ضمانت آسانی سے نہ ہو۔
میئر کراچی مرتضیٰ وہاب نے یہ بھی کہا ہے کہ گورنر سندھ سے ہفتے کو ملاقات ہوئی ہے، ان کو اپنے پراجیکٹس کے بارے میں بریف کیا، ملیر ایکسپریس وےکا دوسرا حصہ 30 اپریل تک مکمل ہو جائے گا۔
راولپنڈی: عمران خان کی تینوں بہنوں سمیت پی ٹی آئی کے متعدد رہنماؤں کو حراست میں لے لیا گیا