اقتدار ملنے کے باوجود حکمران ہار چکے ،پابند سلاسل رکھا گیا لیڈر عمران خان جیت چکا ہے ‘ مسرت جمشید چیمہ
اشاعت کی تاریخ: 14th, January 2025 GMT
لاہور(اُردو پوائنٹ اخبارتازہ ترین - این این آئی۔ 14 جنوری2025ء) پاکستان تحریک انصاف کی سینئر رہنما مسرت جمشید چیمہ نے کہا ہے کہ بانی پی ٹی آئی عمران خان سے جب بھی جیل میں ملاقات ہوتی ہے ان کی زبان پر پہلا سوال عوام اور کارکنان کے بارے میں ہوتا ہے ،عمران خان کہتے ہیں ہمارے کارکنان نے بڑی قربانیاں دی ہیں ، وہ شہداء کی فیملیوں اور زخمی کارکنوں کے بارے میں دریافت کرتے ہیں ،بانی پی ٹی آئی پر عزم ہیں کہ ظلم اور جبر کی رات نے جتنا طویل ہونا تھا وہ ہو چکی ہے اب ان شا اللہ بہت جلد سویرا ہوگا اور آنے والا وقت پاکستان اور عوام کا ہے ۔
جمشید اقبال چیمہ کے ہمراہ انسداد دہشتگردی کی خصوصی عدالت میں پیشی کے بعد میڈیا سے گفتگو کرتے ہوئے مسرت جمشید چیمہ نے کہا کہ بانی پی ٹی آئی عمران خان پاکستان کی سیاست اورپاکستان کی معیشت کا چڑھتا سورج ہیں ،ملک کی ڈوبتی کشتی اور مسائل کی وجہ سے بد حال عوام کو وہی سنبھالیں گے ،پاکستان کی سیاست اور معیشت کبھی بھی عمران خان کے بغیر مکمل نہیں ہو سکتی ۔(جاری ہے)
انہوں نے کہا کہ ملک کے پچیس کروڑ عوام کی زندگیاں بیوقوفوں اورنالائقوں کے ٹولے کے حوالے کی گئی ہیں، یہ ٹولہ خود پسندی کا شکار ہے ، انہوں نے اپنے دماغ کے اندر تصوراتی دنیا بنائی ہوئی ہے جس سے باہر نہیں نکلتے ۔ انہوں نے بارہ کروڑ غریب عوام کے صوبے کی وزیراعلیٰ غیر ملکی ڈیز ائنر کا بنایا ہوا لاکھوں روپے کا جوڑا پہنتی ہیں اور پھر مصنوعی طریقے سے خود کو عوام سے جوڑنے کی ناکام کوشش بھی کرتی ہیں۔ ہم انہیں بتانا چاہتے ہیں کہ عوام اب با شعور ہو چکے ہیں ،آپ لوگ عقل سے کام لو اور عوام کے جو حقیقی مسائل ہیں ان کو سمجھو۔ انہوں نے کہا کہ پنجاب پر مسلط خاندان کے پاس لوٹی ہوئی بے شمار دولت ہے ، اس خاندان نے اوور ٹائم لگا کر اس ملک کو لوٹا ہے ،جب کرپشن سے پیٹ نہیں بھرا تو عوام کے مینڈیٹ پربھی شب خون مارا گیا ،جس طرح کھلی دھاندلی کے ناچ اورسر عام فارم 47 کے ذریعے عوام کے جذبات اور ووٹ کو مجروح کیا گیا اس کی تاریخ میں مثال نہیں ملتی ۔ یہ سب کچھ کرنے اور اقتدار ملنے کے باوجود آپ ہار چکے ہیں اور بانی پی ٹی آئی جنہیں پابند سلا سل رکھا گیا ہے وہ جیت چکے ہیں۔انہوں نے کہا کہ قوم کو پیغام ہے کہ بانی پی ٹی آئی ایک دن کے لئے پریشان نہیں ہوئے بلکہ وہ ملاقات کرنے والے رہنمائوں کو حوصلہ دے کر بیجتے ہیں کہ عوام کو خوشخبری دیں پاکستان کے عوام کو بتائیں وہ جیت چکے ہیں ،جیت ان کا مقدر ہے ،فتح ہمیشہ حق اور سچ کی ہوتی ہے جو ہو چکی ہے ۔سابق معاون خصوصی جمشید اقبال چیمہ نے کہا کہ گزشتہ سال لارج سکیل مینو فیکچرننگ چھ فیصد پیچھے گئی اور اس سال بھی یہی رجحان ہے ،آپ کہتے ہیں کنسٹرکشن انڈسٹری بوسٹ کر رہی جبکہ سیمنٹ کی پانچ مہینوں میں بارہ فیصد کم فروخت ہوئی ہے جبکہ ایکسپورٹ میں ستائیس فیصد اضافہ ہوا ہے ، ہم زراعت کی بات کریں تو اس سال چونتیس فیصد کپاس کم پیدا ہوئی ہے جس کا مطلب ہے کہ چار ارب ڈالر کی ایکسپورٹ کم ہوں گی ۔.ذریعہ: UrduPoint
کلیدی لفظ: تلاش کیجئے بانی پی ٹی آئی نے کہا کہ انہوں نے عوام کے چکے ہیں
پڑھیں:
حکمران عوام کے زندہ بیدار ایمان پروَر جذبات کی قدر کریں، لیاقت بلوچ
نائب امیر جماعت اسلامی کا کہنا ہے کہ 18 اپریل کو ملتان اور 20 اپریل کو اسلام آباد میں بھی یکجہتی غزہ مارچ فقیدالمثال ہونگے اور 22 اپریل کو عالمی حکمرانوں، عالمی اداروں کے ضمیر کو جھنجھوڑنے اور حکومتِ پاکستان کو مسئلہ فلسطین پر جرات مندانہ کردار ادا کرنے پر مجبور کرنے کیلیے پوری قوم ملک گیر شٹرڈاؤن ہڑتال کرے گی۔ اسلام ٹائمز۔ نائب امیر جماعتِ اسلامی، سیکرٹری جنرل مِلی یکجہتی کونسل لیاقت بلوچ نے کہا ہے کہ عالمِ اسلام کی قیادت عالمِ اسلام میں عوام کے والہانہ اتحادِ اْمت کے جذبوں کی غیرت مند آواز پر کان دھریں، غفلت اور مجرمانہ بزدلی جاری رکھی گئی تو عوام کا رْخ بزدل حکمرانوں کیخلاف ہوگا۔ لیاقت بلوچ نے کہا کہ 18 اپریل کو ملتان اور 20 اپریل کو اسلام آباد میں بھی یکجہتی غزہ مارچ فقیدالمثال ہونگے اور 22 اپریل کو عالمی حکمرانوں، عالمی اداروں کے ضمیر کو جھنجھوڑنے اور حکومتِ پاکستان کو مسئلہ فلسطین پر جرات مندانہ کردار ادا کرنے پر مجبور کرنے کیلیے پوری قوم ملک گیر شٹرڈاؤن ہڑتال کرے گی۔ ملک بھر کی تاجر برادری، چیمبرز آف کامرس اینڈ انڈسٹری فلسطینی قیادت کی کال پر پوری دْنیا کی طرح 22 اپریل کو ایک دِن ہڑتال کریں۔
لیاقت بلوچ نے صحافیوں سے گفتگو کرتے ہوئے کہا کہ پاکستان میں مسلم، غیرمسلم تمام طبقات بِلاتفریق فلسطینیوں سے یکجہتی کا اظہار کر رہے ہیں۔ حکمران عوام کے زندہ بیدار ایمان پروَر جذبات کی قدر کریں۔ عوامی بیداری کو اپنی طاقت بنائیں اور غیرتِ مِلی سے جرات مندانہ اقدام کریں۔ لیاقت بلوچ نے سوالات کے جواب میں کہا کہ وفاقی اور صوبائی حکومتیں عاقبت نااندیشی اور عالمی استعماری اداروں کے دباؤ میں زراعت اور کِسانوں کو ہولناک نقصانات پہنچا رہی ہیں۔ 15 اپریل کو پنجاب بھر میں کِسان اپنے حقوق کے تحفظ کیلئے احتجاج کریں گے۔ سیاسی جماعتوں اور سیاسی قیادت کی نااہلی، کرپٹ طرزِ حکمرانی کی وجہ سے سیاست، جمہوریت، پارلیمان پر فوجی سکیورٹی ادارے، پولیس اور بیوروکریسی بالادست ہوگئے ہیں، جس سے سیاست کمزور اور ریاست غیر مستحکم ہو رہی ہے۔
انہوں نے کہا کہ لاپتہ افراد کی بازیابی اور سیاسی قیدیوں کی فی الفور رہائی کیلئے اقدامات کیے جائیں۔ حکومتیں کب تک ریت میں مْنہ چھپائے پِھرتی رہیں گی، عوام کی فریاد سْنیں اور اْن کی دادرسی کریں۔ لیاقت بلوچ نے ملک کے معروف دانش ور، صحافی و ایڈیٹر، پارلیمینٹیرین، ماہرِ معاشیات، پارلیمنٹ میں طویل مْدت تک گرانقدر خدمات انجام دینے والے عظیم رہنما پروفیسر خورشید احمد کے انتقال پر دِلی صدمہ کا اظہار کرتے ہوئے کہا کہ صرف جماعتِ اسلامی ہی نہیں پاکستان اور عالمِ اسلام ایک شاندار، باوقار، قابلِ فخر اثاثہ سے محروم ہوگیا۔ مرحوم کی علمی، ادبی، صحافتی و پارلیمانی خدمات کے اثرات تادیر قائم رہیں گے۔
نائب تحصیل دار کی گاڑی پر بارودی مواد کا دھماکہ