بجلی و گیس کی لوڈشیڈنگ سے چوڑی کی صنعت متاثر ہے،عبدالجبار
اشاعت کی تاریخ: 14th, January 2025 GMT
حیدرآباد (اسٹاف رپورٹر) وزیراعلیٰ سندھ کے معاون خصوصی برائے خوراک و سابق ایم پی اے عبدالجبار خان نے کہا ہے کہ حیدرآباد میں بجلی اور سوئی گیس کی لوڈشیڈنگ کا فوری خاتمہ اور گھریلو و کمرشل صارفین کو ریلیف فراہم کیا جائے۔ انہو ں نے کہا کہ بدقسمتی سے سندھ کا دوسرا بڑا شہر حیدرآباد اس وقت بجلی اور گیس کی بدترین لوڈشیڈنگ کا شکار ہے، لوڈشیڈنگ کی وجہ سے گھروں میں خواتین کی پریشانی کے ساتھ ساتھ دکاندار اور کاروباری طبقہ بھی بری طرح پریشان ہے، گیس کی قیمتوں میں اضافے اور لوڈشیڈنگ کی وجہ سے سب سے زیادہ حیدرآباد میں چوڑی کی صنعت متاثر ہوئی ہے جس سے وابستہ 2 لاکھ سے زائد افراد معاشی بدحالی کا شکار ہیں۔ انہوں نے کہا کہ بجلی اور گیس ہر گھر کی ضرورت ہے، اس کے بغیر گزارہ ممکن نہیں جس میں خاص طورپر سوئی گیس کی اہمیت بہت زیادہ ہے، گیس کی لوڈشیڈنگ کی و جہ سے زیادہ تر افراد ایل پی جی استعمال کر رہے ہیں جو اضافی بوجھ ہے اور اس کے سبب مہنگائی کے اس دور میں عام آدمی معاشی پریشانی کا بھی شکار ہوا ہے۔ انہوں نے کہا کہ پیپلز پارٹی جو غریب عوام کے حقوق کے لیے جدوجہد کر رہی ہے، اس صورتحال پر خاموش نہیں رہ سکتی، وفاقی حکومت اس کا نوٹس لے اور مسئلہ حل کرے۔
.ذریعہ: Jasarat News
پڑھیں:
کراچی سمیت دیہی سندھ میں بدھ تک گرم ومرطوب موسم کیساتھ معمول سے تیز ہوائیں چلنے کی پیش گوئی
کراچی:شہر میں نمی کا تناسب 56فیصد تک بڑھنےکے سبب شدید گرمی محسوس کی گئی، معمول سے تیز سمندری ہوائیں گرمی کا احساس کم نہ کرسکیں، ہیٹ انڈیکس 42 فیصد کے مساوی رہا، شہر میں ویدر اسٹیشنز پر متفرق درجہ حرارت ریکارڈ ہوئے، دیہی سندھ کے اضلاع بدستور شدید گرمی کی لپیٹ میں رہے، شہید بے نظیرآباد کا درجہ حرارت معمول سے5.4ڈگری اضافے سے 46ڈگری سینٹی گریڈ ریکارڈ ہوا۔
بالائی فضا میں زیادہ دباؤ کے سبب سندھ بھر میں ہیٹ ویو کے نتیجے میں غیرمعمولی درجہ حرارت ریکارڈ ہو رہے ہیں، کراچی سمیت دیہی سندھ کے اضلاع ٹھٹھ، سجاول، بدین، تھرپارکر، عمرکوٹ، سانگھڑ سمیت دیگر میں بدھ تک گرم ومرطوب موسم کے ساتھ معمول سے تیز ہواؤں کی پیش گوئی کی گئی ہے۔
تاہم دیگر اضلاع شدید گرمی کی لپیٹ میں ہیں، پیر کو شہر کے سرکاری ڈیٹا کے حامل ویدر اسٹیشن پر زیادہ سے زیادہ درجہ حرارت 35.5ڈگری سینٹی گریڈ ریکارڈ ہوا، تاہم نمی کا تناسب 56فیصد تک ہونے کے سبب اصل درجہ حرارت سے زیادہ گرمی محسوس ہوئی۔
شہر کا ہیٹ انڈیکس 42ڈگری کے مساوی رہا، معمول سے تیز33کلومیٹر فی گھنٹہ کی رفتار سے چلنے والی سمندری ہواؤں کے باوجود دوپہر کے وقت لو کے تھپیڑے چلے، شہرکے دیگر ویدر اسٹیشنز پر متفرق درجہ حرارت ریکارڈ ہوئے۔
جناح ٹرمینل پر36.3ڈگری،گلستان جوہر میں35.7ڈگری،شاہراہ فیصل پر34.5ڈگری،ماڑی پور میں 34ڈگری جبکہ سب سے کم پارہ بن قاسم ویدر اسٹیشن پر32ڈگری ریکارڈہوا۔
محکمہ موسمیات کےمطابق دیہی سندھ کے لاڑکانہ،موہنجودڑو، خیرپور،دادو اور حیدرآباد کا پارہ 45 جبکہ سب سے زیادہ درجہ حرارت شہید بے نظیرآباد میں 5.4ڈگری اضافے سے46ڈگری سینٹی گریڈ ریکارڈ ہوا۔
محکمہ موسمیات ارلی وارننگ سینٹر کے مطابق جاری ہیٹ ویو کی لہر 18اپریل تک برقرار رہنے کی پیش گوئی کی ہے۔
کراچی میں ٹارگٹڈ آپریشن کے دوران تحریک طالبان پاکستان کا دہشتگرد گرفتار