مضبوط معیشت کیلئے سیاسی استحکام ناگزیر ، افتخار علی ملک
اشاعت کی تاریخ: 14th, January 2025 GMT
کراچی (کامرس رپورٹر ) سارک چیمبرز آف کامرس اینڈ انڈسٹری کے سابق صدر افتخار علی ملک نے کہا ہے کہ مضبوط معیشت کیلئے سیاسی استحکام ناگزیر ہے اور اس بات کی اشد ضرورت ہے کہ پائیدار ترقی و خوشحالی کی منزل کے حصول کیلئے تمام سیاسی قوتیں مل کر کام کریں۔ اتوار کو یہاں جاری اپنے ایک بیان میں انہوں نے کہا کہ مستحکم سیاسی ماحول سے سرمایہ کاروں کا اعتماد بڑھتا ہے، اقتصادی سرگرمیوں اور اور براہ راست غیر ملکی سرمایہ کاری کی حوصلہ افزائی ہوتی ہے جبکہ سیاسی عدم استحکام سے غیر یقینی صورتحال پیدا ہوتی ہے اور مقامی اور بین الاقوامی سرمایہ کاری کی حوصلہ شکنی ہوتی ہے۔افتخار علی ملک نے مزید کہا کہ بلند افراط زر، بے روزگاری اور مالیاتی خسارے جیسے معاشی چیلنجوں کا سامنا کرنے والے ملک کیلئے طویل مدتی اصلاحات اور سیاسی استحکام ضروری ہے۔انہوں نے کہا کہ مستحکم حکومت ہی توانائی، زراعت اور صنعت جیسے اہم شعبوں میں سٹرکچرل مسائل کو حل کر سکتی ہے، سیاسی استحکام سے ہی سماجی ہم آہنگی، مساوات، جدت طرازی اور انٹرپرینیورشپ پروان چڑھ سکتی ہے جو جامع ترقی کی بنیاد ہیں۔ افتخار ملک نے کہا کہ سیاسی استحکام محض سیاسی ایجنڈا نہیں بلکہ خوشحال اور خود انحصار پاکستان کی تعمیر کے لیے بنیادی شرط ہے جس کے لیے سب کو مل کر کام کرنا ہو گا۔
.ذریعہ: Jasarat News
کلیدی لفظ: سیاسی استحکام کہا کہ نے کہا
پڑھیں:
پناہ گزینوں کی میزبانی کرنیوالے ممالک کو گرانٹس دی جائے: پاکستانی مندوب افتخار احمد
ویب ڈیسک: پاکستان نے پناہ گزینو ں کی میزبانی کے حوالے سے اقوام متحدہ کے اجلاس میں بڑا مطالبہ کر دیا ۔
اقوام متحدہ میں پاکستان کے مستقل مندوب افتخار احمد نے مطالبہ کیا ہے کہ پناہ گزینوں کی میزبانی کرنے والے ممالک کو گرانٹس کی صورت میں معاونت فراہم کی جائے۔
سلامتی کونسل میں پناہ گزینوں پر منعقدہ اجلاس میں پاکستانی مندوب افتخار احمد کا اپنے بیان میں کہنا تھا کہ پناہ گزینوں کے بحران پر عالمی ردعمل ناکافی اور انتہائی تشویش ناک ہے، افغانستان میں تنازعات نے طویل ترین پناہ گزین بحرانوں میں سے ایک کو جنم دیا۔
دو روز کے لئے جنگ بندی کا اعلان ک
انہوں نے کہا کہ پاکستان نے افغان پناہ گزین آبادیوں کی میزبانی کی، چیلنجز کے باوجود لاکھوں افغانوں کو پناہ، تحفظ اور مواقع فراہم کئے گئے۔
پاکستانی مندوب کا کہنا تھا کہ مشرق وسطیٰ بھی بدترین جبری نقل مکانی کے بحرانوں سے متاثر ہے، فلسطینی پناہ گزینوں کی واپسی کا حق اب تک پورا نہیں ہو سکا، عالمی سطح پر جبری نقل مکانی کا بحران تباہ کن حدوں کو پہنچ چکا، 12 کروڑ سے زائد افراد اپنے گھروں سے بے دخل ہو چکے ہیں۔
دہشتگردوں کیجانب سے معصوم شہریوں کو نشانہ بنانا بزدلانہ عمل ہے؛ شیری رحمان
افتخار احمد نے زور دیتے ہوئے کہا کہ نئے تنازعات کی روک تھام اور جاری تنازعات کا پُرامن حل تلاش کیا جائے۔
سندھ حکومت کا محکمہ تعلیم میں 90 ہزار اساتذہ بھرتی کرنے کا فیصلہ