القادر ٹرسٹ بھونڈا کیس،عمران خان نے کوئی فائدہ نہیں اٹھایا،پی ٹی آئی
اشاعت کی تاریخ: 14th, January 2025 GMT
پی ٹی آئی قیادت نے کہا ہے کہ القادر ٹرسٹ ایک بھونڈا کیس ہے جس میں عمران خان اور بشری بی بی نے کوئی ذاتی فائدہ نہیں اٹھایا۔یہ بات سینیٹ میں اپوزیشن لیڈر شبلی فراز، اپوزیشن لیڈر قومی اسمبلی عمر ایوب اور پی ٹی آئی سیکریٹری جنرل سلمان اکرم راجہ نے پریس کانفرنس کرتے ہوئے کہی۔عمر ایوب نے کہا کہ القادر ٹرسٹ کیس بانی پی ٹی آئی عمران خان اور بشری بی بی کے خلاف بنا، یہ ایک بھونڈا کیس ہے برطانیہ کی این سی اے ایک طرف اور سپریم کورٹ ایک طرف، این سی اے نے 190 ملین پانڈ برطانیہ سے سپریم کورٹ میں بھیجے اور سپریم کورٹ نے یہ پیسہ حکومت کے خزانے میں جمع کروایا اس میں عمران خان اور بشری بی بی نے کوئی ذاتی مفاد حاصل نہیں کیا۔انہوں نے کہا کہ القادر یونیورسٹی سیرت نبوی صلی اللہ علیہ پڑھانے کے لیے بنائی گئی، یہ بھونڈا کیس ہے یہ ہر جگہ چیلنج ہوگا فیصل واوڈا اور خواجہ آصف اتوار سے شروع ہوگئے تھے انہوں نے کل سے ہی فیصلہ سنادیا دیا کیا یہ جج ہیں؟ ان کے پاس فیصلہ کہاں سے آیا؟ ان کے پاس تحریر کہاں سے آئی ؟ یہ کینگرو کورٹ ہے؟شبلی فراز نے کہا کہ القادر کیس کا فیصلہ آج پھر نہیں سنایا گیا، کہا گیا بانی چیئرمین پی ٹی آئی عدالت پیش نہیں ہوئے، بانی پی ٹی آئی تو جیل میں ہیں انہیں پیش کرنا آپ کا کام تھا۔انہوں نے کہا کہ القادر یونیورسٹی عمران خان نے اپنے مدینہ کی ریاست کے نظریے کے مطابق بنائی، مسلمانوں کے ذاتی اور اسلامی تشخص کے تناظر میں اس یونیورسٹی کو بنایا گیا۔سیکریٹری جنرل پی ٹی آئی سلمان اکرم راجہ نے کہا کہ اس مقدمے میں غلط فہمی پھیلائی گئی ہے، برطانیہ میں ملک ریاض نے کوئی پراپرٹی خریدی، وہاں کے اداروں نے دیکھا کہ یہ اتنی مہنگی پراپرٹی کیوں خریدی گئی ہے؟ وہ مقدمہ آگے نہیں بڑھا، وہاں سٹیلمنٹ ہوئی اور کہا گیا کہ رقم واپس پاکستان لے جائیں۔انہوں ںے کہا کہ یہ رقم ملک ریاض اپنی منشا سے پاکستان لائے انہوں نے سپریم کورٹ میں کچھ رقم جمع کروانی تھی وہ کروادی۔
.ذریعہ: Juraat
کلیدی لفظ: نے کہا کہ القادر پی ٹی آئی انہوں نے نے کوئی
پڑھیں:
عمران خان ڈیل کی کوشش کر رہے ہیں، کرپشن پر کوئی رعایت نہیں ملے گی: عطا تارڑ
اسلام آباد: وفاقی وزیر اطلاعات و نشریات عطا تارڑ نے کہا ہے کہ پاکستان تحریک انصاف (پی ٹی آئی) کے چیئرمین عمران خان ڈیل کرنے کی کوشش کر رہے ہیں، تاہم کرپشن کے کسی بھی معاملے میں کوئی رعایت نہیں دی جائے گی۔ انہوں نے 190 ملین پاؤنڈ کے کرپشن اسکینڈل کو ملک کی تاریخ کا سب سے بڑا اسکینڈل قرار دیا۔
اسلام آباد میں پریس کانفرنس کرتے ہوئے عطا تارڑ نے کہا کہ آزاد مبصرین بھی اس اسکینڈل میں کسی کو بری الذمہ قرار نہیں دے رہے، اور یہ اسکینڈل ملک کی تاریخ کا سب سے بڑا کرپشن اسکینڈل ہے۔
وزیراطلاعات نے ملکی معیشت کے حوالے سے کہا کہ معیشت درست سمت میں گامزن ہے اور مہنگائی میں کمی آئی ہے۔ انہوں نے کہا کہ ورلڈ اکنامک فورم کی رپورٹ نے پاکستان کی معیشت پر عالمی اعتماد کا اظہار کیا ہے، اور ڈیفالٹ کا خطرہ مکمل طور پر ختم ہو چکا ہے۔
عطا تارڑ نے کہا کہ برطانیہ کی نیشنل کرائم ایجنسی (این سی اے) نے وزیراعظم شہباز شریف کو بے گناہ قرار دیا تھا اور اسی ایجنسی نے 190 ملین پاؤنڈ ضبط کر کے پاکستان بھیجے۔ اگر یہ رقم غیر قانونی ہوتی تو برطانیہ نے اسے پاکستان کے حوالے کیوں کیا؟
انہوں نے پی ٹی آئی سے سوال کیا کہ اگر یہ رقم عوامی یا سرکاری خزانے کا نہیں تھی تو برطانیہ نے اسے پاکستان کے حوالے کیوں کیا؟
عطا تارڑ نے عمران خان سے سوال کیا کہ اگر ان کے پاس کوئی ذریعہ آمدن نہیں تھا تو زمان پارک میں 25 کروڑ روپے کا نیا گھر کیسے بنایا گیا؟
وزیر اطلاعات نے کہا کہ اپنے سیاسی کیریئر میں کبھی کابینہ میں بند لفافہ نہیں دیکھا، اور کابینہ میں جو ایجنڈا آتا ہے اس پر ہمیشہ کھل کر بحث کی جاتی ہے۔ انہوں نے کہا کہ رشوت کے ذریعے ہیرے اور جواہرات خریدے گئے اور قوم کے اربوں روپے کھانے والوں کو حساب دینا ہوگا۔
عطا تارڑ نے کہا کہ مذاکرات اچھے طریقے سے جاری ہیں، لیکن کرپشن کے معاملے میں کوئی رعایت نہیں ملے گی۔ عمران خان ڈیل کی کوشش کر رہے ہیں اور اپنے لوگوں کو جیل سے باہر نکالنے کی کوشش کر رہے ہیں۔ انہوں نے مرزا شہزاد اکبر کو پاکستان واپس آنے کی دعوت دی، لیکن کہا کہ وہ اپنے کیسز کا سامنا کرنے کا حوصلہ نہیں رکھتے۔
حکومت کا ایران کے ساتھ نئی سرحدی راہداری کھولنے کا اعلان، نوٹی فکیشن جاری