اقتصادی مشکلات کے دوران ایف بی آر کی مہنگی خریداری، 6 ارب کی گاڑیوں کا آرڈر
اشاعت کی تاریخ: 13th, January 2025 GMT
اسلام آباد: ایک طرف ملک میں اقتصادی بحران اور کفایت شعاری کے دعوے کیے جا رہے ہیں، تو دوسری جانب وفاقی بورڈ آف ریونیو (ایف بی آر) نے 6 ارب روپے کی لاگت سے 1,010 ہونڈا سٹی گاڑیاں خریدنے کا فیصلہ کیا ہے۔
ایف بی آر کی جانب سے ہونڈا اٹلس کو خط لکھ کر 1.2 لیٹر سی وی ٹی ماڈل کی گاڑیاں اضافی خصوصیات کے ساتھ خریدنے کا ارادہ ظاہر کیا گیا ہے۔ خریداری کا عمل دو مراحل میں مکمل کیا جائے گا، جس میں پہلے مرحلے میں 500 گاڑیاں فوری طور پر خریدی جائیں گی، اور اس کے لیے 3 ارب روپے کی ادائیگی کی جائے گی، جبکہ باقی گاڑیاں بعد میں فراہم کی جائیں گی۔
ایف بی آر کے فراہم کردہ شیڈول کے مطابق:
جنوری 2025: 75 گاڑیاں فروری 2025: 200 گاڑیاں مارچ 2025: 225 گاڑیاں اپریل 2025: 250 گاڑیاں مئی 2025: 260 گاڑیاںیہ گاڑیاں جدید ٹیکنالوجی اور اعلیٰ معیار کی خصوصیات سے لیس ہوں گی، جن میں نیویگیشن سسٹم، ریورس کیمرا، اور آرام دہ انٹیریئر شامل ہے۔ گاڑیوں کے ساتھ 20,000 کلومیٹر یا 12 ماہ تک مفت مینٹیننس کی سہولت فراہم کی جائے گی۔ اس کے علاوہ، چار سال کی توسیعی وارنٹی بھی دی جائے گی، جو 100,000 کلومیٹر تک کارآمد ہوگی۔
ایف بی آر کے ترجمان نے اس منصوبے کا دفاع کرتے ہوئے کہا کہ یہ گاڑیاں فیلڈ افسران کی کارکردگی کو بہتر بنانے کے لیے خریدی جا رہی ہیں۔ ان کا کہنا تھا کہ اس اقدام کا مقصد ٹیکس کے نظام کو مؤثر بنانا اور کارکردگی میں اضافہ کرنا ہے۔
ملک میں جاری مالی مشکلات اور بچت کے دعووں کے باوجود اتنی بڑی تعداد میں گاڑیوں کی خریداری پر عوامی حلقوں میں سوالات اٹھائے جا رہے ہیں۔ کیا یہ اقدام واقعی معیشت کی بہتری کے لیے ہے یا حکومتی دعووں کے برعکس ہے؟
.ذریعہ: Nai Baat
کلیدی لفظ: ایف بی آر
پڑھیں:
چھوٹی گاڑیوں کی الیکٹرک ٹیکنالوجی پر منتقلی کیلئے فنڈز فراہم کرنے کی تجویز
اسلام آباد:وفاقی وزیر برائے توانائی اویس لغاری نے چھوٹی گاڑیوں کی الیکٹرک ٹیکنالوجی پر منتقلی کے لیے فنڈز فراہم کرنے کی تجویز دے دی۔
تفصیلات کے مطابق وفاقی وزیر برائے توانائی سردار اویس احمد خان لغاری سے فرانس کے سفیر نکولس گیلے نے اسلام آباد میں ملاقات کی جبکہ ملاقات کے دوران پاور سیکٹر کو مزید مستحکم بنانے پر بھی اتفاق ہوا۔
اس موقع پروفاقی وزیر توانائی نے فرانسیسی سفیر کو بتایا کہ پاکستان نے ای وی پالیسی متعارف کردی ہے جو سالانہ 6 بلین ڈالر کے ایندھن کی بچت اور ماحول کی حفاظت یقینی بنائے گی۔
فرانسیسی سفیرنے پاکستان کے پاور سیکٹر کی آئی پی پیز کے ساتھ مؤثر مذاکرات اور معاہدوں کی خوش اسلوبی سے نظر ثانی کی تعریف کی۔
سرداراویس لغاری نے کہا کہ حکومت پاکستان جلد بجلی کی وِیلنگ پالیسی متعارف کروا رہی ہے، اضافی بجلی کی نیلامی کا بھی منصوبہ بنایا جا رہا ہے، غیر جانبدار بورڈز ریکوری میں بہتری اور لائن لاسز کو کم کر رہے ہیں، حکومت شمسی توانائی کو فروغ دے رہی ہے اور پاکستان میں سولر انقلاب آ چکا ہے۔
انہوں نے مزید کہا کہ حکومت پاکستان تمام اصلاحات بہت شفاف طریقے سے کر رہی ہے، ان اصلاحات کی بدولت پاور سیکٹر میں بڑی سرمایہ کاری کے مواقع پیدا ہو رہے ہیں، پاکستان قابل تجدید توانائی اور سبز منصوبوں میں نمایاں پیشرفت کر رہا ہے۔
فرانسیسی سفیر نے کہا کہ فرانس پاور سیکٹر کی تمام اصلاحات کی حوصلہ افزائی کرتا ہے، فرانس ای وی اور دوسری اصلاحات کو مالی معاونت فراہم کرنے کا خواہاں ہے۔
سکیورٹی فورسز کا بلوچستان میں آپریشن، 27 دہشتگرد ہلاک