کرم میں موجود بنکرز کی مسماری کیلئے کام ہورہا ہے، ترجمان پی ٹی آئی
اشاعت کی تاریخ: 13th, January 2025 GMT
پشاور میں پریس کانفرنس کے دوران پی ٹی آئی کے مرکزی سیکرٹری اطلاعات شیخ وقاص اکرم نے کہا کہ پی ٹی آئی نے کوئی بھی فیصلہ مذاکرات سے نتھی نہیں کیا، 9 مئی اور 26 نومبر کے اسیروں کی رہائی کےلیے کوششیں کی جا رہی ہیں۔ اسلام ٹائمز۔ پاکستان تحریک انصاف (پی ٹی آئی) کے سیکرٹری اطلاعات شیخ وقاص اکرم نے کہا ہے کہ کرم میں موجود بنکرز کی مسماری کےلیے کام ہو رہا ہے۔ پشاور میں پریس کانفرنس کے دوران پی ٹی آئی کے مرکزی سیکرٹری اطلاعات شیخ وقاص اکرم نے کہا کہ پی ٹی آئی نے کوئی بھی فیصلہ مذاکرات سے نتھی نہیں کیا، 9 مئی اور 26 نومبر کے اسیروں کی رہائی کےلیے کوششیں کی جا رہی ہیں۔ انہوں نے کہا کہ ہر پارٹی میں ہاکس ہوتے ہیں وہ نہیں چاتے معاملات آگے بڑھیں، خواجہ آصف اور عظمیٰ بخاری کی باتوں کو سنجیدہ نہیں لیتے اور ان کی کسی بات کا جواب نہیں دیتے کیونکہ عوام کے سامنے کھڑے ہوکر انصاف مانگنے کو پریشر نہیں کہتے ہیں۔
شیخ وقاص اکرم نے کہا کہ بلاول بھٹو کے اتحادیوں کے خلاف بیانات سے ایسا لگتا ہے انہیں کوئی نئی چیز کی ڈمانڈ ہو، پیپلز پارٹی اور مسلم لیگ کے نظریات نہیں ملتے ابھی بانی چیئرمین کے خلاف اکٹھے ہوکر بیٹھے ہیں۔ ترجمان پی ٹی آئی نے کہا کہ ٹرمپ اور واشنگٹن کی جانب آنکھیں نہیں ہیں، اللہ تعالیٰ سے توقع ہے، ہم نے ابسلوٹلی ناٹ کہہ کر انکار کی سزا پائی ہے۔ خیبر پختونخوا میں بدامنی سے متعلق ان کا کہنا تھا کہ کرم میں 166 بنکرز موجود ہیں جس کی مسماری کےلیے کام ہو رہا ہے۔ پریس کانفرنس کے دوران انہوں نے 190 ملین کے القادر ٹرسٹ کیس کے فیصلے کی تاریخ میں باربار تبدیلی پر تشویش کا ا ظہار کیا اور کہا کہ ڈیل کے بعد بیرون ملک سے پیسہ پاکستان لایا گیا، جس کی کابینہ نے اجازت دی، پیسہ سپریم کورٹ اور اب حکومت کے اکاؤنٹس میں آچکا ہے، بانی پی ٹی آئی یا بشریٰ بی بی کے اکاؤنٹ میں پیسہ نہیں آیا۔
شیخ وقاص اکرم نے کہا کہ گواہ موجود ہیں کوئی ٹھوس ثبوت نہیں لیکن ایسا تاثر دیا جا رہا ہے کہ سزا ہونی ہی ہونی ہے، القادر ٹرسٹ فیصلے کے ذریعے بانی چیئرمین کو بلک میل کرکے جھکایا نہیں جاسکتا ہے، عدالیہ کو دیکھنا ہے کہ کیا ہو رہا ہے۔
ذریعہ: Islam Times
کلیدی لفظ: شیخ وقاص اکرم نے کہا نے کہا کہ پی ٹی آئی رہا ہے
پڑھیں:
تینوں بہنوں اور سلمان اکرم راجا کو عمران خان سے ملنے سے روک دیا گیا
پاکستان تحریک انصاف کے بانی عمران عمران خان کی بہنوں اور سلمان اکرم راجا کو عمران خان کے ساتھ ملاقات سے روک دیا گیا۔
عمران خان کی تینوں بہنیں ملاقات کے لیے اڈیالہ جیل پہنچیں، لیکن حکام کی جانب سے انہیں ملنے کی اجازت نہیں دی گئی، جس پر احتجاجاً علیمہ خان جیل کے باہر سڑک پر بیٹھ گئیں۔
یہ بھی پڑھیں عمران خان سے ملاقات کون کرے گا؟ فیصلہ پی ٹی آئی کی سیاسی کمیٹی کرے گی
آج اڈیالہ جیل میں ملاقاتوں کا دن تھا، اس موقع پر چیئرمین پی ٹی آئی بیرسٹر گوہر، سلمان اکرم راجا اور فیصل چوہدری سمیت دیگر قیادت اڈیالہ جیل پہنچی، جبکہ بشریٰ بی بی سے ملاقات کے لیے بھی ان کے فیملی ممبران اڈیالہ جیل آئے۔
علیمہ خان نے عمران خان سے ملاقات کے لیے نہ جانے دینے پر میڈیا سے گفتگو کرتے ہوئے کہاکہ اس بار ہم ملاقات کے بغیر واپس نہیں جائیں گے۔
انہوں نے کہاکہ ہمیں جہاں روکا گیا ادھر ہی بیٹھ جائیں گے، آج پولیس کا ناکہ جیل سے مزید دور کردیا گیا ہے، ہم سوچنے پر مجبور ہیں کہ آخر کیا وجہ ہے کہ ایک ماہ سے ملاقات نہیں کرائی جارہی۔
علیمہ خان نے کہاکہ پولیس کو واضح بتا دیا ہے کہ ہماری ملاقات نہ کرائی گئی تو واپس نہیں جائیں گے، ہم بحیثیت فیملی ملاقات کے لیے آئے ہیں اور پارٹی کو کہا ہے کہ وہ ہمارے لیے بات نہ کریں۔
عمران خان کی ہمشیرہ نے کہا کہ اگر کوئی ہمیں گرفتار کرنا چاہتا ہے تو کرلے، کوئی تماشا نہیں لگایا جائے گا۔
اس موقع پر پی ٹی آئی کے سیکریٹری جنرل سلمان اکرم راجا نے کہاکہ لگتا نہیں کہ آج بھی ملاقات کرائی جائے گی کیوں کہ انہوں نے راستے میں رکاوٹیں کھڑی کردی ہیں۔
انہوں نے کہاکہ ملاقات نہ کروا کر ہائیکورٹ کے احکامات کی مسلسل توہین کی جارہی ہے، ہم نے توہین عدالت کی درخواستیں دائر کی ہوئی ہیں لیکن شاید عدالت کو فرصت ہی نہیں مل رہی۔
انہوں نے مزید کہاکہ مجھے نہیں معلوم بیرسٹر گوہر مجھ پر کیوں تنقید کررہے ہیں، میں نے تو اصول کی بات کی کہ ملاقات کے لیے وہی جائےگا جس کا لسٹ میں نام ہوگا۔
سلمان اکرم راجا نے کہ آئندہ لسٹ کے بغیر ملاقات کرنے والے کو پارٹی سے منحرف سمجھا جائےگا، کچھ دوست اس لیے سیخ پا ہیں کہ میں نے لسٹ کے بغیر ملاقات کرنے والوں پر سوال کیوں اٹھایا۔
یہ بھی پڑھیں عمران خان سے ملاقات نہ ہونے تک علیمہ خان کا اڈیالہ جیل کے باہر بیٹھنے کا اعلان
یاد رہے کہ گزشتہ ہفتے عمران خان کی تینوں بہنوں کو ملاقات کی اجازت نہیں دی گئی تھی، پھر احتجاج پر دو بہنوں کو ملاقات کی اجازت ملی تو انہوں نے یہ کہہ کر اندر جانے سے انکار کردیا تھا کہ ہم تینوں نے اکٹھے ملاقات کرنی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل بیرسٹر گوہر پاکستان تحریک انصاف پولیس پی ٹی آئی جیل حکام روک دیا گیا سلمان اکرم راجا عمران خان عمران خان بہنیں ملاقات وی نیوز
پاکستان اور ڈنمارک کا بحری انفرااسٹرکچر کی ترقی پر اتفاق