پاکستانی کمیونٹی کیخلاف برطانیہ میں اسلاموفوبیا پر مبنی بیانات پر دفتر خارجہ کا سخت ردعمل
اشاعت کی تاریخ: 13th, January 2025 GMT
اسلام آباد:پاکستانی کمیونٹی کے خلاف برطانیہ میں ہونے والے نسل پرستانہ اور اسلاموفوبیا پر مبنی بیانات پر پاکستان نے گہری تشویش کا اظہار کیا ہے۔
دفتر خارجہ کے ترجمان نے واضح کیا کہ برطانیہ اور پاکستان کے تعلقات کئی دہائیوں سے مضبوط ہیں اور یہ دونوں ممالک ایک دوسرے کے ساتھ بہت گہرے اور متنوع روابط رکھتے ہیں۔ تجارت، تعلیم، سلامتی، اور عوامی تعلقات جیسے اہم شعبے ان تعلقات کا حصہ ہیں۔
ترجمان نے کہا کہ پاکستان اور برطانیہ کے تعلقات میں17 لاکھ پاکستانی نژاد برطانوی شہریوں کا بڑا کردار ہے، جو دونوں ممالک کے درمیان سب سے اہم رشتہ ہیں۔ انہوں نے ان افراد کے خلاف نسل پرستی پر مبنی بیانات کی مذمت کی اور کہا گیا کہ چند افراد کے منفی اعمال کو پوری پاکستانی کمیونٹی سے جوڑنا غلط ہے۔
دفتر خارجہ کے ترجمان کے مطابق برطانوی پاکستانیوں نے وہاں کی ترقی میں اہم کردار ادا کیا ہے اور ان میں سے کئی افراد نے برطانوی فوج میں خدمت کی، عالمی جنگوں میں اپنی جانیں قربان کیں۔ آج بھی پاکستانی نژاد برطانوی شہریوں کا برطانیہ کے مختلف شعبوں میں اہم کردار ہے، خاص طور پر صحت، تجارت، اور سروسز میں۔
ترجمان نے اس بات پر زور دیا کہ برطانوی پاکستانی کھیلوں اور ثقافت میں بھی نمایاں ہیں اور ان کے ثقافتی اثرات برطانوی معاشرت میں اہم ہیں۔ ان کا کہنا تھا کہ اتنی بڑی اور متنوع کمیونٹی کو چند افراد کی کارروائیوں کی وجہ سے بدنام کرنا مناسب نہیں ہے۔
.ذریعہ: Jasarat News
پڑھیں:
برطانیہ اور عراق کے درمیان 15 بلین ڈالر کے تجارتی پیکیج اور دفاع کا معاہدہ
اس معاہدے میں عراق اور سعودی عرب کے درمیان گرڈ انٹر کنکشن پراجیکٹ کیلئے بجلی کی ترسیل کے برطانوی ساختہ نظام استعمال کرنے کیلئے 1.2 بلین پاؤنڈ کا منصوبہ اور شمالی عراق میں القیارہ فضائی مرکز کو اپ گریڈ کرنے کیلئے 610 ملین ڈالر کا منصوبہ بھی شامل ہے۔ اسلام ٹائمز۔ عراق اور برطانیہ نے 15 بلین ڈالر تک کے تجارتی پیکیج اور دفاعی معاہدے پر اتفاق کیا ہے۔ عالمی میڈیا کی رپورٹ کے مطابق عراق اور برطانیہ کے وزرائے اعظم نے گذشتہ روز مشترکہ بیان میں کہا کہ انہوں نے 14.98 بلین ڈالر (12.3 بلین پاؤنڈ) تک کے تجارتی پیکیج اور دو طرفہ دفاعی معاہدے پر اتفاق کیا ہے۔ عراقی وزیرِ اعظم محمد شیاع السودانی اور برطانوی ہم منصب کیئر سٹارمر کے درمیان ڈاؤننگ سٹریٹ کے دفتر میں ملاقات کے بعد اس معاہدے کا اعلان کیا گیا، جس میں 2024ء سے 10 گنا سے زیادہ دوطرفہ تجارت کی توقع ہے۔
اس میں عراق اور سعودی عرب کے درمیان گرڈ انٹر کنکشن پراجیکٹ کے لیے بجلی کی ترسیل کے برطانوی ساختہ نظام استعمال کرنے کے لیے 1.2 بلین پاؤنڈ کا منصوبہ اور شمالی عراق میں القیارہ فضائی مرکز کو اپ گریڈ کرنے کے لیے 610 ملین ڈالر کا منصوبہ بھی شامل ہے۔ بیان میں کہا گیا ہے کہ برطانیہ کی زیرِ قیادت کنسورشیم کی طرف سے پانی کے بنیادی ڈھانچے کا منصوبہ بھی معاہدے کا حصہ ہے، جو خشک جنوبی اور مغربی عراق میں صاف پانی فراہم کرنے میں مدد دے گا، اس منصوبے کی مالیت برطانیہ کی برآمدات میں 5.3 بلین پاؤنڈ تک ہوگی۔ عراقی وزیرِاعظم محمد شیاع السودانی اور برطانوی ہم منصب کیئر سٹارمر نے ایک دفاعی معاہدے پر بھی دستخط کئے جو سکیورٹی تعاون میں ایک نئے دور کی بنیاد قائم کرتا ہے۔
اپنا گھر بنانے کے خواہشمند افراد کے لیےاچھی خبر آ گئی