’ہم شیطانی قوتوں کیخلاف یکجا کھڑے ہیں‘
اشاعت کی تاریخ: 13th, January 2025 GMT
سٹی 42 : چیف آف آرمی سٹاف جنرل سید عاصم منیر نے کہا ہے کہ مسلح افواج و قانون نافذ کرنے والے ادارے دہشت گردوں کے نیٹ ورکس کو ختم کرنے اور ان کے مذموم ایجنڈے کو ناکام بنانے میں اہم کردار ادا کر رہے ہیں،ہم برائی کی قوتوں کے خلاف متحد ہیں، مجھے اپنی سیکورٹی فورسز کی شاندار کامیابیوں پر بے حد فخر ہے ۔
آرمی چیف جنرل سید عاصم منیر نے آج پشاور دورہ کیا، آرمی چیف کی آمد پر کورکمانڈرپشاور نے ان کا استقبال کیا ۔ آرمی چیف کو فتنہ الخوارج کے خلاف انسداد دہشت گردی آپریشنز اور سیکیورٹی صورتحال پر جامعہ بریفنگ دی گئی، بریفنگ میں وفاقی وزیر داخلہ اور وزیر اعلی خیبر پختونخوا بھی شریک ہوئے۔
لاہور؛ جنوبی چھاؤنی کے علاقے میں جواں سالہ لڑکی اغوا
آرمی چیف نے پاکستان کی مسلح افواج اور قانون نافذ کرنے والے اداروں کے غیر متزلزل عزم اور بے مثال قربانیوں کو سراہا، ساتھ ہی دہشت گردوں کے نیٹ ورک کی کمر توڑنے اور ان کے مذموم عزائم کو ناکام بنانے والے اداروں کی کارکردگی کو بھی سراہا۔
آرمی چیف نے کہا کہ ہم شیطانی قوتوں کے خلاف یکجا کھڑے ہیں، سکیورٹی فورسز کی بے مثال کامیابیوں پر فخر ہے، قوم کے امن کو خراب کرنے کی کسی بھی کوشش کا فیصلہ کن اور زبردست طاقت سے جواب دیا جائے گا۔ انہوں نے کہا کہ دشمن اختلاف اور خوف کے بیج بونے کی کوشش کر سکتا ہے، جسے ناکام بنایا جائے گا، دشمن عناصر سے آہنی ہاتھوں سے نمٹا جائے گا، دشمن بھاری نقصان اٹھاتے رہیں گے، اور نقصان پہنچانے کی ان کی صلاحیت ختم ہو جائے گی ۔
ایل ڈی اےکوصرف ضلع لاہورتک محدودرکھنےکی سمری تیار
آرمی چیف نے خیبرپختونخواکےسیاستدانوں سے بھی بات چیت کی، اس دوران سیاسی رہنماوں نے مختلف امور پر اظہارخیال کیا، سیاسی رہنماوں نے دہشت گردی کے خلاف مشترکہ عزم کااظہار کیا، ساتھ ہی مسلح افواج اورقانون نافذکرنےوالےاداروں سے اظہاریکجہتی کی ۔
آرمی چیف نے فوجی دستوں کے شاندار حوصلے کو بھی سراہا، کہا کہ پاکستان کی مسلح افواج اور قانون نافذ کرنے والے ادارے ناقابل شکست قوت ہیں، مسلح افواج اور ادارے مادرِ وطن اور اس کے عوام کی حفاظت کے مشن میں ثابت قدم ہیں۔ انہوں نے کہا کہ دشمن بھاری نقصانات اٹھائے گا اور اس کی ضرر پہنچانے کی صلاحیت کچل دی جائے گی ۔
محکمہ آرکائیو نے ای لائبریری کا منصوبہ تیار کر لیا
.ذریعہ: City 42
کلیدی لفظ: آرمی چیف کے خلاف چیف نے
پڑھیں:
متحدہ عرب امارات کی سویلین اور عسکری قیادت کی پاک فوج کی صلاحیتوں کی تعریف
راولپنڈی:چیئرمین جوائنٹ چیفس آف اسٹاف کمیٹی جنرل ساحر شمشاد مرزا سرکاری دورے پر متحدہ عرب امارات پہنچ گئے۔
پاک فوج کے شعبہ تعلقات عامہ (آئی ایس پی آر) کے مطابق جنرل ساحر شمشاد مرزا نے متحدہ عرب امارات (یو اے ای( کے وزیر دفاع فضل المزروعی سے ملاقات کی۔
اس کے علاوہ انہوں نے اماراتی فوج کے سربراہ لیفٹیننٹ جنرل عیسیٰ سعف محمد المزروعی اور اماراتی توازن کونسل کے سیکرٹری جنرل ڈاکٹر ناصر حمید النعیمی سے بھی ملے۔
چیئرمین جوائنٹ چیفس نے توازن انڈسٹریل پارک کا دورہ کیا اور مینوفیکچرنگ سہولیات کا معائنہ کیا۔ ملاقاتوں کے دوران خطے کی سلامتی کے ماحول اور دوطرفہ دفاعی تعاون کو مزید مضبوط بنانے پر تبادلہ خیال کیا گیا۔
آئی ایس پی آر کے مطابق متحدہ عرب امارات کی سویلین اور فوجی قیادت نے پاکستانی مسلح افواج کی پیشہ ورانہ صلاحیتوں کی تعریف کی جبکہ دہشت گردی کے خلاف جنگ میں مسلح افواج کی قربانیوں کو سراہا۔
پارٹی رہنماوں کے ایک دوسرے پر الزامات، عمران خان نے وارننگ دیدی