دبئی میں مقیم نیلم منیر کے شوہر پاکستانی نکلے، دیور کا انکشاف
اشاعت کی تاریخ: 13th, January 2025 GMT
دبئی(شوبز ڈیسک)دبئی میں مقیم پاکستانی اداکارہ نیلم منیر کے شوہرمحمد راشد پاکستان کے شہرمیانوالی سے تعلق رکھتے ہیں۔
اس سال کے آغاز پر پاکستان کی خوبرو اداکارہ نیلم منیر نے دبئی میں اپنی شادی کی تصاویر شیئر کر کے سوشل میڈیا پر دھوم مچادی تھی۔ ان کی یہ تصاویر خوب وائرل ہوئی تھیں۔
تاہم نیلم منیر کے شوہر کون ہیں اور کیا کرتے ہیں دونوں جانب سے اب تک کوئی تفصیل سامنے نہیں آئی تھی۔ اب ایک نجی چینل سے گفتگو میں نیلم منیر کے دیور ثمر رانجھا نے نیلم منیر کے شوہر اور ان کی ملاقات کے حوالے سے تفصیلات بیان کی ہیں۔
ان کے دیور نے بتایا کہ ہم 4 بھائی اور دوبہنیں ہیں۔ میرے بھائی کااصل نام ارشد ہے اور دوستوں میں وہ شاہد کے نام سے بلائے جاتے ہیں۔ میرے بھائی 2006 سے دبئی میں سکونت پذیر ہیں۔ جہاں ان کا ٹریول اینڈ ٹورزم کا بزنس ہے اور وہ 3 سے 4 ریسٹورنٹس کے بھی مالک ہیں۔
ثمر رانجھا کا کہنا ہے کہ ’محمد راشد اور نیلم منیر کی پہلی ملاقات دبئی میں ریسٹورنٹ میں ہوئی، پھر ان کی گفتگو کا سلسلہ اسنیپ (اسنیپ چیٹ) پر جاری رہا جو آہستہ آہستہ محبت میں تبدیل ہوتا گیا اور دونوں کو ایک دوسرے سے محبت ہوگئی، دو ڈھائی سال تک دونوں ایک دوسرے سے رابطے میں رہے اور پھر انہوں نے شادی کا فیصلہ کرتے ہوئے شادی کرلی‘۔
اداکارہ کے دیور نے شادی کی تقریبات کے بارے میں بتایا کہ بھائی کی شادی اور ولیمہ دبئی میں ہوا جس میں صرف چند لوگوں کو مدعو کیا گیا تھا اور مجھ سمیت فیملی کے چند لوگ شریک ہوئے، سلامی میں بھابھی نیلم نے مجھے گولڈ کی چین اور موبائل گفٹ کیا جبکہ میں نے سلامی میں بھابھی کو 8 سے 9 لاکھ پاکستانی روپے کا بریسلیٹ گفٹ کیا بھائی بھابھی کے میانوالی میں ولیمے کی ایک تقریب انکی وطن واپسی پرمنعقد کی جائے گی۔
نیلم منیر کے دیو ر نےان کی آمدنی کے حوالے سے کہا کہ بھائی اور بھابھی دونوں کی آمدنی بہت اچھی ہے جبکہ نیلم منیر اخلاق کی بہت اچھی ہیں، ان کی فیملی سے بھی اکثر وبیشتر بات ہوتی رہتی ہے۔
واضح رہے کہ اس سے قبل یوٹیوبر یاسر شامی نے اپنے سوشل میڈیا اکاؤنٹ پر ایک ویڈیو میں نیلم منیر کے شوہر کے حوالے سے تفصیلات شیئر کی تھی۔
یوٹیوبر کا کہنا تھا کہ نیلم منیر کے شوہر دبئی پولیس کے سی آئی ڈی ڈپارٹمنٹ میں کام کرتے ہیں اور نیلم منیر کے شوہر کی ملازمت کے حوالے سے اگر دبئی پولیس کے اہلکاروں کا تجربہ 2 سے 3 سال کا ہو تو ان کی تنخواہ 13 ہزار درہم (تقریباً 10 لاکھ پاکستانی روپے) ہوتی ہے۔ اگر تجربہ 5 سے 8 سال ہو تو یہ تنخواہ 13 سے 18 ہزار درہم (تقریباً 13 سے 14 لاکھ روپے) تک بڑھ جاتی ہے، اور 8 سے 10 سال کے تجربے والے اہلکاروں کی تنخواہ 22 ہزار درہم یعنی 16 سے 17 لاکھ پاکستانی روپے تک پہنچ سکتی ہے۔
یوٹیوبر کا یہ بھی دعوی تھا کہ دبئی پولیس کے اہلکار سے شادی کرنے پر نیلم منیر کو دبئی کے شاپنگ مالز میں خاص ڈسکاؤنٹ ملے گا۔
مزیدپڑھیں:بابا وانگا کی 2025 کے حوالے سے کی گئی خوفناک پیشگوئیوں کا آغاز ہوگیا؟
ذریعہ: Daily Ausaf
کلیدی لفظ: کے حوالے سے
پڑھیں:
پشاور میں آرمی چیف سے ملاقات ہوئی ہے، امید ہے چند دنوں میں حالات بہتر ہوجائیں گے، چیئرمین پی ٹی آئی بیرسٹر گوہر
پاکستان تحریک انصاف (پی ٹی آئی) کے چیئرمین گوہرخان اور وزیر اعلیٰ خیبر پختونخوا علی امین گنڈاپور نے آرمی چیف جنرل عاصم منیر سے براہ راست ملاقات کی ہے جسے پی ٹی آئی چیئرمین نے انتہائی مثبت اور خوش آئند قرار دیا ہے۔
جمعرات کوآرمی چیف جنرل عاصم منیر سے ملاقات کے بعد چیئرمین پی ٹی آئی بیرسٹر گوہر نے اسٹیبلشمنٹ سے براہ راست مذاکرات کو مثبت پیش رفت قرار دیا ہے۔
پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ انہوں نے آرمی چیف جنرل عاصم منیر اور وزیراعلیٰ خیبر پختونخوا علی امین گنڈاپور سے ملاقات کی ہے۔
پی ٹی آئی کے چیئرمین گوہر نے اڈیالہ جیل کی کمرہ عدالت میں صحافیوں سے بات کرتے ہوئے بالآخر اس بات کی تصدیق کی کہ انہوں نے آرمی چیف سے باضابطہ برائے راست ملاقات کی ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے حوالے سے چیئرمین پی ٹی آئی نے کہا کہ پارٹی کے تمام معاملات اور مطالبات براہ راست جنرل عاصم منیر کے سامنے پیش کیے گئے ہیں۔
انہوں نے اسٹیبلشمنٹ کے ساتھ براہ راست مذاکرات کو جاری مسائل کے حل کی جانب ایک مثبت قدم قرار دیا۔ بیرسٹر گوہر نے مزید کہا کہ میں اور علی امین گنڈاپور نے آرمی چیف منیر سے ملاقات کی جس میں ہم نے پی ٹی آئی کے تمام خدشات اور ترجیحات سے آگاہ کیا ہے۔
پی ٹی آئی کے بانی عمران خان نے بھی صحافیوں سے گفتگو کرتے ہوئے تصدیق کی کہ گوہرخان نے پشاور میں آرمی چیف سے ملاقات کی تھی۔ عمران خان نے کہا کہ ان کی پارٹی طویل عرصے سے دوسرے فریق کو مذاکرات کی میز پر لانے کی کوشش کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف بیرسٹر گوہر خان پی ٹی آئی جنرل عاصم منیر
وزیراعلی مراد علی شاہ کی صاحبزادی کی شادی،ڈاکٹر شام سندر کے آڈوانی اور بھائیوں کی شرکت