وزیراعلیٰ پنجاب مریم نواز نے مستحق افراد کیلئے گھروں کے منصوبے کا افتتاح کر دیا
اشاعت کی تاریخ: 13th, January 2025 GMT
وزیراعلیٰ پنجاب کا کہنا ہے کہ مستحق اور نادار افراد کو گھر کیلئے زمین کا ٹکڑا مفت دیا جائے گا، 10 مرلہ پلاٹ والوں کو ایک لاکھ تک قرضہ ملے گا، ہم نے قرضے کی آسان اقساط رکھی ہیں، آپ نے 7 سال میں 15 لاکھ ہی واپس کرنا ہے، ماہانہ قسط 14 ہزار روپے دینی ہوگی، 3 مرلے کے پلاٹس ہزاروں افراد کو دیں گے۔ اسلام ٹائمز۔ وزیراعلیٰ پنجاب مریم نواز نے کہا ہے کہ 5 سال میں پنجاب اور پاکستان کی قسمت بدل دیں گے، مسکن راوی کے تحت مستحق افراد کو گھروں کی فراہمی کے منصوبہ کی تقریب سے خطاب کرتے ہوئے وزیراعلیٰ پنجاب مریم نواز کا کہنا تھا کہ آج 100 مستحق افراد کو گھر ملے ہیں، مستحقین کو گھر ملنے پر میرے دل کو تسلی ہوئی ہے، جن لوگوں کو گھر ملے ان کو بہت بہت مبارک ہو۔ انہوں نے کہا کہ جو گھر دیئے جا رہے ہیں ان پر سولر یونٹ لگا ہوا ہے، 100 گھروں کیساتھ ایک سکول ہے، ان گھروں کیساتھ واٹر فلٹریشن پلانٹ موجود ہے، کسی کا حق کسی ایسے کو نہیں جانا چاہئے جو مستحق نہیں، مجھے ایک خاتون نے کہا کہ یہ گھر واپس تو نہیں لیا جائے گا، خاتون کو تسلی دیتے ہوئے کہا کہ یہ گھر رہتی دنیا تک آپ سے کوئی نہیں لے گا۔
وزیراعلیٰ پنجاب کا کہنا تھا کہ نواز شریف نے اس ملک اور عوام کو 45 سال دیئے ہیں، ایٹمی طاقت، موٹروے، بجلی بنانے کی بات ہوتی ہے، تو نواز شریف کا نام آتا ہے، جو بھی منصوبہ اٹھا کر دیکھ لیں اس پر نواز شریف کی مہر ہے، نواز شریف کے ویژن کو تکمیل دے رہی ہوں۔ انہوں نے کہا کہ یہ دنیا کی بہترین ہاوسنگ سکیم ہے، پنجاب میں 50 لاکھ خاندانوں کے پاس اپنا گھر نہیں، رواں سال ایک لاکھ لوگوں کو اپنا گھر مل جائیگا، 5 سالوں میں 5 لاکھ خاندانوں کو اپنا گھر دیں گے، پنجاب کے 37 اضلاع میں ہزاروں گھر زیر تعمیر ہیں، کچھ گھروں کی تعمیر جاری ہے اور کچھ بن بھی گئے ہیں، ہم نے مہینوں میں اس سکیم کو کھڑا کر دیا ہے۔ مریم نواز کا کہنا تھا کہ میں نے اس سکیم کا دائرہ کار مزید بڑھانا ہے، مزید لوگوں کو اپنی چھت دینی ہے، لوگ کبھی سوچ بھی نہیں سکتے تھے کہ ان کا اپنا گھر ہو سکتا ہے، آئندہ چند ماہ میں مزید ہزاروں گھر تعمیر ہوں گے، ہم اس سال میں ایک لاکھ گھروں کا ہدف حاصل کرلیں گے۔
انہوں نے کہا کہ مستحق اور نادار افراد کو گھر کیلئے زمین کا ٹکڑا مفت دیا جائے گا، 10 مرلہ پلاٹ والوں کو ایک لاکھ تک قرضہ ملے گا، ہم نے قرضے کی آسان اقساط رکھی ہیں، آپ نے 7 سال میں 15 لاکھ ہی واپس کرنا ہے، ماہانہ قسط 14 ہزار روپے دینی ہوگی، 3 مرلے کے پلاٹس ہزاروں افراد کو دیں گے۔ ان کا کہنا تھا کہ نواز شریف کے خوابوں کو محنت سے پورا کرنے کی کوشش کر رہی ہوں، ڈی سیز، کمشنرز اور پولیس کیلئے پرفارمنس انڈیکیٹرز بنائے ہیں، پنجاب کے عوام نے اعتماد کیا ہے، عوام کا اعتماد اتنا زیادہ ہے کہ لاکھوں درخواستیں آتی ہیں، ایک لاکھ گھروں کیلئے 10 لاکھ درخواستیں آتی ہیں، پنجاب کے عوام جانتے ہیں، جو سکیم نواز شریف شروع کریں گے وہ پوری ہوگی۔ وزیراعلیٰ پنجاب نے کہا کہ لاکھوں کسانوں کو کسان کارڈ دیا گیا، جن کے پاس 10 جانور ہیں ان کو لائیو سٹاک کارڈ دیا گیا، ہم صحت کے شعبے میں بہت ساری اصلاحات لا رہے ہیں، ہم پاکستان میں کینسر کا جدید علاج لا رہے ہیں، کلینکس آن وہیل آپ کی دہلیز پر علاج کر رہے ہیں، بچوں کی ہارٹ سرجریز ہو رہی ہیں۔
مریم نواز کا کہنا تھا کہ بلوچستان، کشمیر اور خیبرپختونخوا کے بچوں کی بھی ہارٹ سرجریز ہورہی ہیں، پنجاب سب کے کام آ رہا ہے، ہم پورے پنجاب میں صفائی کا نظام لائے، آئندہ چند ہفتوں میں صفائی کا نظام مزید فعال ہو گا، پورے پنجاب میں 30 ہزار بچوں کو سکالر شپ دیا ہے، میرٹ کے بغیر یا کسی کو سفارش پر سکالر شپ نہیں دیا۔ انہوں نے کہا کہ بہاولپور بھی جا رہی ہوں، بچوں کو سکالر شپ دوں گی، میرے دماغ میں کوئی تفریق نہیں، پنجاب میں بسنے والا ہر شخص دل کے قریب ہے، پورے پنجاب میں 400 سڑکیں بن رہی ہیں، یہ ابھی آغاز ہے، 25 الیکٹرک بسیں کراچی پورٹ پہنچ چکی ہیں، پنجاب کیلئے 500 بسیں آ رہی ہیں۔ ان کا مزید کہنا تھا کہ اللہ کا کرم ہے ہم روٹی 25 روپے سے 13 روپے پر لائے، میری اپنی ٹیم سے لڑائی رہتی ہے کہ آٹے اور روٹی کی قیمت بڑھنی نہیں چاہئے، یہ ابھی آغاز ہے، عوام نے ایسے ہی اعتماد دیا تو آئندہ 5 سال میں عوام اور پاکستان کی قسمت بدلے گی۔
ذریعہ: Islam Times
کلیدی لفظ: انہوں نے کہا کہ کا کہنا تھا کہ افراد کو گھر نواز شریف مریم نواز ایک لاکھ اپنا گھر گھروں کی رہی ہیں سال میں رہے ہیں دیں گے
پڑھیں:
وسائل کی کمی کی وجہ سے بچوں کے خواب ادھورے نہیں رہیں گے، مریم نواز شریف
فیصل آباد میں لیپ ٹاپ سکیم کی افتتاحی تقریب سے خطاب کرتے ہوئے وزیراعلیٰ پنجاب کا کہنا تھا کہ مخالفین کو کہتی ہوں آئیں اور دیکھیں یہاں ایک ماں نے کیسے اپنے بچوں کے ساتھ رشتہ بنا لیا ہے، میرا شکریہ کبھی نہیں بولنا یہ آپ کا حق تھا وہ آپ کو ملا، آج لگتا ہے ریاست ماں جیسی ہے۔ اسلام ٹائمز۔ وزیراعلیٰ پنجاب مریم نواز نے لیپ ٹاپ سکیم کا افتتاح کر دیا۔ فیصل آباد میں لیپ ٹاپ سکیم کی افتتاحی تقریب سے خطاب کرتے ہوئے وزیراعلیٰ پنجاب مریم نواز کا کہنا تھا کہ آج مجھے پائلٹ نے لاہور میں کہا کہ ہم نہیں جاسکتے، پائلٹ نے کہا آپ ویٹ کر لیں دھند ہے، کچھ نظر نہیں آرہا، میں نے کہا جہاز اڑائیں اللہ خیر کرے گا، میں اپنے بچوں سے ملنے کیلئے بے چین تھی۔ وزیر اعلیٰ پنجاب نے کہا کہ آئندہ کبھی میری وجہ سے امتحان کینسل نہیں ہونا چاہیے، مجھے ڈر ہے نواز شریف سے مجھے ڈانٹ پڑے گی، وہ میرے بڑے ہیں، میں ان کی ڈانٹ خوشی سے سن لوں گی۔
انہوں نے کہا کہ پروگرام کا افتتاح گھر سے بھی کرسکتی تھی لیکن مجھے یہ چمکتے چہرے بھی ضرور دیکھنے تھے، اگر میں یونیورسٹیز میں نہ جاتی تو مجھے اندازہ نہ ہوتا یہ سکالر شپ بچوں کیلئے کتنی اہم ہے۔ مریم نواز کا کہنا تھا کہ سکالرشپ میں 100 فیصد میرٹ کو فالو کیا گیا ہے، اگر آپ میرٹ پر ہیں تو آپ کو سکالر شپ ضرور ملے گی۔ ایک بچی کو پڑھائی چھوڑنے کا بولا گیا، جب اس کو سکالر شپ ملی تو اس نے پڑھائی جاری رکھنے کا پلان بنا لیا۔ وزیر اعلیٰ پنجاب نے کہا کہ میں اپنی ماں کے انتقال اور باپ کے ہسپتال جانے پر صرف روئی، اب میں روزانہ جب آپ کو دیکھتی ہوں مجھے رونا آتا ہے۔
انہوں نے کہا کہ مخالفین کو کہتی ہوں آئیں اور دیکھیں یہاں ایک ماں نے کیسے اپنے بچوں کے ساتھ رشتہ بنا لیا ہے، میرا شکریہ کبھی نہیں بولنا یہ آپ کا حق تھا وہ آپ کو ملا، آج لگتا ہے ریاست ماں جیسی ہے۔ ایک بچے نے کہا ایک سال تک میں نے تعلیم حاصل نہیں کی، وسائل کی کمی کی وجہ سے اس بچے نے تعلیم کو چھوڑا، خواب سب بچے دیکھتے ہیں، میں بھی آپ کی عمر سے گزری ہوں میں نے بھی خواب دیکھے ہیں، کچھ کرنے کا اور کچھ بن جانے کا خواب دیکھتے ہیں، وسائل کی کمی کی وجہ سے بچوں کے خواب ادھورے نہیں رہیں گے۔
مریم نواز کا کہنا تھا کہ میں آپ کے سامنے کھڑی ہوں، خوابوں کی تعبیر اچھی تعلیم سے ہوتی ہے، دوسری یونیورسٹیز میں وسائل کی کمی نہیں ہے، اس سال 30 ہزار سکالر شپس دی گئی ہیں، اگلے سال 50 ہزار تک سکالر شپس دیں گے، سکالر شپس کیلئے مجھے تمام پنجاب کا بجٹ بھی ڈالنا پڑا میں ڈالوں گی۔ وزیراعلیٰ نے کہا کہ بہت جلد سیکنڈ اور تھرڈ ایئر کے بچوں کیلئے بھی سکالر شپس لا رہی ہوں، یہ پورا مہینہ میں نے پنجاب کے ہونہار طلبہ کیلئے وقف کیا ہے، پنجاب کے اندر گرلز پاور بہت مضبوط ہو رہی ہے، لیپ ٹاپس کی پہلی شپمنٹ آچکی ہے، 40 ہزار سے ایک لاکھ تک لیپ ٹاپس کی تعداد جانی چاہئے۔
مریم نواز کا کہنا تھا کہ بغیر کسی قصور کے 5 ماہ جیل میں کاٹے، ہم نے قید و بند کی صعوبتیں برداشت کیں لیکن انتقامی سیاست نہیں کی، یہاں میں آپ کو جلاؤ گھیراؤ، کیلوں والے ڈنڈوں کی باتیں کروں تو آپ کا مستقبل خراب کروں گی۔ انہوں نے کہا کہ جو بچے جیل میں ہیں انہیں کوئی پوچھنے نہیں آتا، میں نے کبھی کسی کو جلاؤ گھیراؤ اور توڑ پھوڑ کا نہیں کہا، مجھے تکلیف ہے جو بچے کسی کے بہکاوے میں آئے اور وہ بچے جیلوں میں چلے گئے۔ مریم نواز نے کہا کہ میں آپ کو ترقی کی طرف لے کر جا رہی ہوں، میں نے آپ کو تعمیر کا راستہ دکھانا ہے توڑ پھوڑ کا نہیں، اپنے زندگیوں اور اپنے مستقبل کو خطرے میں ڈالنا ماں باپ کی نافرمانی ہے۔
پاکستان کے ہر شہری کو کم لاگت رہائش کی فراہمی کیلئے ہر ممکن اقدام کریں گے، وزیراعظم