ہاربن ایشیائی سرمائی کھیلوں کے لئے چائنا میڈیا گروپ کے رپورٹنگ گروپ کی روانگی کی تقریب کا انعقاد
اشاعت کی تاریخ: 13th, January 2025 GMT
ہاربن ایشیائی سرمائی کھیلوں کے لئے چائنا میڈیا گروپ کے رپورٹنگ گروپ کی روانگی کی تقریب کا انعقاد WhatsAppFacebookTwitter 0 13 January, 2025 سب نیوز
بیجنگ :چائنا میڈیا گروپ نے ہاربن ایشین ونٹر گیمز کےلئے رپورٹنگ گروپ کی روانگی کی تقریب کا انعقاد کیا۔
پیر کے روز چائنا میڈیا گروپ کے صدر شن ہائی شیونگ نے تقریب سے خطاب کرتے ہوئے کہا کہ ہاربن ایشین ونٹر گیمز ایک بین البراعظمی کھیلوں کا ایونٹ ہے جو چین کے”14 ویں پانچ سالہ منصوبے” کے آخری سال میں منعقد ہو رہا ہے ، اور یہ بیجنگ سرمائی اولمپکس کے بعد چین میں منعقد ہونے والا پہلا بین الاقوامی سرمائی کھیلوں کا جامع ایونٹ ہے۔
ان ایشین ونٹر گیمز میں چائنا میڈیا گروپ نہ صرف ایونٹ کی نشریاتی کوریج کرے گا بلکہ تاریخ میں پہلی بار جامع بین الاقوامی سرمائی ایونٹ کے مرکزی براڈکاسٹر کی خدمات بھی انجام دے گا اور دنیا کو مکمل 4Kمعیارکے ساتھ بین الاقوامی پبلک سگنل اور متعلقہ میڈیا خدمات فراہم کرے گا۔
ہمیں عالمی معیار کے بہترین پبلک سگنل کے ذریعے “سی ایم جی پروڈکشن”کا نام دنیا میں دوبارہ روشن کرنا ہوگا۔
اطلاعات کے مطابق نویں ایشین ونٹر گیمز 7 سے 14 فروری 2025 تک ہاربن میں منعقد ہوں گے اور ان میں 6 ایونٹس کے کل64 مقابلے ہوں گے۔
ذریعہ: Daily Sub News
پڑھیں:
کراچی:چیمپئنز ٹرافی کیلیے خصوصی انتظامات
کراچی: شہرقائد کی انتظامیہ نے چیمپئنز ٹرافی2025 کو یادگار اور کامیاب بنانے کے لیے ہر سطح پر تیاریاں شروع کردی ہیں۔
یاد رہے کہ میگا ایونٹ کی ابتدائی تقریب اور 3میچز کراچی میں ہوں گے، جن کے لیے فول پروف سیکورٹی اور خصوصی سہولیات کا منصوبہ تیار کیا گیا ہے۔ اس حوالے سے جمعہ کے روز کمشنر کراچی کی زیرِ صدارت اہم اجلاس منعقد ہوا، جس میں مختلف اداروں نے چیمپئنز ٹرافی کے انتظامات پر تفصیلی بریفنگ دی۔
اجلاس میں فیصلہ کیا گیا کہ اسٹیڈیم آنے جانے کے راستوں کو خوبصورت بنانے کے لیے سجایا جائے گا جب کہ پارکنگ کے لیے خصوصی مقامات مختص کیے جائیں گے اور وہاں سے شٹل سروس کے ذریعے شائقین کو اسٹیڈیم تک پہنچانے کا بندوبست کیا جائے گا۔
ایونٹ کے سلسلے میں ہونے والے خصوصی اجلاس میں پولیس، رینجرز، سالڈ ویسٹ مینجمنٹ، واٹر اینڈ سیوریج کارپوریشن، کنٹونمنٹ بورڈز، کے الیکٹرک اور پاکستان کرکٹ بورڈ کے نمائندوں نے شرکت کی۔
واضح رہے کہ چیمپئنز ٹرافی19 فروری سے شروع اور 9 مارچ کو ختم ہوگی۔ میگا ایونٹ میں 8 ٹیمیں حصہ لیں گی، جنہیں 2گروپس میں تقسیم کیا گیا ہے۔ گروپ اے میں پاکستان، بھارت، نیوزی لینڈ، اور بنگلا دیش جبکہ گروپ بی میں جنوبی افریقا، آسٹریلیا، افغانستان، اور انگلینڈ شامل ہیں۔
افتتاحی میچ 19 فروری کو کراچی میں پاکستان اور نیوزی لینڈ کے مابین ہوگا جب کہ ایونٹ میں مجموعی طور پر 15 میچز کھیلے جائیں گے۔ کراچی انتظامیہ نے چیمپئنز ٹرافی 2025ء کو شہریوں کے لیے آسان اور پرجوش بنانے کے عزم کا اظہار کیا ہے۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ