وزیراعظم میاں محمد شہباز شریف کی شب وروز محنت سے ملکی معیشت مضبوط اور مستحکم ہو رہی ہے،ڈاکٹر شائستہ جدون
اشاعت کی تاریخ: 13th, January 2025 GMT
ایبٹ آباد (اُردو پوائنٹ اخبارتازہ ترین - اے پی پی۔ 13 جنوری2025ء) پاکستان مسلم لیگ (ن) خواتین ونگ ہزارہ ڈویژن کی صدر اور رکن قومی اسمبلی ڈاکٹر شائستہ جدون نے کہا ہے کہ مسلم لیگ( ن ) ترقیاتی کاموں اور عوامی خدمت پر یقین رکھتی ہے ۔مسلم لیگ ن کے قائد میاں محمد نواز شریف کی رہنمائی اور وزیراعظم میاں محمد شہباز شریف کی قیادت میں ملک ترقی کی منازل طے کر رہا ہے۔
10 ماہ کی قلیل مدت میں پاکستان ترقی کی سیڑھی چڑھ چکا ہے ۔پیر کویہاں صحافیوں سے بات چیت کرتے ہوئے انہوں نے کہا کہ مسلم لیگ ن کی سیاست کا محور ہمیشہ عوام کی خدمت اور ملکی خوشحالی اور ملکی ترقی رہا ہے ۔عوام کے دکھ درد سمجھنے اور عوام کو ریلیف دینے میں مسلم لیگ ن ہمیشہ سے کوشاں رہی ہے اور مسلم لیگ ن ہی وہ واحد جماعت ہے جس نے ہمیشہ وسیع تر ملکی مفاد میں اپنا بھرپور کردار ادا کیا ۔(جاری ہے)
انہوں نے کہا کہ مسلم لیگ ن ملک کے غریب طبقے کی خوشحالی کے لیے جدوجیدکررہی ہے ۔وزیراعظم میاں محمد شہباز شریف کی شب وروز محنت سے ملکی معیشت مضبوط اور مستحکم ہو رہی ہے ۔انہوں نے کہا کہ مسلم لیگ ن کے قائد محمد نواز شریف اپنی قائدانہ صلاحیتوں اور تجربے کی بنیاد پر حکومت کی بھرپور رہنمائی کر رہے ہیں جس سے مہنگائی میں کمی اور معیشت کی ترقی کی صورت میں مثبت نتائج سامنے آرہے ہیں مسلم لیگ ن کی حکومت عوام کی فلاح وبہبود کے لیے بھرپور اقدامات کر رہی ہے ۔عوام کو مسلم لیگ ن کی حکومت پر مکمل اعتماد ہے ۔ملک کا بچہ بچہ جانتا ہے کہ ملک کی تعمیر وترقی ہمیشہ مسلم لیگ ن کے دور حکومت میں ہی ہوتی ہے۔.ذریعہ: UrduPoint
کلیدی لفظ: تلاش کیجئے مسلم لیگ ن میاں محمد شریف کی نے کہا رہی ہے
پڑھیں:
غزہ میں جنگ بندی خوش آئند، امید ہے مکمل طور پر احترام کیا جائے گا: وزیراعظم
ویب ڈیسک:وزیراعظم شہباز شریف نے کہا ہے کہ غزہ میں جنگ بندی خوش آئند ہے، امید ہے جنگ بندی کا مکمل طور پر احترام کیا جائے گا۔
سماجی رابطے کی ویب سائٹ ایکس پر اپنے پیغام میں وزیراعظم شہباز شریف کا کہنا تھا کہ میں اور پوری پاکستانی قوم فلسطین بالخصوص غزہ میں جنگ بندی کا خیر مقدم کرتے ہیں، امن کے حصول کیلئے قطر، سعودی عرب، امریکا، مصر اور دیگر دوست ممالک کی انتھک کوششیں ناقابل فراموش ہیں۔
رجب بٹ کی نئی گاڑی،قیمت کے حوالے سے بڑادعویٰ سامنے آگیا
انہوں نے کہا کہ امن و امان کے قیام کیلئے غزہ اور دیگر جنگ زدہ علاقوں میں انسانی امداد کی ترسیل انتہائی اہم ہے، ہمیں امید ہے کہ اس جنگ بندی کا مکمل طور پر احترام کیا جائے گا۔
وزیراعظم کا کہنا تھا کہ پاکستانی عوام فلسطینی بھائیوں اور بہنوں کے ساتھ کھڑے ہیں اور گزشتہ کئی دہائیوں سے اسرائیلی جارحیت کے خلاف جدوجہد میں اپنی جان و مال کا نذرانہ پیش کرنے والوں کو خراج عقیدت پیش کرتے ہیں۔
شہباز شریف نے مزید کہا کہ پاکستان اقوام متحدہ کی قراردادوں کے مطابق مسئلہ فلسطین کے دو ریاستی حل کے اپنے موقف کا اعادہ کرتا ہے، 1967 سے قبل کی حدود پر مبنی القدس شریف دارالحکومت کے طور پر آزاد فلسطین ہی اس مسئلے کا پائیدار حل ہے۔
وزیراعلیٰ پنجاب کا طلبہ کو مزید 1 لاکھ الیکٹرک بائیکس دینے کا اعلان
چیئرپرسن بینظیر انکم سپورٹ پروگرام روبینہ خالد کا مستحق افراد کے مسائل سننے کیلئے لائیو ای-کچہری کا انعقاد