میلنا الیگژنڈر کا اسلام قبول: ساحل خان نے مداحوں کو خوشخبری سنائی
اشاعت کی تاریخ: 13th, January 2025 GMT
دبئی :دبئی میں مقیم بھارتی اداکار اور ماڈل ساحل خان نے اپنی اہلیہ میلنا الیگژنڈر کے اسلام قبول کرنے کا اعلان کیا ہے۔ سوشل میڈیا پر شیئر کی گئی تصاویر میں ساحل خان نے اس خوشخبری کے ساتھ خدا کا شکر ادا کیا اور دعا کی کہ ان کی عبادات اور دعائیں قبول ہوں۔
مداحوں نے میلنا کے اسلام قبول کرنے پر مبارکباد کے پیغامات بھیجے اور ان کے لیے نیک تمناؤں کا اظہار کیا۔
اس اعلان کے ساتھ، مداحوں کی نظر ساحل خان کی کلائی پر بندھی 4 کروڑ بھارتی روپے مالیت کی گھڑی پر بھی گئی، جو ایک معروف برانڈ کا لمیٹڈ ایڈیشن ماڈل ہے۔
ساحل خان نے اپنی ایک اور پوسٹ میں اس گھڑی کی تصویر شیئر کرتے ہوئے بتایا کہ یہ ان کی پسندیدہ گھڑی ہے، اور اسے خریدنا ان کا دیرینہ خواب تھا، جو اب پورا ہو چکا ہے۔
یہ اعلان اور تصاویر سوشل میڈیا پر خوب وائرل ہو رہی ہیں، اور مداحوں کی جانب سے اداکار اور ان کی اہلیہ کے لیے نیک خواہشات کا اظہار کیا جا رہا ہے۔
.ذریعہ: Nai Baat
پڑھیں:
نیتو کپور نے رشی کپور کیساتھ منگنی کی یادگار تصویر شیئر کردی
بالی ووڈ کی سینئر اداکارہ نیتو کپور نے آنجہانی اداکار رشی کپور کے ساتھ منگنی کی یادگار تصویر سوشل میڈیا پر شیئر کردی۔
معروف اداکارہ نیتو کپور نے حال ہی میں سوشل میڈیا پر اپنے آنجہانی شوہر، رشی کپور کو یاد کرتے پوئے ان کے ساتھ منگنی کے دن کی ایک یادگار بلیک اینڈ وائٹ تصویر شیئر کی ہے۔ اداکارہ نے بتایا کہ یہ تصویر 1979 کی ہے، جب دونوں نے منگنی کی تھی۔
نیتو کپور نے انسٹاگرام اسٹوری پر یہ تصویر پوسٹ کرتے ہوئے لکھا: ’آج کے دن 1979 میں منگنی ہوئی تھی، وقت کتنی جلدی گزر جاتا ہے۔‘ تصویر میں دونوں مسکراتے ہوئے خوشگوار موڈ میں دکھائی دے رہے ہیں۔
یاد رہے کہ نیتو اکثر اپنے شوہر کو یاد کرتے ہوئے ان کی تصاویر سوشل میڈیا پر پوسٹ کرکے ان سے اپنی محبت کا اظہار کرتی ہیں۔ نیتو اور رشی کپور 22 جنوری 1980 کو رشتہ ازدواج میں منسلک ہوئے تھے ان کے دو بچے ہیں، بیٹی ردھیمہ کپور اور بیٹا، معروف اداکار رنبیر کپور۔
نیتو اور رشی کپور نے 70 اور 80 کی دہائی میں کئی سپر ہٹ فلموں میں ایک ساتھ کام کیا جن میں ’امر اکبر انتھونی‘، ’کھیل کھیل میں‘، ’رفو چکر‘، ’کبھی کبھی‘ اور ’بے شرم‘ شامل ہیں۔
واضح رہے کہ رشی کپور کی آخری فلم ’شرما جی نمکین‘ ان کے انتقال کے بعد مکمل کی گئی، جس میں باقی مناظر اداکار پاریش راول نے مکمل کیے۔
نائب تحصیل دار کی گاڑی پر بارودی مواد کا دھماکہ