موسم سرما کی تعطیلات ختم، پنجاب بھر کے اسکولز کھل گئے
اشاعت کی تاریخ: 13th, January 2025 GMT
پنجاب بھر میں موسم سرما کی تعطیلات ختم ہوگئیں.21 طویل چھٹیوں کے بعد اسکولز کھل گئے۔اسکول ایجوکیشن ڈیپارٹمنٹ کی جانب سے چھٹیوں کے بعد کے اوقات کار بھی جاری کردیے گئے. پیر تا ہفتہ صبح 08.45 سے دوپہر 02:45 بجے تک تعلیمی ادارے لگیں گے جبکہ جمعہ کے روز اوقات کار صبح 08.45 بجے سے دوپہر 12:30 بجے تک ہوں گے۔
یاد رہے کہ صوبے بھر میں سرکاری طور پر 23 دسمبر سے 12 جنوری تک تعطیلات کی گئی تھیں۔
دوسری جانب پنجاب کے مختلف شہروں میں سردی کی شدت برقرار ہے اور دھند کے بھی ڈیرے موجود ہیں، اوکاڑہ میں دھند نے مناظر دھندلا دیے اور حد نگاہ انتہائی کم ہوگئی۔ڈجکوٹ میں گہری دھند کا راج برقرار ہے جبکہ درجہ حرارت میں کمی اور سردی میں مزید اضافہ ہوگیا ہے۔
علاوہ ازیں گھوٹکی میں بھی شہری و دیہی علاقوں میں شدید دھند اور سردی کی لہر برقرار ہے۔
ذریعہ: Nawaiwaqt
پڑھیں:
کراچی: مختلف واقعات میں نو عمر لڑکے سمیت تین افراد جاں بحق
کراچی میں پیش آنے والے مختلف ٹریفک حادثات میں نوعمر لڑکے سمیت تین افراد جاں بحق ہوگئے جبکہ ایک نوجوان شدید زخمی ہوگیا۔
تفصیلات کے مطابق ملیر لنک روڈ کے قریب تیز رفتار کار ڈرائیور سے بے قابو ہو کر فٹ پاتھ کے ساتھ لگے ہوئے درخت سے ٹکرا کر الٹ گئی جس کے نتیجے میں ایک نوجوان جاں بحق جبکہ دوسرا شدید زخمی ہوگیا جبکہ حادثے میں کار بری طرح سے تباہ ہوگئی۔ متوفی کی لاش ایدھی کے رضا کاروں نے ضابطے کی کارروائی کے لیے فاطمہ بقائی اسپتال ٹول پلازہ پہنچائی۔
ریسکیو حکام کے مطابق متوفی کی شناخت 18 سالہ احمد کے نام سے کی گئی جبکہ شدید زخمی 25 سالہ شیر محمد کو طبی امداد فراہم کی جا رہی ہے جبکہ حادثہ تیز رفتاری کے باعث کار بے قابو ہونے سے پیش آنے کا بتایا جا رہا ہے۔تاہم، پولیس مزید تحقیقات کر رہی ہے۔
قائد آباد مرغی خانہ پل کے قریب ٹریفک حادثے میں نوعمر لڑکا جاں بحق ہوگیا جس کی لاش چھیپا ایمبولینس کے ذریعے جناح اسپتال لیجائی گئی۔
ریسکیو حکام کے مطابق متوفی کی شناخت 14 سالہ ریحان کے نام سے کی گئی جو کہ راہگیر تھا جبکہ حادثہ نامعلوم تیز رفتار گاڑی کی ٹکر سے پیش آیا تھا۔
دریں اثنا بھینس کالونی موڑ کے قریب ٹریفک حادثے میں موٹر سائیکل سوار نوجوان جاں بحق ہوگیا ۔متوفی کی لاش ضابطے کی کارروائی کے لیے جناح اسپتال لائی گئی۔
چھیپا حکام کے مطابق متوفی کی شناخت 18 سالہ عامر کے نام سے کی گئی جسے نامعلوم گاڑی نے ٹکر ماری تھی۔تاہم، پولیس ٹریفک حادثات کی مزید معلومات حاصل کر رہی ہے ۔
اوورسیز پاکستانیوں نے ڈالرز بھیج کر ملک کو دیوالیہ نہیں ہونے دیا، احسن اقبال