بالی ووڈ اسٹار عامر خان نے میرا شو کاپی کیا، حنا بیات کا الزام
اشاعت کی تاریخ: 13th, January 2025 GMT
شوبز انڈسٹری کی سینیئر اداکارہ حنا خواجہ بیات کا کہنا ہے کہ بالی ووڈ سپر اسٹار عامر خان نے ان کا ایک شو کاپی کیا تھا جس کی وہ ماضی میں میزبانی کرتی رہی ہیں۔
حنا بیات نے حال ہی میں ایک شو میں شرکت کی جس میں انہوں نے نجی زندگی کے علاوہ اپنے ڈراموں، انڈسٹری اور مختلف موضوعات پر کھل کر بات کی۔
یہ بھی پڑھیں: بالی ووڈ اسٹار سلمان خان میری نقل کرتے تھے، گلوکار حسن جہانگیر
اداکارہ حنا بیات نے کہا کہ ماضی میں وہ ایک شو کی میزبانی کرتی تھیں اور اس وقت نفسیاتی مسائل پر بات نہیں کی جاتی تھی لیکن ان کے شو میں ان چیزوں پربات ہوتی تھی اور بہت سی کہانیوں پر بات کرنے کا موقع ملتا تھا۔ جس کا نام ’الجھن سلجھن‘ تھا لیکن بعد میں اس کا نام ’جیو حنا کے ساتھ‘ کے ساتھ تبدیل کر دیا گیا کیونکہ ہم نے صرف زندہ نہیں رہنا بلکہ زندگی کو جینا ہے۔
حنا بیات نے کہا کہ اس شو کا سیٹ بھی انہوں نے خود ڈیزائن کیا تھا، انہوں نے بتایا کہ شو کے کافی عرصے کے بعد انہیں پتہ چلا کہ بالی ووڈ اسٹار عامر خان ایک شو کر رہے ہیں اور جب ہم نے وہ شو دیکھا تو سب نے کہا یہ تو ہمارا سیٹ ہے اور یہ کانٹینٹ بھی ہمارا ہے لیکن اس وقت انڈیا والے ہمارا کانٹینٹ اور ہم ان کا نہیں دیکھ رہے تھے اس لیے کسی کو اتنا پتا نہیں چلا۔
یہ بھی پڑھیں: ’سلمان خان نے اپنی نوکرانی کو میری جاسوسی کے لیے بھیجا‘ سابق اداکارہ سومی علی کا الزام
واضح رہے حنا بیات پاکستان کے سپر ہٹ ڈراموں میں کام کر چکی ہیں جن میں شہر ذات، متاع جان ہے تو، زندگی گلزار ہے، اڑان، بشر مومن، صنم اور کتنی گرہیں باقی ہیں جیسے ڈرامے شامل ہیں۔ انہوں نے اپنے کیرئیر کا آغاز بطور میزبان کیا جس میں انہوں نے معاشرے کے حقیقی مسائل کو اجاگر کیا اور ان موضوعات پر بات کی جن پر بات کرنا ممنوع سمجھا جاتا تھا اور اس کے بعد انہوں نے اداکاری شروع کر دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ پاکستان شوبز انڈسٹری حنا بیات عامرخان.ذریعہ: WE News
کلیدی لفظ: بالی ووڈ پاکستان شوبز انڈسٹری حنا بیات حنا بیات بالی ووڈ انہوں نے ایک شو پر بات
پڑھیں:
شاہ رخ خان میرے والد کے مداح ہیں، ربیکا خان
پاکستانی معروف اداکارہ، فیشن ماڈل، یوٹیوبر و ٹک ٹاکر ربیکا خان کا بالی ووڈ اسٹار شاہ رخ خان ان کے والد کے مداح ہیں۔
ربیکا خان نے حال ہی میں ایک پوڈ کاسٹ میں شرکت کی جہاں انہوں نے اپنے کیریئر اور ذاتی زندگی کے حوالے سے مختلف موضوعات پر کھل کر بات کی۔
ربیکا نے پوڈکاسٹ کے دوران انکشاف کرتے ہوئے کہا کہ ’بالی ووڈ اسٹار شاہ رخ خان ان کے والد معروف کامیڈین کاشف خان سے ملنے آئے تھے اور کہا کہ سر ہم آپ کو دیکھتے ہیں اور آپ کو فالو کرتے ہیں کیا کمال کے ایکٹر ہیں آپ‘۔
میزبان کے پوچھنے پر کہ ان کے والد کاشف خان نے کون سے پراجیکٹ میں شاہ رخ خان کے ساتھ کام کیا ہے اس کا جواب دیتے ہوئے ربیکا خان کا کہنا تھا کہ ’انڈیا میں کسی فلم کی پورومشن میں ان کے والد نے شاہ رخ خان کے ساتھ کام کیا ہے اور ان کی تصاویر بھی موجود ہیں‘۔
ربیکا خان نے کہا کہ نہ صرف ان کے والد بلکہ وہ بھی معروف بالی ووڈ اسٹار سے مل چکی ہیں۔ انہوں نے بتایا کہ وہ متھن اور سنجے دت سے مل چکی ہیں اور سنجے دت کے ساتھ انہوں نے لنچ کیا تھا اس وقت وقت 9 یا 10 سال کی تھیں۔
ٹک ٹاکر کا کہنا تھا کہ میرے والد ہمیشہ مجھے گائیڈ کرتے ہیں، ان کی سپورٹ نے میرے کیریئر میں بہت مدد کی ہے، شروع میں بہت روتی تھی لیکن اب لوگوں کے منفی تبصروں سے مجھے فرق نہیں پڑتا۔ ان کا مزید کہنا تھا کہ آپ کبھی محنت کرنا نہ چھوڑیں ایک دن آپ کی ویڈیوز بھی چلیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ ٹک ٹاکر ربیکا خان شاہ رخ خان کاشف خان
بی بی ایل اور ڈبلیو بی بی ایل کے لیے کھلاڑیوں کی ڈرافٹنگ 19 جون کو ہوگی