کراچی کے پرائیویٹ اسکولز جون، جولائی کی فیسیں کب لیں گے؟
اشاعت کی تاریخ: 13th, January 2025 GMT
محکمہ تعلیم سندھ کی جانب سے نجی اسکولوں کے طلبا سے ایڈوانس اضافی فیس نہ لینے کی ہدایت جاری کردی ہے، وزیر تعلیم سندھ سید سردارعلی شاہ کی ہدایت پر ڈائریکٹوریٹ آف انسپیکشن اینڈ پرائیویٹ انسٹیٹیوشن سندھ نے سرکولر جاری کردیا ہے۔
ڈائریکٹوریٹ آف انسپیکشن اینڈ پرائیویٹ انسٹیٹیوشن کے جاری سرکولر کے مطابق اسٹیرنگ کمیٹی نے فیصلہ کیا ہے کہ تعلیمی سال 26- 2025 یکم اپریل 2025 سے شروع ہوگا، والدین اور طلبا کی سہولت اور انہیں مالی مشکلات سے بچانے کے لیے میٹرک کے طلبا سے ٹیوشن فیس صرف اپریل کے مہینے تک وصول کی جائے گی، پری پرائمری سے 9ویں جماعت اور وہ طلبا جو 9ویں کلاس سے دسویں کلاس میں پروموٹ ہوئے ہیں، ان سے جون اور جولائی کی فیس اپریل اور مئی کے مہینوں میں وصول کی جاسکتی ہے۔
یہ بھی پڑھیں: پاکستان بھر میں انٹرمیڈیٹ امتحانات کی فیسوں میں ہوشربا اضافہ
سرکولر میں یہ بھی واضع کیا گیا ہے کہ ہر ماہ کے الگ الگ فیس واؤچرز طلبا کو جاری کیے جائیں، جون کے فیس واچرز 30 جون تک جبکہ جولائی کی فیس واؤچرز 31 جولائی تک قابل ادا ہوں گے۔
کراچی پرائیویٹ اسکولز فیڈریشن کے صدر انجینئر منورحمید کا کہنا ہے کہ تین سال قبل منسٹری آف ایجوکیشن کی جانب سے ایک نوٹیفیکشن جاری کیا گیا تھا جس کے تحت پرائیویٹ اسکولز جون کی فیس جون جبکہ جولائی کی جولائی میں لیں گے، اس سے قبل پرائیویٹ اسکولز جون کی فیس جنوری جبکہ فروری میں جولائی کی فیس لے لیا کرتے تھے۔
منور حمید کے مطابق جنوری اور فروری میں جون، جولائی کی فیس کی وجہ یہ تھی کہ جون، جولائی میں اسکولوں کی چھٹیوں کے باعث اسکول کے اخراجات پورے کرنے کے لیے مالی بحران کا سامنا رہتا ہے جس کی وجہ سے اسکولوں کی جانب سے یہ راستہ اختیار کیا گیا لیکن وزیر تعلیم کی اس نوٹیفیکشن کے بعد اسکولوں نے اس پر عمل درآمد تو کیا لیکن مشکلات درپیش آئیں۔
یہ بھی پڑھیں: اسلام آباد کا ایک سرکاری اسکول جو پرائیویٹ اسکولوں سے کسی طرح کم نہیں
ان کا کہنا تھا کہ اس سال ڈائریکٹوریٹ ایجوکیشن کی جانب سے ایک نوٹیفیکشن جاری کیا گیا ہے جس کے تحت اپریل میں جون کے فیس واؤچر جاری کیا جاسکتا ہے جس کی آخری تاریخ 30 جون تک ہوگی، ایسے ہی مئی میں جولائی کا فیس واؤچر جاری کیا جاسکتا ہے جس کی آخری تاریخ 31 جولائی ہوگی۔
ان کا کہنا تھا کہ یہ اچھا اقدام ہے اس سے اسکول انتظامیہ کے لیے بھی اور والدین کے لیے بھی آسانی ہوجائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکولز پرائیویٹ اسکولز ٹیوشن فیس سندھ محکمہ تعلیم.ذریعہ: WE News
کلیدی لفظ: اسکولز محکمہ تعلیم کی جانب سے جاری کیا کیا گیا کے لیے
پڑھیں:
حکومت اور پی ٹی آئی کے مذاکرات جاری ہیں، مریم اورنگزیب
پنجاب کی سینیر وزیرمریم اورنگزیب کا کہنا ہے کہ حکومت اور پاکستان تحریک انصاف ( پی ٹی آئی) کے درمیان مذاکرات جاری ہیں۔
لاہور میں پریس کانفرنس سے خطاب میں سینیر وزیرپنجاب مریم اورنگزیب نے کہا کہ 190 ملین پاؤنڈ کا فیصلہ ن لیگ نے نہیں عدالت نے دیا ہے۔ یہ فیصلہ دوسروں کے لیے کھودے گئے گڑھے میں خود گرنے کی مثال ہے۔ حکومت اور پی ٹی آئی کے درمیان مذاکرات جاری ہیں۔
پنجاب کی سینیر وزیر نے کہا کہ دوسروں پر الزامات ، بہتان اور چور چور کہنے والا اپنے مقام تک پہنچ گیا۔ ایک جماعت کا سکھایا ہے جھوٹ بولنا کس طرح جھوٹے بیانیے بنائے جاتے ہیں۔ راگ الاپ رہے ہیں سیاسی کیس ہے بدلا لینے کےلیے بنایا گیا ہے۔ خان بڑا ایماندار ہے۔ عوام جان چکی ہے 190 ملین پاؤنڈ کی رقم پر کوئی ابہام نہیں۔ یہ فیصلہ ن لیگ نے نہیں کیا نہ اس نے بنایا ہے۔
مریم اورنگزیب نے مزید کہا کہ جب دوسروں کو چور ڈاکو کہہ رہے تھے تو خود تاریخ کی سب سےبڑی ڈکیتی کررہے تھے۔ 190 ملین پاؤنڈ پاکستان کے عوام کا پیسہ تھا جس کا جرمانہ تھا اس کو ہی واپس لوٹا دیا۔دوسروں کو چور چور کہنے والوں کے خلاف کرپشن کا فیصلہ آگیا۔ عمران خان نے شہزاد اکبر کو کہا کہ بند لفافہ لہرانا میں اس کی منظوری دوں گا۔ عمران خان ملکی تاریخ میں پہلے وزیراعظم ہیں جنہوں نے ڈکیتی ڈالی۔ یونیورسٹی بنانا تھی تو گورنر ہاؤس کو بناتے۔ اب حکومت کے پاس القادر یونیورسٹی آ جائے گی تو اسے مثالی تعلیمی ادارہ بنائیں گے۔
انہوں نے کہا کہ 190 ملین پاؤنڈ کیس عمران خان کے لیے مکافات عمل ہے۔ یہ اوپن اینڈ شٹ کیس ہے۔خانہ کعبہ کی گھڑی و ہار کی چوری پر کسی کو کوئی ابہام نہیں ہے۔ چور چور ہی ہوتا ہے چوری کی عادت نہیں جا سکتی۔ عوام کو مدینہ کی ریاست و اسلام کا نام لےکر کالے کارنامہ کررہے تھے وہ آج ثابت ہو رہے ہیں۔ ان کے اپنے لوگ جانتے ہیں کرپشن کی چوری ملکی تاریخ کی سب سے بڑی ڈکیتی ہے اور ملک کا سب سے بڑا چور ہے۔
بلوچستان میں سکیورٹی فورسز کا آپریشن، 27 دہشتگرد ہلاک:آئی ایس پی آر