51 سالہ سونو سود نے اپنی فٹنس کا راز بتا دیا
اشاعت کی تاریخ: 13th, January 2025 GMT
معروف بالی ووڈ اداکار اور سوشل ورکر سونو سود نے مداحوں کے ساتھ اپنی فٹنس کا راز شیئر کردیا۔
51 سال کی عمر میں بھی اپنی مضبوط اور متوازن جسمانی ساخت کے لیے مشہور اداکار سونو سود کا کہنا ہے کہ ان کی صحت مند طرز زندگی کا راز سادگی اور مستقل مزاجی ہے۔
ایک حالیہ انٹرویو میں سونو سود نے انکشاف کیا کہ وہ ہمیشہ سے سبزی خور (ویجٹیرین) ہیں اور کبھی سبزی اور دالوں کے سوا غذا یا شراب کا استعمال نہیں کیا۔ ان کا کہنا ہے کہ ان کی مضبوط جسمانی ساخت کا سہرا ان کی خوراک اور پنجابی جینیات کو جاتا ہے، جو انہوں نے اپنے والدین سے وراثت میں حاصل کی۔
View this post on InstagramA post shared by Sonu Sood (@sonu_sood)
سونو کا ماننا ہے کہ فٹ رہنے کے لیے سپلیمنٹس ضروری نہیں۔ اگرچہ انہوں نے پروٹین پاؤڈر کا استعمال کیا ہے، لیکن وہ سپلیمنٹس اور اسٹیرائڈز سے گریز کرتے ہیں۔
ان کا کہنا ہے کہ وہ پرتعیش ہوٹلوں میں بھی سادہ کھانے کو ترجیح دیتے ہیں، جیسے سلاد اور انڈے کی سفیدی۔ سونو دال اور چاول کو اپنی پسندیدہ غذا قرار دیتے ہوئے کہا کہ وہ اس ایک ڈش پر ہمیشہ گزارہ کر سکتے ہیں۔
View this post on InstagramA post shared by Sonu Sood (@sonu_sood)
اداکار نے بتایا کہ انکی فٹنس کا راز صرف مستقل ورزش اور سادہ خوراک کا استعمال ہے۔ وہ اپنے ناشتے میں انڈے کی سفیدی، ایووکاڈو، سبزیاں اور پپیتا شامل کرتے ہیں، جو انہیں دن بھر توانائی فراہم کرتا ہے۔
یاد رہے کہ حال ہی میں سونو سود کی نئی فلم فتح ریلیز ہوئی ہے جس میں اداکارہ جیکولین فرنینڈس ان کے ساتھ پہلی مرتبہ اسکرین شیئر کر رہی ہیں۔
ذریعہ: Express News
کلیدی لفظ: کا راز
پڑھیں:
امریکی گلوکارہ کیٹی پیری نے آل ویمن اسپیس فلائٹ کے ساتھ خلا کا سفر کرلیا
امریکی گلوکارہ کیٹی پیری نے ’آل ویمن اسپیس فلائٹ‘ کے ساتھ خلا کی سرحد عبور کرلی۔
معروف امریکی گلوکارہ کیٹی پیری نے پیر کے روز خلا کی ایک مختصر پرواز کی، جس میں صرف خواتین پر مشتمل عملہ شامل تھا۔ یہ پرواز امریکی بزنس مین جیف بیزوس کی خلائی کمپنی ’بلو اوریجن‘ کے ذریعے امریکی ریاست ٹیکساس سے صبح 8:30 بجے روانہ ہوئی اور تقریباً 10 منٹ بعد بحفاظت زمین پر واپس آئی۔
View this post on InstagramA post shared by Blue Origin (@blueorigin)
اس مشن میں کیٹی پیری کے ساتھ جیف بیزوس کی منگیتر لورین سانچیز اور مشہور ٹی وی میزبان گیل کنگ سمیت چھ خواتین شامل تھیں۔
View this post on InstagramA post shared by Blue Origin (@blueorigin)
راکٹ نے زمین سے 100 کلومیٹر (تقریباً 62 میل) کی بلندی تک پرواز کی، جو خلا کی بین الاقوامی طور پر تسلیم شدہ سرحد ’کارمن لائن‘ سے آگے ہے۔
گیل کنگ کے مطابق پرواز کے دوران پیری نے ’واٹ آ ونڈرفل ورلڈ‘ گانا گایا۔ واپسی پر پیری نے راکٹ سے باہر نکل کر زمین پر بوسہ دیا اور کہا، ’یہ ایک 10 میں سے 10 تجربہ تھا‘۔
View this post on InstagramA post shared by Blue Origin (@blueorigin)
یہ مشن 1963 کے بعد پہلا ’آل ویمن اسپیس فلائٹ‘ مشن تھا، جب ویلینٹینا تیراشکووا نے اکیلے خلا کا سفر کیا تھا۔
خلیل الرحمان ہنی ٹریپ کیس کی سماعت کل تک ملتوی