پولیس مقابلے میں چار شہریوں کے قاتل2 ڈاکو مارے گئے۔
اشاعت کی تاریخ: 13th, January 2025 GMT
رحیم یار خان پولیس نے خان پور کے ججہ عباسیہ کی بستی لاشاری پر حملے میں ملوث ڈاکوئوں کے فرارکی کوشش ناکام بنادی۔ڈی پی او رحیم یار خان رضوان گوندل کے مطابق بستی لاشاری کے مکان میں فائرنگ کرکے معصوم شہریوں کا قتل کرنے والے ڈاکوئوں کا تعاقب کرکے ان کا محاصرہ کیا گیا، اس دوران مقابلے میں دو ڈاکو مارے گئے جن کی لاشیں قبضے میں لے لی گئیں ۔ پولیس حکام کے مطابق اندھڑ گینگ نے عثمان چانڈیہ کے قریبی عزیزوں پر حملہ کیا تھا ڈاکوئوں کی فائرنگ سے مرنے والوں میں 3 بھائی بھی شامل ہیں۔ڈی پی او نے کہا کہ پولیس کے لئے کام کرنے والے عثمان چانڈیوکا خاندان پولیس حفاظت میں ہے۔عثمان چانڈیہ کی مخبری پر چند ماہ قبل اندھڑگینگ کے سرغنہ سمیت کئی ساتھیوں کو پولیس مقابلے میں ہلاک کیا گیا تھا۔
.ذریعہ: Nawaiwaqt
پڑھیں:
سیف علی خان پر حملہ کرنے والے کی سی سی ٹی وی فوٹیج سامنے آگئی
ممبئی: بالی وڈ اداکار سیف علی خان پر باندرہ میں ان کے گھر میں ہونے والے چاقو کے حملے کے بعد پولیس نے حملہ آور کی سی سی ٹی وی فوٹیج حاصل کر لی ہے۔
یہ فوٹیج جمعرات کی صبح 2:33 بجے کی ہے، جس میں حملہ آور کو اداکار کے اپارٹمنٹ کی سیڑھیوں میں دیکھا جا سکتا ہے۔
سی سی ٹی وی فوٹیج میں حملہ آور نے ٹی شرٹ، جینز اور کندھے پر ایک نارنجی رنگ کا کپڑا رکھا ہوا ہے۔ فوٹیج میں اسے سیڑھیاں اترتے اور کیمرے کی طرف دیکھتے ہوئے دیکھا جا سکتا ہے۔
پولیس کے مطابق، حملہ آور نے پہلے عمارت کے پیچھے کی دیوار عبور کی، پھر پچھلی سیڑھیوں سے اوپر جا کر فائر ایگزٹ کے ذریعے اپارٹمنٹ میں داخل ہوا۔
سیف علی خان کے گھر میں کام کرنے والی ایک ملازمہ، ایلیا ما فلپیس المعروف لیما، نے سب سے پہلے حملہ آور کو دیکھا اور چیخ کر سب کو خبردار کیا۔
اداکار نے بہادری کا مظاہرہ کرتے ہوئے حملہ آور کا سامنا کیا لیکن حملہ آور نے انہیں چھ مرتبہ چاقو مارا، جن میں ایک چاقو ان کی ریڑھ کی ہڈی میں پھنس گیا۔
سیف علی خان کو ان کے بیٹے ابراہیم نے فوری طور پر لیلاوتی اسپتال پہنچایا۔ اسپتال کے ڈاکٹر نیتن ڈانگے کے مطابق، اداکار کی حالت اب مستحکم ہے۔
ان کا کہنا تھا، "ہم نے ایمرجنسی سرجری کے ذریعے چاقو نکال دیا ہے اور ریڑھ کی ہڈی کے لیک ہونے والے سیال کو مرمت کیا ہے۔ ان کے بائیں ہاتھ اور گردن پر گہرے زخموں کا علاج کیا گیا ہے۔"
پولیس نے اس واقعے کی ایف آئی آر درج کر لی ہے، جس میں ڈکیتی، غیر قانونی داخلہ، اور شدید چوٹ پہنچانے کی دفعات شامل کی گئی ہیں۔ پولیس کا کہنا ہے کہ تحقیقات جاری ہیں اور جلد حملہ آور کو گرفتار کر لیا جائے گا۔
برطانیہ میں پاکستانی کمیونٹی کیخلاف نفرت انگیز بیانات پر دفتر خارجہ کا ردعمل آگیا