بانی پی ٹی آئی اور بشریٰ بی بی کے خلاف 190 ملین پاؤنڈز کیس کا فیصلہ آج ہوگا
اشاعت کی تاریخ: 13th, January 2025 GMT
راولپنڈی : پاکستان تحریک انصاف کے بانی عمران خان اور ان کی اہلیہ بشریٰ بی بی کے خلاف 190 ملین پاؤنڈز کے ریفرنس کا فیصلہ آج سنایا جائے گا۔ احتساب عدالت کے جج ناصر جاوید رانا آج صبح 11 بجے اڈیالہ جیل میں اس کیس کا فیصلہ سنائیں گے۔ عدالتی عملے نے فریقین کو فیصلے کی اطلاع دے دی ہے۔
ْ
عمران خان کے وکیل خالد یوسف چودھری نے بھی اس بات کی تصدیق کی ہے کہ فیصلہ آج سنایا جائے گا۔ اس کے ساتھ ہی نیب کی پراسیکیوشن ٹیم کو بھی فیصلے کے بارے میں آگاہ کر دیا گیا ہے۔
اس کیس کی حساسیت کے پیش نظر، اڈیالہ جیل کے اندر اور باہر سکیورٹی کے سخت انتظامات کیے گئے ہیں، اور اڈیالہ روڈ پر پولیس کی موجودگی بڑھا دی گئی ہے۔
یاد رہے کہ اس کیس کا فیصلہ 18 دسمبر 2024 کو محفوظ کیا گیا تھا، اور کئی بار تاریخوں میں تبدیلی کے بعد آج 13 جنوری کو فیصلہ سنایا جائے گا۔ اس مقدمے میں نیب نے 35 گواہان کے بیانات ریکارڈ کرائے ہیں، جن میں اہم شخصیات جیسے سابق پرنسپل سیکرٹری اعظم خان، سابق وزیراعلیٰ پرویز خٹک اور سابق وزیر زبیدہ جلال شامل ہیں۔
.ذریعہ: Nai Baat
کلیدی لفظ: کا فیصلہ
پڑھیں:
190 ملین پاؤنڈ ریفرنس کا فیصلہ کل ساڑھے 11 بجے دن سنایا جائے گا
پاکستان تحریک انصاف (پی ٹی آئی) کے بانی عمران خان اور ان کی اہلیہ بشریٰ بی بی کے خلاف 190 ملین پاؤنڈ ریفرنس کا فیصلہ کل ساڑھے گیارہ بجے دن سنایا جائے گا۔
ذرائع کے مطابق عدالتی عملے کی جانب سے بانی پی ٹی آئی عمران خان کے وکلاء کو آگاہ کر دیا گیا ہے۔
190 ملین پاؤنڈ کیس میں ثابت نہیں ہوا پیسا جرم کا ہے، علی ظفرسینیٹر علی ظفر نے کہا کہ القاد ٹرسٹ کیس سے پی ٹی آئی اور بانی پی ٹی آئی کو کوئی نقصان نہیں پہنچ رہا،
ذرائع کا کہنا ہے کہ احتساب عدالت کے جج ناصر جاوید رانا کل جمعہ کے روز ساڑھے گیارہ بجے 190 ملین پاؤنڈ ریفرنس کا محفوظ فیصلہ سنائیں گے۔
خیال رہےکہ 190 ملین پاؤنڈ ریفرنس کا فیصلہ 3 مرتبہ مؤخر کیا جاچکا ہے۔
190 ملین پاؤنڈ ریفرنس پر احتساب عدالت نے فیصلہ 18 دسمبر 2024 کو محفوظ کیا تھا۔ احتساب عدالت نے فیصلہ سنانے کے لیے پہلے 23 دسمبر اور اس کے بعد 6 جنوری کی تاریخ مقرر کی تھی پھر تیسری 13 جنوری کی تاریخ دی تاہم اس روز بھی فیصلہ نہیں سنایا جاسکا اور مؤخر کردیا گیا۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ