میرپورخاص،دیہی علاقوں میں طبی سہولیات کا شدید فقدان
اشاعت کی تاریخ: 13th, January 2025 GMT
میرپورخاص(نمائندہ جسارت) دیہی علاقوں میں طبی سہولیات کا شدید فقدان ہے، روٹری کلب صحت کہانی کے تعاون سے دیہی علاقوں میں طبی سہولیات فراہم کرنے کیلئے کوشاں ہے، ملک بھر کے 66 شہروں میں کلینک قائم کر کے تین ملین سے زائد لوگوں کو طبی سہولیات فراہم کر رہے ہیں۔ ان خیالات کا اظہار روٹری کلب کے ڈائریکٹر محمد فیض قدوائی نے گوٹھ حاجی ظفر ٹنڈوآدم روڈ میں صحت کہانی کے تعاون سے پہلے ٹیلی ہیلتھ کلینک کی افتتاحی تقریب سے خطاب کرتے ہوئے کیا۔ اس موقع پر رضوان آڈیا، روٹری گورنر اقبال قریشی، تہذیب کاظمی، رئیس احمد خان، شکیل قائمخانی، فرقان شیخ، صحت کہانی کی سی ای او ڈاکٹر عفت ظفر آغا، لیڈ پروگرام شہباز رفیق، عمران مغل، ریجنل منیجرمحمد اشرف اور دیگر بھی موجود تھے۔ انہوں نے مزید کہا کہ پاکستان کے شہری علاقوں میں بھی طبی سہولتوں کا فقدان ہے جبکہ دیہی علاقوں میں طبی سہولیات نہ ہونے کے برابر ہے دیہی علاقوں کے عوام غربت کی لکیر سے نیچے زندگی گزار رہے ہیں اس لئے وہ پرائیویٹ ڈاکٹر کی فیس اور ادویات خریدنے کی قوت نہیں رکھتے جس کی وجہ سے وہ مختلف بیماریوں کا شکار رہتے ہیں صحت کہانی کی سی ای او ڈاکٹر عفت ظفر آغا نے اپنے خطاب میں کہا کہ گوٹھ حاجی ظفر میں روٹری کلب کے تعاون سے پہلے ٹیلی ہیلتھ کلینک نے کام شروع کر دیا ہے اس کلینک جنرل او پی ڈی، ڈسپنسری اسٹور، مختلف بیماریوں کے اسپیشلسٹ ڈاکٹر، گائنی ہیلتھ ایجوکیشن، ویلیو ایڈد سروس اور دیگر سہولیات فراہم کی جائیں گی۔ انہوں نے کہا کہ ہم نے 8 سال قبل صحت کہانی کے نام سے کام کا آغاز کیا اور اب تک ملک کے 66 شہروں کے دیہی علاقوں میں طبی سہولیات فراہم کر رہے ہیں جہاں دیہی عوام کے آن لائن ماہر ڈاکٹروں کو اپنا چیک اپ کراتے ہیں اور صحت کہانی کے میڈیکل اسٹوروں سے مفت دوائیں لیتے ہیں۔ انہوں نے کہا کہ جو خواتین ڈاکٹرز گھروں سے نہیں نکل سکتیں وہ گھر بیٹھے آن لائن لوگوں کا علاج کر رہی ہیں۔ اس سے قبل مہمانوں کی آمد پر انہیں خوش آمدید کہا اور مہمانوں کو شیلڈ اور اجرک کے تحائف پیش کیے گئے۔
.
ذریعہ: Al Qamar Online
کلیدی لفظ: پاکستان کھیل سہولیات فراہم صحت کہانی کے کہا کہ
پڑھیں:
میرپورخاص ریجن میں شاندار اسٹیم مقابلوں کا انعقاد
میرپورخاص(نمائندہ جسارت)صوبائی وزیر تعلیم سندھ سید سردار علی شاہ، سیکرٹری ایجوکیشن زاہد علی عباسی اور ایڈیشنل ڈائریکٹر پرائیویٹ انسٹیٹیوشن سندھ رفعیہ جاوید ملاح کی خصوصی ہدایت میں ڈائریکٹوریٹ پرائیویٹ انسٹیٹیوشنز میرپورخاص ریجن میں شاندار اسٹیم مقابلوں کا انعقاد کیا گیا۔بحریہ فاؤنڈیشن اسکول بینڈ کے طالب علموں نے بینڈ کی دھن پر معزز مہمانوں والدین اور طالب علموں کا استقبال کیا۔اس موقع پر مہمان خصوصی ایڈیشنل ڈائریکٹر پرائیویٹ انسٹیٹیوشنز رفیعہ جاوید ملاح نے اپنے دست مبارک سے ربن کاٹ کر مقابلوں کا افتتاح کیا اور فضا میں کبوتر چھوڑے مقابلوں میں 50 سے زائد اسکولوں کے 350 پروجیکٹ شامل تھے معزز مہمانوں رفیعہ جاوید ملاح ، قربان علی بھٹو،نصر اللہ حمزہ ،اخلاق احمد،ممتاز علی قمبرانی، گلاب رائیاور سید طارق شاہ نے تمام اسٹالوں کا دورہ کیا اور بچوں کی کارکردگی کو سراہا قومی ترانے کے بعد ڈائریکٹر پرائیویٹ اسکولز پروفیسر عبدالہادی داؤد پوتہ نے خطبہ استقبالیہ پیش کیا اور مہمانوں کو خوش آمدید کہا مہمان خصوصی ایڈیشنل ڈائریکٹر پرائیوٹ اسکولز رفیعہ جاوید جاوید ملاح نے اسٹیم مقابلوں کے اغراض و مقاصد پر روشنی ڈالی اور کہا کہ ریجن میرپورخاص کے طالب علموں کی کارکردگی شاندار ہے اور مجھے امید ہے کہ کراچی میں منعقد ہونے والے فائنل مقابلے میں میرپورخاص ریجن سخت حریف ثابت ہوگا۔انہوں نے ریجنل ڈائریکٹر پروفیسر عبدالہادی داؤد پوتہ اور ان کی ٹیم کو شاندار الفاظ میں خراج تحسین پیش کیا-تعلیمی بورڈ میرپور خاص کے چیئرمین ثمر ٹالپر،ڈائریکٹر کالجز میرچند اوڈ اور اپسما کے چیئرمین سید طارق شاہ نے شاندار اسٹیم مقابلوں کے انعقاد پر منتظمین کو مبارک پیش کی اور طالب علموں کی بھرپور حوصلہ افزائی کی۔سائنس پروجیکٹ میں پہلی پوزیشن سندھ پبلک اسکول عمرکوٹ دوسری پوزیشن برائٹ فیچر اسار سیکنڈری اسکول اسلام کوٹ تیسری پوزیشن الہدی پبلک ہائی اسکول ٹنڈو جان محمد،رائٹ سولیوشن اسکول عمرکوٹ ،ائر فاؤنڈیشن اسکول میرپورخاص،فاس دی ہوپ ہائیر سیکنڈری اسکول میرواہ گورچانی اور مومنٹس اسکول میرپورخاص نے حاصل کی۔ ٹیکنا لوجی پروجیکٹ میں پہلی پوزیشن پروگریس پبلک اسکول مٹھی دوسری پوزیشن میرٹ پیلس ہائی اسکول میرپورخاص اور تیسری پوزیشن دیپ اکیڈمی مٹھی نے حاصل کی۔انجینئرنگ پروجیکٹ میں پہلی پوزیشن پروگریس پبلک سکول مٹھی دوسری پوزیشن برائٹ فیوچر پبلک ہائر سیکنڈری اسکول اسلام کو اور تیسری پوزیشن لنکلن اسکول میرپورخاص نے حاصل کی۔آرٹ مقابلوں میں پہلی پوزیشن نو برائٹ فیوچر پبلک ہائر سیکنڈری اسکول مٹھی نے دوسری پوزیشن میرٹ پیلس ہائی اسکول نے اور تیسری پوزیشن سندھ پبلک ہائر سیکنڈری اسکول عمرکوٹ میرپورخاص نے حاصل کی۔
سپریم کورٹ کا ہر جج آزاد ہے، ججز پر تنقید ہونی چاہیے لیکن تعمیری تنقید ہو، جسٹس یحییٰ آفریدی