پیارے کے 15ویں سالانہ اجلاس عام کا انعقاد
اشاعت کی تاریخ: 13th, January 2025 GMT
پیارے کی جنرل باڈی میٹنگ میں شیخ نجم الغنی، شاہد اسلام رشی، پرویز فر ید، سید طاہر حسن، ذوالفقار علی، محمد اعظم چودھری، محبوب انور، افضال الدین، محمد قاسم، قاضی عبدالرحمان، شاہ عالم، شیخ نثار، طارق، میان رفیق، حامد سعید، سعید اللہ، مشتاق باجوہ، چودھری رحمت علی، ملک محمد اسلم، اخوند سرمد، رحیم خان، محمد فصیح اور دیگرکا گروپ فوٹو
پی آئی اے ریٹائرڈ ایمپلائز ایسوسی ایشن (پیارے) رجسٹرڈ کا پندرہواں سالانہ اجلاس عام ہفتہ 11 جنوری 2025ء کو کراچی کے مقامی ہال میں چیئرمین ذوالفقار علی کی صدارت میں منعقد ہوا۔ کارروائی کا آغاز ٹی وی کے معروف قاری اور نعت خواں سید فاروق حسن نے قرآن حکیم کی تلاوت اور نعت شریف بحضور سرور کونینؐ پڑھ کر کیا۔ نظامت کے فرائض سینئر نائب صدر پرویز فرید عالیجاہ نے نبھائے۔ پیارے کے اراکین، پی آئی اے ریٹائریز اور مہمانانِ گرامی اور صدر پیارے سید طاہر حسن، سیکرٹری جنرل محمد اعظم چودھری، نائب صدر ملک محمد اسلم، آرگنائزنگ سیکرٹری کیپٹن (ر) شیخ نجم الغنی، آئوٹ اسٹیشن سیکرٹری شاہ عالم، لیگل سیکرٹری اخوند سرمد خالق، پبلک ریلیشنز سیکرٹری محبوب عالم، جوائنٹ سیکرٹریز مشتاق باجوہ، چودھری رحمت علی، رحیم خان اور کوآرڈنیشن سیکرٹری پیارے نثار احمد شیخ نے شرکت کی۔ محمد اعظم سیکرٹری جنرل نے گزشتہ اجلاس عام اور گزشتہ سال انتخابات کے انعقاد کی رپورٹ پیش کی۔ اس موقع پر الیکشن کمشنر عالم حبیب اور اراکین محمد یونس اور سعید اللہ خان بھی موجود تھے۔ اجلاس عام نے تمام کارروائی کی منظوری دی۔ سالانہ رپورٹ، کارکردگی اور آئندہ کے پروگرام بھی سیکرٹری جنرل نے پیش کیے۔ پیارے کے سالانہ آڈٹ شدہ حسابات برائے سال 2023-2024 بھی پیش کیے گئے۔ اجلاس نے ان کی منظوری دی۔ 24 صفحات پر مشتمل بشمول حسابات / میزانیہ سالانہ رپوٹ حاضرین میں تقسیم کی گئی۔ اجلاس کے شرکاء نے اسے بہت سراہا۔
پرویز فرید SVP نے اجلاس عام کے انعقاد کے سلسلہ میں مالی معاونت کرنے والے احباب کا شکریہ ادا کیا۔ آرگنائزنگ سیکرٹری شیخ نجم الغنی نے ایک قرار داد پیش کی جس میں مقتدر حلقوں، سیکرٹریز نجکاری کمیشن، ایوی ایشن، فنانس، چیئرمین اور سی ای او پی آئی اے، ہولڈ کو سے مطالبہ کیا گیا کہ پنشنرز کے مسائل جلد حل کیے جائیں جن میں اہم یہ کہ پنشن میں معقولیت لائی جائے جو اس وقت پورے ملک میں سب سے کم ہے اور کمیوٹ شدہ پنشن واپس کی جائے۔ یہ فوری حل طلب مسئلہ ہے۔ اجلاس عام میںPIA کی یورپ پروازوں پر سے پابندی اُٹھنے کے بعد پہلی پرواز کی پیرس روانگی پر خوشی کا اظہار اور اللہ کا شکر ادا کیا گیا اور ساتھ ہی PIA انتظامیہ اور ملازم ساتھیوں کو مبارکباد دی گئی۔ سید طاہر حسن نے اپنے صدارتی خطاب میں حاضرین کو بتایا کہ جہاں پیارے روزمرہ کے مسائل کے حل میں اہم کردار ادا کررہے ہیں۔
وہاں چند کامیابیاں بہت اہم اور پائیدار ملی ہیں جن میں PIA ریٹائریز کی پنشن اور دیگر مراعات کا تحفظ بذریعہ پارلیمنٹ (PIACL ACT 2016) اور اب نجکاری کی صورت میں SECP (سیکورٹی ایکسچینج کمیشن آف پاکستان) کو پیارے کے مطالبے پر PIA کی یقین دہانی جس کو SECP نے اپنے 3 مئی 2024ء کے آرڈر میں تحریر کردیا ہے۔ PIA انتظامیہ کا شکریہ ادا کیا گیا کہ وہ ریٹائریز کے مسائل کے حل میں تعاون کرتی ہے۔ چیئرمین پیارے ذوالفقار علی نے مختصر خطاب میں حاضرین کی آمد کا شکریہ ادا کیا۔ باہمی اتحاد و اعتماد پر خراج تحسین پیش کیا گیا اور کہا کہ ’’پیوستہ رہ شجر سے، اُمید بہار رکھ‘‘ بعد نماز ظہر شرکائے اجلاس کے اعزاز میں ظہرانے کا اہتمام کیا گیا۔ مرحوم ساتھیوں کے لیے دعائے مغفرت اور بیمار ساتھیوں بشمول ڈاکٹر منظور عباسی اور ملک محمد اسلم صحت یابی کے لیے دعا کی گئی۔
.ذریعہ: Jasarat News
کلیدی لفظ: اجلاس عام ادا کیا کیا گیا پیش کی
پڑھیں:
چراٹ میں تیسری پاکستان اور مراکش کی مشترکہ فوجی مشق 2025کا انعقاد، سپیشل فورسز کی شرکت
سٹی 42: پاکستان اور مراکش کی افواج کے درمیان انسداد دہشت گردی کے شعبے میں تیسری پاکستان اور مراکش کی مشترکہ دو طرفہ فوجی مشق 2025سپیشل آپریشنز اسکول، چیرات میں منعقد ہوئی۔ مشق میں پاک فوج کا سپیشل سروسز گروپ اور مراکش آرمی کی اسپیشل فورسز حصہ لے رہی ہیں۔
آئی آیس پی آر کے مطابق پاکستان اورمراکش کی افواج کے درمیان انسداد دہشت گردی کی تیسری پاک مراکش مشترکہ مشقیں 2025 کی افتتاحی تقریب اسپیشل آپریشنز اسکول چراٹ میں منعقد ہوئی۔
پیکٹا نے بڑی تعداد میں جعلی کتب پکڑ لیں
آئی ایس پی آر کے مطابق مشق میں پاک فوج کا اسپیشل سروسز گروپ اور مراکش آرمی اسپیشل فورسز حصہ لے رہی ہیں۔تقریب میں کمانڈنٹ اسپیشل آپریشن اسکول چراٹ نے بطور مہمان خصوصی شرکت کی۔
آئی ایس پی آر کے مطابق مشق کا مقصد مشترکہ تربیت کے ذریعے پیشہ ورانہ مہارتوں کو نکھارنا اور دوست ممالک کے درمیان تاریخی فوجی تعلقات کو استعمال کرنا ہے۔ حصہ لینے والے دستے باہمی مہارت اورتجربے سے استفادہ کریں گے۔
ججز کی تعیناتی کامعاملہ; چیف جسٹس لاہور ہائیکورٹ سے چیف سیکرٹری پنجاب کی ملاقات
وفاقی وزیرداخلہ محسن نقوی کا تاج حیدر کے انتقال پر اظہار افسوس کا اظہار