سنی تحریک شہادتوں سے بھری ہوئی ہے ،ثروت اعجازقادری
اشاعت کی تاریخ: 13th, January 2025 GMT
خیرپور(جسارت نیوز) پاکستان سنی تحریک کے صدر ثروت اعجاز قادری نے کہا ہے کہ لوگ ذوالفقار علی بھٹو کو زندہ اس لئے کہتے ہیں کہ انہوں نے تاجدار ختم نبوت کے بل پر دستخط کئے تھے ناموس رسالت کے لئے جب تحریک عروج پر تھی اور ہزاروں افراد جام شہادت نوش فرماگئے تھے تو ایسے میں علامہ شاہ احمد نورانی سے مل کر ذوالفقار علی بھٹو نے بل پر دستخط کئے اور قادیانیوں کو غیر مسلم قرار دیا گیا۔ وہ خیرپور کے مقامی شادی ہال میں مفتی عبدالرحیم ناریجو کے صاحبزادے کے لئے منعقدہ ایصال ثواب تاجدار ختم نبوت ومعراج مصطفی کانفرنس سے ہزاروں افراد کے اجتماع سے خطاب کرتے ہوئے اور میڈیا سے گفتگو کرتے ہوئے کہی۔ ثروت اعجاز قادری نے مزید کہا کہ پاکستان سنی تحریک شہادتوں سے بھری ہوئی ہے نشتر پارک میں ہم نے 53 جنازے اٹھائے اور ابھی تک ہم اپنے شہدا کے جنازے اٹھا رہے ہیں انہوں نے کہا کہ افغانستان میں بیٹھ کر دہشت گردی کی جارہی ہے ہمارے لوگوں اور فورسز پر حملے کئے جارہے ہیں ہماری دوستی کو ہمارے ھاتھ ملانے کو کمزوری نہ سمجھا جائے افعانستان میں مطلوب دہشت گردوں جو پاکستان پرحملہ کررہے ہیں انکو پاکستان کے حوالے کیا جائے او آئی سی کا اجلاس بلا کر پاکستان کی نسل کشی کو روکوایا جائے پارہ چنار سمیت ملک میں جہاں جہاں دہشتگردی ہورہی ہے ہم اس کی مذہمت کر رہے ہیں اور علما مشائخ کا ایک وفد امن کے لئے نکلا ہوا ہے ہم چاھتے ہیں کہ ملک میں امن و امان کا بول بالا ہو انہوں نے کہا کہ 40لاکھ افغانیوں کو ہم نے پناہ دی جس کا نتیجہ یہ نکلا کہ وہ ہم پر حملے کر رہے ہیں ہمارا کھا کر نمک حرامی کی جارہی ہے ۔ثروت اعجاز قادری نے مزید کہا کہ فائز عیسیٰ نے ملک اور قوم کے ساتھ ظلم زیادتی کی ایک بیکری والے کے پاس اس کی کوئی عزت نہیں کیوں کہ انہوں نے حضورﷺ کے ناموس رسالت والے شق کے ساتھ مذاق کیا آج وہ پوری دنیا میں مذاق بن گئے ہیں انہوں نے کہا کہ پاکستان سنی تحریک کبھی بھی شان رسول شان اہلیبیت و شان صحابہ میں کمپرومائز نہیں کر سکتی یہ سر کٹ تو سکتا ہے مگر جھک نہیں سکتا ہم کوئی سمجھوتہ نہیں کرسکتے ۔ انہوں نے کہا کہ مسلمانوں کی تاریخ قربانیوں سے بھری ہوئی ہے حضور ﷺکے دور میں 1200 سو صحابہ نے قربانیاں دیں جن میں 700 سو حافظ قران تھے اج فلسطین کشمیر میں مسلمانوں کا قتل عام جاری ہے اور اقوام متحدہ خاموش ہے اللہ کی لاٹھی بے آواز ہے اور لاج انجلس میں جو کچھ ہورہا ہے وہ مقافات عمل ہے انہوں نے کہا کہ قربانی کا معلوم کرنا ہے تو کربلا والوں سے پوچھو نیزے پر بھی قران پڑھ کر سنایا انہوں نے کہا کہ ہم اتحاد اہلسنت کے لئے نکلے ہیں ہم چاھتے ہیں کہ ملک میں ناموس رسالت ناموس صحابہ ناموس اہلبیت نافذ ہو۔
.ذریعہ: Jasarat News
کلیدی لفظ: انہوں نے کہا کہ سنی تحریک کے لئے
پڑھیں:
سکردو، صیہونی مظالم کیخلاف تحریک بیداری کے زیر اہتمام ریلی
مقررین نے کہا کہ جی بی کے پہاڑوں میں موجود معدنیات یہاں کے عوام کے ہیں ہم کسی کو ان پر ہاتھ ڈالنے کی اجازت نہیں دینگے۔ متعلقہ فائیلیںاسلام ٹائمز۔ فلسطین میں جاری انسانیت کشی و نسل کشی کے خلاف تحریک بیداری امت مصطفی بلتستان کے زیر اہتمام مرکزی امامیہ جامع مسجد تا یادگار شہداء اسکردو احتجاجی ریلی نکالی گئی۔ یادگار شہداء پر شرکاء سے ممبر مشاورتی کونسل انجمن امامیہ بلتستان شیخ ذوالفقار علی انصاری اور تحریک بیداری کے شیخ منظور حسین نے خطاب کرتے ہوئے اسرائیلی مظالم کی شدید مذمت کی اور کہا کہ قرآنی آیات کی رو سے یہود ونصاری تمہارے کبھی بھی دوست نہیں ہو سکتے اور یقینا 56 اسلامی ممالک اس آیت کی خلاف ورزی کرتے ہوئے دوستی قائم کرنے پر تلے ہوئے ہیں۔ ایک یا دو ملک ایسے ہیں ان آیات پر عمل پیرا ہیں اور یہود و نصارٰی کا مقابلہ کر رہے ہیں۔ افسوس کے ساتھ کہنا پڑتا ہے کہ پاکستان کے حکمرانوں کو 75 سالوں سے جی بی کو نہ آئینی حقوق دینے کی توفیق ہوئی نہ متنازعہ علاقے کے حقوق دینے کی توفیق ہوئی۔ لیکن یہاں کے معدنیات پر نظریں جمائے ہوئے ہیں تو ہم اس اجتماع کے توسط سے بتانا چاہتے ہیں کہ جی بی کے پہاڑوں میں موجود معدنیات یہاں کے عوام کے ہیں ہم کسی کو ان پر ہاتھ ڈالنے کی اجازت نہیں دینگے۔
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ