الریاض: ربانی خان کی جانب سے متوکل خان کےاعزازمیں تقریب
اشاعت کی تاریخ: 13th, January 2025 GMT
میزبان عشائیہ کے شرکاء سے خطاب کررہے ہیں
سعودی عرب کے دارالحکومت الریاض میں، ریاض ریجن کی معروف سماجی شخصیت ربانی خان کی جانب سے عوامی نیشنل پارٹی خبیر پختون خواہ کے ڈپٹی جنرل سیکرٹری متوکل خان ایڈووکیٹ کے اعزازمیں عشائیہ تقریب کا انعقاد کیا گیا جس میں خبیرپختون خواہ کمیونٹی کے سرکردہ شخصیات شرکت کی۔ مہمان خصوصی کا پھولوں کے ہار پہنا کر والہانہ استقبال کیا گیا۔ الریاض سے عابد شمعون چاند کے مطابق تقریب سے خطاب کرتے ہوئے مہمان خصوصی متوکل خان کا کہنا تھا کہ سعودی عرب میں پختونوں کی ایک بڑی تعداد موجود ہے جو حرمین شریفین سے دلی لگاؤ رکھتے ہوئے سعودی عرب کی ترقی میں بھر پور کردار ادا کر رہے ہیں ہم سعودی قیادت کے شکرگزار ہیں کہ جنہوں نے پاکستانیوں کو روزگار کے وسیع مواقع فراہم کیے ہوئے ہیں سعودی عرب نے ہر مشکل وقت میں پاکستان کا ساتھ دیا ہے جس کو کبھی بھی فراموش نہیں کیا جا سکتا ہمیں اپنے اخلاق اور مثالی کردار سے پاکستان کا وقار بلند کرنا ہوگا۔ تقریب کے میزبان ربانی خان نے متوکل خان کوعمرہ کی مبارکباد دیتے ہوئے کہا کہ سعودی عرب ہمارا دوسرا گھر ہے اس ملک کے ساتھ ہمارا روحانی اور ایمانی رشتہ ہے ہم اوورسیز پاکستانی وطن سے دور رہ کر ملکی ترقی میں اپنا کلیدی کردار ادا کرتے رہیں گے ربانی خان کا مزید کہنا تھا کہ خیبر پختون خواہ کی ترقی و خوشحالی کے لئے ضروری ہے کہ تعلیمی سرگرمیوں کو بڑھایا جائے بچوں اور نوجوانوں کو تعلیم سے آراستہ کیا جائے تاکہ وہ زندگی کی دوڑ میں آگے بڑھ سکیں جس سے پاکستان کی ترقی کرے گا تقریب سے ، انعام خان ، گوھر خان ، اور دیگر نے بھی متوکل خان کی سماجی اور سیاسی خدمات کو سراہتے ہوئے خراج تحسین پیش کیا۔
.ذریعہ: Jasarat News
کلیدی لفظ: کی ترقی
پڑھیں:
سعودی آئل کمپنی ”آرامکو “ کی بھارت میں مزیددو آئل ریفائنریوں میں سرمایہ کاری کے لیے بات چیت
نئی دہلی(اردوپوائنٹ اخبارتازہ ترین-انٹرنیشنل پریس ایجنسی۔15 اپریل ۔2025 ) سعودی آئل کمپنی ”آرامکو “بھارت میں مزیددو آئل ریفائنریوں میں سرمایہ کاری کرنے کے لیے بات چیت کر رہا ہے سعودی عرب دنیا کا سب سے بڑا تیل کا برآمد کنندہ ملک ہونے کی وجہ سے مارکیٹ میں اپنے خام تیل کوصاف کرنے کے لیے مستحکم شراکت داروں کے ساتھ معاہدے کررہا ہے”رائٹرز“کے مطابق بھارت دنیا کا تیسرا سب سے بڑا تیل کا صارف اور درآمد کنندہ، عالمی ریفائننگ کا مرکز بننا چاہتا ہے کیونکہ مغربی کمپنیاں صاف ایندھن کی طرف اپنی تبدیلی میں خام تیل کی پروسیسنگ کی صلاحیت کو کم کررہی ہیں اور دہلی اس صورتحال سے بھرپورفائدہ اٹھانا چاہتا ہے.(جاری ہے)
رپورٹ میں بتایا گیا ہے کہ بھارت کی جانب سے سستے ایرانی اور روسی تیل میں دلچسپی کی وجہ سے تیل کی درآمدات میں سعودی عرب کا حصہ کم ہوگیا ہے کیونکہ بھارتی ریفائنرز خام تیل کی صفائی کے لیے ایران اور روس کے تیل کو ترجیح دے رہی ہیں جس سے انہیں زیادہ منافع حاصل ہوتا ہے . آرامکو بھارتی پیٹرولیم کارپوریشن اور آئل اینڈ نیچرل گیس کارپوریشن کے ساتھ مزید سرمایہ کاری کے لیے بھی مذکرات کررہا ہے جن کا مقصد بھارتی ریاستوں آندھرا پردیش اور گجرات میں قائم ریفائنریوں کی پیدواری صلاحیت کو مزیدبڑھانااور مزید ریفائنریاں قائم کرنا ہے بھارتی پیٹرولیم کارپوریشن کے چیئرمین کا کہنا ہے کہ مذکرات کا مقصد آندھرا پردیش ریفائنری اور پیٹرو کیمیکل پروجیکٹ میں 11 ارب ڈالر کی اضافی سرمایہ کاری کرنا ہے ان منصوبوں پر سعودی کمپنی آرامکو اور بھارت مشترکہ سرمایہ کاری کررہے ہیں. رائٹرزکی رپورٹ میں بتایا گیا ہے کہ آرامکو ہر منصوبے میں اپنے حصص کے تین گنا کے برابر تیل فراہم کرنے کی تجویز پیش کرتی ہے اور اپنی پیداوار کازیادہ حصہ یا تو بھارت میں یا اس کے ذریعے دوسرے ملکوں کو فروخت کرنا چاہتی ہے بھارتی حکام کا کہنا ہے کہ ہم خام تیل کی خریداری میں لچک چاہتے ہیں اگر ہم انہیں 30 فیصد حصہ دیتے ہیں تو وہ 90 فیصد صلاحیت کے برابر خام تیل فراہم کرنا چاہتے ہیں جو کہ ممکن نہیں ہے . ادارے نے اپنے ذرائع کے حوالے سے بتایا ہے کہ بھارتی وزیر اعظم نریندر مودی دوسری سہ ماہی میں سعودی عرب کا دورہ کرنے کا ارادہ رکھتے ہیں اور اس سے قبل دونوں ممالک کسی معاہدے تک پہنچنے کی کوشش کریں گے بھارت کی وزارت خارجہ نے تبصرہ کرنے کی درخواست کا جواب نہیں دیا رپورٹ میں بتایا گیا ہے کہ 2018 میں سعودی ریاستی کمپنی آرمکو نے بھارتی کمپنیوں کے کنسورشیم میں شمولیت اختیار کی تھی سال کے آغازمیں میں بھارت وزیرپیٹرولیم ہردیپ سنگھ پوری نے کہا تھاکہ بھارت4لاکھ بیرل یومیہ تیل صاف کرنے کے لیے تین ریفائنریز قائم کرنا چاہتا ہے.
بھارتی وزیر نے سرینگر کے باغ گل ولالہ کی سیر کر کے مسلمانوں کی بے بسی کا جشن منایا، محبوبہ مفتی