جیکب آباد ،پولیس سواکروڑ کے ڈاکے کے ملزمان گرفتار نہ کرسکی
اشاعت کی تاریخ: 13th, January 2025 GMT
جیکب آباد(نمائندہ جسارت)جیکب آباد میں سوا کروڑ کے ڈاکے کے ملزمان کو پولیس گرفتار نہ کرسکی کریم بخش میں احتجاج ہڑتال ،16جنوری کو ایس ایس پی آفس کے سامنے دھرنے کا اعلان۔ تفصیلات کے مطابق جیکب آباد کے کریم بخش تھانے سے چند قدم کے فاصلے پر بیوپاری غلام سرور کھوسو کے گھر میں سوا کروڑ کے ڈاکے کو دو ہفتے بیت گئے ہیں لیکن پولیس تاحال ملزمان کو گرفتاراو رمسروقہ سامان برآمد کرنے میں ناکام ہے پولیس کی جانب سے کھوسہ برادری سے لی گئی مہلت بھی ختم ہو گئی ہے جس پر علاقے میں کھوسہ برادری کی جانب سے کریم بخش میں ہڑتال کرکے سندھ بلوچستان روڈ پر دھرنا دیا گیا جس کے باعث روڈ بلاک اور ٹریفک معطل ہو گئی۔ مظاہرین کا کہنا تھا کہ بیوپاری غلام سرور کھوسو سے سوا کروڑکی ڈکیتی کے ملزمان پولیس گرفتار نہیں کرسکی ہے عوام اب گھروں میں بھی محفوظ نہیں رہے ہیںدو ہفتے بیت گئے ہیں پولیس نے کچھ نہیںکیا پولیس وردی پہنے ڈاکوئوں نے بیوپاری کے گھر میں ڈاکا ڈالا تھا۔ مظاہرین نے 16جنوری کو ایس ایس پی جیکب آباد کے دفتر کے سامنے دھرنے کا اعلان کیا ہے۔
.
ذریعہ: Al Qamar Online
کلیدی لفظ: پاکستان کھیل جیکب ا باد
پڑھیں:
کوریئر سروس کے ذریعے منشیات کی ترسیل کرنے والا نیٹ ورک بے نقاب
اسلام آباد:اے این ایف نے پشاور میں کورئیر سروس کے ذریعے منشیات کی ترسیل کرنے والا نیٹ ورک بے نقاب کر دیا۔
ترجمان اے این ایف کے مطابق نوشہرہ سے زاہد الرحمٰن نامی ملزم کو گرفتار کیا گیا، جس نے 11 منشیات بھرے پارسل مختلف شہروں کے لیے بک کیے تھے۔ منشیات والے پارسل 25، 26 مارچ اور 7 اپریل کو ضبط کیے گئے، جو کہ مختلف شہروں کو بھیجے جا رہے تھے۔
پارسل میں سے 5.7 کلو چرس، 200 گرام آئس، 120 ایکسٹسی گولیاں، 150 گرام افیون، جعلی کرنسی اور 30 بور پستول بھی زاہد الرحمٰن کے قبضے سے برآمد کی گئی۔
گرفتار ملزم زاہد الرحمٰن کی دی گئی معلومات اور اے این ایف کی انٹیلیجنس کے ذریعے 11 اپریل کو منشیات اسمگلر محمد یونس کے سیالکوٹ ترسیل کی خفیہ اطلاع موصول ہوئی۔
اے این ایف ٹیم کی مکمل نگرانی کے بعد حاجی کیمپ پشاور کے قریب 3 ملزمان رنگے ہاتھوں گرفتار کیے گئے جبکہ ملزمان کی سہولت کاری میں ملوث کوریئر آفس کا ملازم بھی گرفتار کیا گیا۔
ملزمان کے قبضے سے 2 کلو چرس برآمد کی گئی۔ تفتیش کے دوران معلوم ہوا کہ ملزمان بین الصوبائی منشیات ترسیل میں ملوث تھے، ملزمان نے باڑہ اور دیگر علاقوں سے منشیات حاصل کرکے کوریئر سروس کے ذریعے منتقل کیں۔
اے این ایف کی جانب سے کوریئر سروسز سے مشتبہ پارسلز کی نگرانی سخت کرنے اور تعاون کی اپیل کی گئی ہے۔
آن لائن منشیات نیٹ ورک کے دیگر کارندوں کی تلاش میں پیش رفت ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
خلیل الرحمان ہنی ٹریپ کیس کی سماعت کل تک ملتوی