حیدرآباد،تحریک لبیک پاکستان سندھ کے وفد کی پریس کلب آمد
اشاعت کی تاریخ: 13th, January 2025 GMT
حیدرآباد (اسٹاف رپورٹر) تحریک لبیک پاکستان سندھ کے صوبائی پریس سیکرٹری و لیگل ایڈوائرز سلیمان سروری ایڈووکیٹ کی قیادت میں ایک وفد نے پریس کلب حیدرآباد کا دورہ کیا اور پریس کلب کے نومنتخب عہدیداران کو کامیابی پر مبارکباد دی وفد میں ضلعی امیر حیدرآباد حافظ ذیشان ربانی،ضلعی ناظم اعلی غلام قادر ملکانی،ضلعی ممبر عدیل، اور ذولفقار چانڈیو ایڈووکیٹ شامل تھے۔ اس موقع پر نومنتخب عہدیداران خالد کھوکھر صدر اور حمید الرحمن جنرل سیکرٹری علی نعیم نائب صدر،مجاہد عزیز جوائنٹ سیکرٹری،جے پرکاش کو خزانچی جبکہ گورننگ باڈی میں علی حسن،لالا رحمن،جنید خانزادہ،منصور مری، حامد شیخ،اقبال ملاح،محمد حسین خان،ظفر ہکڑو اور احمد خان شیخ کو منتخب ہونے پر مبارکباد دیتے ہوئے سلمان سروری ایڈووکیٹ نے کہا کہ حیدرآباد پریس کلب سندھ کی صحافت میں ایک اہم کردار رکھتا ہے اس ادارے میں اہم عہدوں پر منتخب ہونے پر نومنتخب عہدیداران پر بہت اہم ذمے داری عائد ہوگئی ہے امید کرتے ہیں کہ حیدرآباد کی صحافی برادری بالخصوص نومنتخب عہدیداران اپنی پیشہ وارانہ صلاحیتیں اور اپنا قلم حق و سچ کے فروغ اور ظالم کے خلاف بے باک انداز میں استعمال کریں،ہم امید کرتے ہیں کہ نئی منتخب قیادت صحافیوں کے مسائل کے حل، پریس کی آزادی کے تحفظ اور اسلامی اقدار کی ترویج کے لیے بھرپور اقدامات کرے گی۔ تحریک لبیک پاکستان آزادی صحافت کے حق میں ہمیشہ آواز بلند کرتی رہے گی۔
.ذریعہ: Jasarat News
کلیدی لفظ: پریس کلب
پڑھیں:
منتظم اعلیٰ جمعیت طلبہ عربیہ 4روزہ دورے پر کل کراچی پہنچیں گے
حیدرآباد(اسٹاف رپورٹر)جمعیت طلبہ عربیہ پاکستان کے منتظم اعلیٰ محمد افضل کل چار روزہ سندھ کے دورے پر کراچی پہنچیں گے دینی مدارس میں ختم بخاری شریف کے اجتماعات سے خطاب کریں گے 18 جامعہ الاخوان کراچی 19 منصورہ ہالا اور جامعہ حنیفیہ 20 ریاض العلوم حیدرآباد 21 کو صوبائی ذمہ داران کے اجلاس سے خطاب کریں گے اس موقع پر جمعیت طلبہ عربیہ سندھ کے منتظم حافظ حذیفہ احمد خان صوبائی جنرل سیکرٹری اصغر علی سمیجو و دیگر ان کے ہمراہ ہوں گے جبکہ حیدرآباد کی مشہور دینی درس گاہ مدرسہ عربیہ ریاض العلوم حیدرآباد ڈیتھا اسٹیشن زرعی یونیورسٹی ٹنڈو جام روڈ پرتقریب ختم بخاری شریف و دستار فضیلت و تکمیل حفظ القرآن کی تقریب 20 جنوری بروز پیر صبح10 بجے شروع ہوگی تقریب سے جماعت اسلامی پاکستان کے سابق امیر سراج الحق، سابق مرکزی نائب امیر ڈاکٹر معراج الہدیٰ صدیقی، جماعت اسلامی سندھ کے امیر کاشف سعید شیخ ،صوبائی نائب امیر حافظ نصراللہ عزیز، جماعت اسلامی حیدرآباد کے امیر حافظ طاہر مجید، جمعیت طلبہ عربیہ پاکستان کے منتظم اعلیٰ محمد افضل، سندھ کے منتظم حافظ حذیفہ احمد خان و دیگر رہنما خطاب کریں گے جبکہ شیخ الحدیث مولانا عبدالصمد ختم بخاری شریف کی آخری حدیث کا درس دیں گے مہتمم مدرسہ عربیہ ریاض العلوم حیدرآباد مولانا لیاقت علی بروھی نے تمام سابقہ طلبہ کو تقریب میں شرکت کرنے دعوت دی ہے۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ