جے شاہ کی جگہ بھارتی کرکٹ بورڈ کے نئے سیکرٹری دیوجیت ساکھیا کا بی جے پی سے کیا تعلق ہے؟
اشاعت کی تاریخ: 12th, January 2025 GMT
بھارتی کرکٹ بورڈ (بی سی سی آئی) نے سابق کھلاڑی، وکیل اور عبوری بورڈ کے عبوری سیکریٹری دیوجیت ساکھیا کو بورڈ کا نیا سربراہ منتخب کرلیا ہے۔
اتوارکو بورڈ آف کنٹرول فار کرکٹ ان انڈیا (بی سی سی آئی) کی جانب سے ایک نوٹیفکیشن جاری کیا گیا جس میں کہا گیا ہے کہ دیوجیت ساکھیا کو بی سی سی آئی کا سیکریٹری کے عہدے سے صدرمنتخب کرلیا گیا ہے۔ 55 سالہ ساکھیا جے شاہ کی جگہ لیں گے جنہوں نے بین الاقوامی کرکٹ کونسل (آئی سی سی) کا چیئرمین بننے کے بعد یہ عہدہ چھوڑ دیا تھا۔
بزنس مین اور ریاستی کرکٹ ایڈمنسٹریٹرپربھتیج سنگھ بھاٹیا کو بی سی سی آئی کا خزانچی مقررکیا گیا ہے۔ جے شاہ کے گزشتہ ماہ آئی سی سی کے چیئرمین بننے کے بعد دیو جیت ساکھیا کو عبوری سکریٹری کے طور پر بی سی سی آئی بورڈ میں مقرر کیا گیا تھا۔
بھارتی میڈیا کے مطابق کھیل میں ایک معمولی کیریئررکھنے والے کھیل میں میدان میں غیرمعروف دیوجیت ساکھیا کے بھارت کی حکمران ہندو قوم پرست جماعت بھارتیا جنتا پارٹی (بی جے پی) کے ساتھ قریبی تعلقات ہیں۔
میڈیا رپورٹس کے مطابق دیو جیت ساکھیا نے ’ہمنتا بسوا شرما‘ کی قیادت میں شمال مشرقی ریاست آسام میں ایک کرکٹ کلب کے جنرل سکریٹری کی حیثیت سے خدمات انجام دے کرکرکٹ کے انتظامی امور میں پہلی بار قدم رکھا۔
ہمنتا بسوا شرما اب آسام میں بی جے پی کے وزیراعلیٰ ہیں، انہوں نے وزیراعظم نریندرمودی کی قیادت میں 2014 سے بھارت میں قومی سطح پرحکومت عہدہ سنبھالا تھا۔
دیو جیت ساکھیا اور بسوا شرما دونوں نے بعد میں آسام اسٹیٹ کرکٹ ایسوسی ایشن میں خدمات انجام دیں۔ جب بسوا شرما کو ریاست کی قیادت کے لیے منتخب کیا گیا، تو انہوں نے دیو جیت ساکھیا کو اپنا ایڈوکیٹ جنرل اور حکومت کا چیف لیگل ایڈوائزر مقررکر دیا۔
دیوجیت ساکھیا ایک وکٹ کیپر بلے باز تھے جنہوں نے فرسٹ کلاس کرکٹ میں تھوڑے ہی عرصے کرکٹ کھیلی جہاں انہوں نے اپنی آبائی ریاست آسام کے لیے 4 میچ کھیلے اور صرف 53 رنز بنائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی آسام اسٹیٹ کرکٹ ایڈووکیٹ بسوا بھارتی کرکٹ بورڈ بھارتیا جنتا پارٹی بی جے پی بی سی سی آئی جے شاہ دیوجیت ساکھیا سیکریٹری شرما عہدہ فرسٹ کلاس کرکٹ قومی سطح نریندر مودی ہندو انتہا پسند.ذریعہ: WE News
کلیدی لفظ: ایڈووکیٹ بسوا بھارتی کرکٹ بورڈ بی جے پی جے شاہ سیکریٹری فرسٹ کلاس کرکٹ ہندو انتہا پسند بسوا شرما بی جے پی کیا گیا جے شاہ
پڑھیں:
گلگت، جے یو آئی کی صوبائی مجلس عاملہ کا اجلاس
۔ اجلاس سے گفتگو کرتے ہوئے صوبائی امیر مفتی ولی الرحمان نے کہا کہ آج کے اجلاس میں مرکزی مجلس عمومی کے حالیہ اجلاس کے حوالے سے حکمت عملی طے کی جائے گی۔ انہوں نے کہا کہ جمعیت علماء اسلام گلگت بلتستان کو فعال بنانے کے لئے عوامی سطح پر پروگرام تشکیل دینگے۔ اسلام ٹائمز۔ جمعیت علماء اسلام گلگت بلتستان کی صوبائی مجلس عاملہ کا تیسرا اجلاس جمعیت علماء اسلام گلگت بلتستان کے صوبائی سیکرٹریٹ میں صوبائی امیر مفتی ولی الرحمان کی صدارت میں منعقد ہوا۔ اجلاس میں صوبائی امیر مفتی ولی الرحمان، صوبائی جنرل سیکریٹری بشیر احمد قریشی، نائب امیر میر بہادر، ڈپٹی جنرل سیکرٹری مولانا محمد انس، ڈپٹی جنرل سیکرٹری حاجی شیر اعظم، ڈپٹی جنرل سیکرٹری ایڈووکیٹ محبوب الرحمان، سیکرٹری اطلاعات عبد اللہ احمد، سیکرٹری مالیات ٹکا خان، ڈیجیٹل میڈیا کے کوآرڈینیٹر محمد طیب قریشی، سالار جے یو آئی جی بی مولانا دلدار عزیزی اور ڈپٹی سیکرٹری اطلاعات ابوبکر صافی نے شرکت کی جبکہ جے یو آئی ضلع گلگت کے امیر منہاج الدین، گلگت کے جنرل سیکرٹری حافظ عنایت اور استور کے جنرل سیکرٹری پروفیسر انور ناصر نے خصوصی شرکت کی۔ اجلاس سے خطاب کرتے ہوئے بشیر احمد قریشی نے کہا کہ گلگت بلتستان میں جمعیت علماء اسلام کو مرکزی بیانئے کے تحت منظم کرینگے۔ انہوں نے کہا کہ جی بی کی معدنیات پر جی بی کے عوام کا حق ہے اور انشاء اللہ عنقریب جمعیت علماء اسلام گلگت بلتستان دیگر جماعتوں سے رابطے کر معدنیات کے حوالے سے متفقہ موقف عوام کے سامنے پیش کیا جائے گا۔ اجلاس سے گفتگو کرتے ہوئے صوبائی امیر مفتی ولی الرحمان نے کہا کہ آج کے اجلاس میں مرکزی مجلس عمومی کے حالیہ اجلاس کے حوالے سے حکمت عملی طے کی جائے گی۔ انہوں نے کہا کہ جمعیت علماء اسلام گلگت بلتستان کو فعال بنانے کے لئے عوامی سطح پر پروگرام تشکیل دینگے۔
4 اینٹی کرپشن کورٹس میں ججز تعینات ، نوٹیفکیشن جاری کردیا گیا