بھارت کا امیر ترین امبانی خاندان اپنے گھر کی 27ویں منزل پر ہی کیوں رہتا ہے؟
اشاعت کی تاریخ: 12th, January 2025 GMT
ممبئی(نیوز ڈیسک)بھارت کا امیر ترین امبانی خاندان اپنے گھر کی 27ویں منزل پر ہی کیوں رہتا ہے؟ مکیش امبانی کی اہلیہ نیتا امبانی نے اس راز سے پردہ اٹھا دیا جسکا جواب ہر کوئی جاننے کیلئے منتظرہے۔
امبانی خاندان کا شمار ایشیا کے امیر ترین خاندانوں میں کیا جاتا ہے جو نہ صرف اپنے شاندار طرز زندگی کے سبب مشہور ہیں بلکہ انکا رہن سہن دیکھ کر کوئی بھی دنگ رہ جائے گا۔
کروڑوں مالیت کا عالیشان گھر جو ہر طرح کی لگژری سہولتوں سے مزین ہے اور کئی منزلوں پر مشتمل ہے اتنے بڑے گھر میں امبانی خاندان نے اپنی رہائش کے لیے صرف 27ویں منزل کا ہی انتخاب کیوں کیا؟
119 اعشاریہ 5 بلین امریکی ڈالر کے مالک ہونے کے ساتھ امبانی خاندان اپنی شاہانہ طرز زندگی، بڑے کاروبار، بے پناہ دولت اور اپنے عالیشان گھر ’انٹیلیا‘ کے لیے مشہور ہے۔ یہ شاندار عمارت ممبئی کے کمبالہ ہل میں واقع ہے اور بھارت کے سب سے مہنگے گھروں میں سے ایک ہے۔
ایک انٹرویو میں نیتا امبانی نے 27 ویں منزل کے راز سے پردہ اٹھاتے ہوئے کہنا تھا کہ، ”میں چاہتی تھی کہ ہر کمرے میں مناسب قدرتی روشنی اور بہترین ہواداری ہو۔ اسی مقصد کے تحت ہم نے اوپر کی منزل پر رہائش کا فیصلہ کیا“۔
بھارتی میڈیا رپورٹ کے مطابق س اپارٹمنٹ کی 27 ویں منزل پر صرف اور صرف قریبی افراد کو داخلے کی اجازت ہے اسکے باوجود اس منزل پر مکیش امبانی، نیتا امبانی، ان کے بڑے بیٹے آکاش امبانی، بہو شلوی میہتا اور ان کے بچے پرتھوی آکاش امبانی اور ویدا آکاش امبانی رہتے ہیں۔
مکیش اور نیتا کے چھوٹے بیٹے اننت امبانی اور ان کی اہلیہ رادھیکا مرچنٹ بھی باقی خاندان کے ساتھ یہیں رہائش پذیر ہیں۔
یاد رہے کہ یہ اپارٹمنٹ دنیا کے مہنگے ترین نجی گھروں میں سے ایک ہے۔ اس کا تعمیراتی کام 2008 میں شروع ہوا اور دو سال میں مکمل ہواتھا جبکہ امبانی خاندان 2010 میں اس 27 منزلہ عمارت میں منتقل ہوا۔
یہ عمارت 568 فٹ اونچی ہے اور 4 لاکھ مربع فٹ کے رقبے پر پھیلی ہوئی ہے۔ اس کی تعمیر کی لاگت تقریباً 15000 کروڑ روپے ہے۔
اس کے علاوہ، وہاں رقص اور یوگا کے اسٹوڈیوز بھی ہیں، جن کی دیکھ بھال انٹیلیا کے 600 سے زائد ملازمین کرتے ہیں۔
اس گھر میں ایک خوبصورت باغیچہ بھی ہے اور ممبئی کی نمی سے بچنے کے لیے ایک برف کا کمرہ بھی بنایا گیا ہے، جن کی دیکھ بھال متعلقہ ملازمین کرتے ہیں۔
یہ شاندار رہائش نہ صرف اپنی اعلیٰ تعمیراتی خصوصیات بلکہ امبانی خاندان کی اعلیٰ طرز زندگی کی بھی عکاسی کرتی ہے۔
190مزیدپڑھیں: ملین پاؤنڈ کیس میں عمران خان کو سزا ضرور ہوگی، فیصل واوڈا کا دعویٰ
ذریعہ: Daily Ausaf
کلیدی لفظ: ہے اور
پڑھیں:
چوروں نے شادی والے گھر کا صفایا کردیا، 15 تولے سونا اور 34 لاکھ روپے چوری کرلیے
کراچی(نیوز ڈیسک) کراچی کے علاقے لائنز ایریا میں چوروں نے شادی والے گھر کا صفایا کر دیا، ایک کروڑ سے زائد مالیت کی چوری کرنے میں کامیاب ہوگئے، اہل خانہ شادی کی تقریب کے سلسلے میں باہر گئے ہوئے تھے کہ واردات ہوگئی۔ڈان نیوز کے مطابق کراچی کے رہائشی خاندان کو چوروں نے لوٹ لیا ہے، لائنز ایریا کے رہائشی خاندان نے دعویٰ کیا کہ گھر میں 15 تولے سونا اور 34 لاکھ روپے کی نقد رقم موجود تھی، ان کے گھر میں شادی کی تقریبات چل رہی ہیں، جب کہ سب گھر والے شادی میں گئے ہوئے تھے کہ پیچھے سے چوری کا واقعہ پیش آگیا۔
متاثرہ خاندان نے بتایا کہ چور نے الماریاں توڑ کر زیورات اور نقدی نکالی گئی ہے، پولیس نے تحقیقات کا آغاز کردیا ہے۔واضح رہے کہ کراچی میں اسٹریٹ کرائمز روزانہ کا معمول ہیں، یومیہ سیکڑوں شہری اپنے موبائل فونز ، موٹر سائیکلوں، گاڑیوں سے محروم کر دیے جاتے ہیں، اس دوران ڈکیتوں کی جانب سے مزاحمت کرنے والے شہریوں کو بے دریغ فائرنگ کا نشانہ بنایا جاتا ہے، اور کئی شہری دوران ڈکیتی اپنے مال کی حفاظت کرتے ہوئے جاں بحق ہوجاتے ہیں۔کراچی کے شہری جہاں ایک جانب ڈکیتوں سے پریشان ہیں، تو دوسری جانب اس طرح کی چوریوں کے واقعات بھی پیش آتے رہتے ہیں، جس سے متاثرہ لوگ اپنی زندگی بھر کی جمع پونجی سے محروم ہوجاتے ہیں، پولیس پر اعتماد کے فقدان کی وجہ سے کئی چھوٹے جرائم کے متاثرہ شہری تھانوں میں جانے سے کتراتے ہیں۔
نو منتخب امریکی صدر ڈونلڈ ٹرمپ کی تقریب حلف برداری کی تیاریاں عروج پر پہنچ گئیں
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ