راتوں کو معافیاں مانگتے اور صبح پریس کانفرنس کرتے ہیں، حنیف عباسی
اشاعت کی تاریخ: 12th, January 2025 GMT
راتوں کو معافیاں مانگتے اور صبح پریس کانفرنس کرتے ہیں، حنیف عباسی WhatsAppFacebookTwitter 0 12 January, 2025 سب نیوز
راولپنڈی(آئی پی ایس ) مسلم لیگ ن کے رہنما حنیف عباسی نے کہا ہے کہ یہ راتوں کو معافیاں مانگتے اور صبح پریس کانفرنس کرتے ہیں۔ مسلم لیگ ن کے رہنما حنیف عباسی نے میڈیا سے گفتگو کرتے ہوئے کہا کہ آئی جی پی روڈ پر بسیں چلانے کا وعدہ کیا تھا۔ اور اس وقت راولپنڈی میں لندن اور پیرس سے خوبصورت بسیں چل رہی ہیں۔ عوام کو سہولیات کی فراہمی ہماری ترجیح ہے۔
جبکہ خیابان سرسید میں پانی کی سپلائی لائنیں تبدیلی کریں گے۔انہوں نے کہا کہ اپنے اقتدار کے لیے کوئی شخص پاکستان کی سالمیت سے نہیں کھیل سکتا۔ اور نواز شریف نے ایٹمی دھماکے کر کے ملک کو مضبوط کیا۔ لیکن آج ملک کے خلاف سازش ہو رہی ہے۔ ایک شخص رو رہا ہے کہ مجھے کھانا ٹھیک نہیں مل رہا۔ کیا کبھی کسی نے ہماری لیڈر شپ کو روتے ہوئے دیکھا ؟۔حنیف عباسی نے کہا کہ ہماری لیڈر شپ کو پاکستان سے محبت ہے۔ اور پاکستان تحریک انصاف (پی ٹی آئی)کے دور میں راولپنڈی میں کوئی عوامی منصوبہ نہیں بنا۔ جبکہ مریم نواز پنجاب کے طلبا کو اربوں روپے کی اسکالر شپ دے رہی ہیں۔ میں دعوی کرتا ہوں کہ راولپنڈی کے اسکول و کالجز آج اسلام آباد سے بہتر ہیں۔انہوں نے کہا کہ پاکستان واحد ایٹمی طاقت اسلامی ملک ہے۔ اور پاکستان پر پابندی لگی تو انہوں نے شادیانے بجائے۔ جبکہ پاکستان کے خلاف یہ منصوبہ کیلیفورنیا میں بنایا گیا۔ اور آج بھر ایک دوسرے کو لڑوانے کے لیے سازش ہو رہی ہے۔
رہنما مسلم لیگ ن نے کہا کہ ابھی تو آپ کو سزا ہی نہیں ہوئی۔ آپ کے تمام لوگ ملے ہوئے ہیں اور کمپرومائزڈ ہیں۔ یہ سب راتوں کو معافیاں مانگ رہے ہوتے ہیں اور صبح پریس کانفرنس کرتے ہیں۔ معیشت سے متعلق بات کرتے ہوئے انہوں نے کہا کہ پاکستان کی معیشت درست سمت میں جا رہی ہے۔ اور یہ کیسے پاکستانی ہیں جو کہہ رہے ہیں پیسے نہ بھیجیں۔ جتھوں کی حکومت کی پلاننگ کرنے والوں کو منہ توڑ جواب دیں گے۔
.ذریعہ: Daily Sub News
کلیدی لفظ: اور صبح پریس کانفرنس کرتے ہیں حنیف عباسی نے کہا کہ انہوں نے
پڑھیں:
اگر بانی پی ٹی آئی نے این آر او مانگنا ہوتا تو 2 سال پہلے مانگتے: شبلی فراز
پاکستان تحریک انصاف (پی ٹی آئی) کے رہنما شبلی فراز —فائل فوٹوپاکستان تحریک انصاف (پی ٹی آئی) کے رہنما شبلی فراز کا کہنا ہے کہ اگر بانی پی ٹی آئی نے این آر او مانگنا ہوتا تو 2 سال پہلے مانگتے۔
پشاور میں میڈیا سے گفتگو کرتے ہوئے انہوں نے کہا کہ ہم چاہتے ہیں کہ مسائل حل ہوں، ماضی میں ہوئے واقعات کی تفتیش ہونا ضروری ہے۔
شبلی فراز کا کہنا ہے کہ 9 مئی واقعات سمیت دیگر واقعات کی غیر جانبدارانہ تحقیقات ہونی چاہیے، پاکستان کی تاریخ میں اتنے زیادہ سیاسی قیدی نہیں رہے۔
پاکستان تحریک انصاف (پی ٹی آئی) کے رہنما شبلی فراز کا کہنا ہے کہ ملک کا مستقبل اس وقت خطرے میں ہے۔
پی ٹی آئی کے رہنما نے کہا کہ کوئی ایک فریق ہٹ دھرمی پر اترا تو سیاسی عدم استحکام میں مزید شدت آئے گی۔
ان کا کہنا ہے کہ بانی پی ٹی آئی کے خلاف حکومت کے پاس کوئی ٹھوس شواہد نہیں، تمام کیسز جعلی بنائے گئے ہیں، اُمید کرتے ہے کل القادر کیس کا فیصلہ سنایا جائے گا۔
انہوں نے کہا کہ 26 ویں آئینی ترمیم کی ہم نے مخالفت کی تھی، کچھ لوگوں کو نوازنے کے لیے ترمیم کی گئی،
تحریک انصاف کے رہنما کا کہنا ہے کہ چیف الکیشن کمشنر کی تعیناتی ایک قانونی تقاضہ ہے، چیف الیکشن کمیشن نے ملکی تاریخ کے متنازع انتخابات کروائے۔
سپریم کورٹ کا ہر جج آزاد ہے، ججز پر تنقید ہونی چاہیے لیکن تعمیری تنقید ہو، جسٹس یحییٰ آفریدی