وِراٹ کوہلی اور روہت شرما کے مستقبل پر گہرا سوالیہ نشان لگ گیا
اشاعت کی تاریخ: 12th, January 2025 GMT
بھارتی کرکٹ ٹیم کے لیے ناگزیر سمجھے جانے والے وِراٹ کوہلی اور کپتان روہت شرما کو انتہائی شرم ناک صورتِ حال کا سامنا ہے۔ دونوں مسلسل آؤٹ آف فارم ہیں اور خاصی جدوجہد کرنے پر بھی فارم بحال ہونے کا نام نہیں لے رہی۔ بھارتی کرکٹ بورڈ بھی شدید مخمصے کا شکار ہے کہ اِن دونوں بڑوں کا کرے تو کیا کرے۔ اِن کے پرستار کروڑوں ہیں۔ سوشل میڈیا پر اِنہیں تنقید کا نشانہ تو بنایا جارہا ہے تاہم ساتھ ہی ساتھ یہ بھی کہا جارہا ہے کہ بڑوں پر بیڈ پیچ آتے رہتے ہیں، اِس بنیاد پر کسی بڑے کھلاڑی کو ٹیم سے باہر نہیں کیا جاتا۔
بھارتی کرکٹ بورڈ کے ذرائع کا کہنا ہے کہ وِراٹ کوہلی اور روہت شرما کا مستقبل اب چیمپینز ٹرافی سے وابستہ ہوگیا ہے۔ اِن دونوں بڑوں کو محض اپنی فارم بحال نہیں کرنی بلکہ ٹیم انڈیا کو چیمپینز ٹرافی جتوانے میں کلیدی کردار بھی ادا کرنا ہے۔ اگر وہ ایسا کرنے میں ناکام رہے تو ٹیم میں اُن کے باقی رہنے کا جواز ہی ختم ہوجائے گا۔ حال ہی میں بارڈر گواسکر ٹرافی ٹیسٹ سیریز کے دوران دونوں کچھ خاص کر دکھانے میں بُری طرح ناکام رہے۔
وِراٹ کوہلی تو خیر پرتھ میں کھیلے گئے پہلے ٹیسٹ میچ میں سینچری اسکور کرنے میں کامیاب رہے تھے تاہم روہت شرما پوری سیریز کے دوران کچھ بھی نہ کر پائے۔ انڈیا ٹوڈے کو ذرائع نے بتایا ہے کہ فی الحال اِن دونوں بڑوں کو ٹیم سے نکالنے سے متعلق کوئی فیصلہ نہیں کیا جارہا۔ چیمپینز ٹرافی کا شدت سے انتظار کیا جارہا ہے۔ اگر یہ دونوں چیمپینز ٹرافی میں بھی ناکام رہے تو بورڈ اِن دونوں کے کریئر کو قدرے بے توقیری سے ختم کرنے پر مجبور ہوگا۔
وِراٹ کوہلی اور روہت شرما سمیت پوری ٹیم انڈیا کی کارکردگی کا جائزہ لینے کے لیے ممبئی میں بھارتی کرکٹ بورڈ کا اجلاس ممبئی میں ہوا جس کی صدارت سابق ٹیسٹ کرکٹر راجر بنی نے کی۔ اجلاس میں ٹیم انڈیا کی بارڈر گواسکر ٹرافی کے دوران ناقص کارکردگی کا جائزہ لیا گیا۔ دو گھنٹے جاری رہنے والی میٹنگ میں کپتان روہت شرما، ہیڈ کوچ گوتم گمبھیر، بھارتی کرکٹ بورڈ کے جسوائنٹ سیکریٹری دیواجِت سائیکیا اور نائب صدر راجیو شکلا نے شرکت کی۔
اجلاس میں ٹیم انڈیا کی کارکردگی کا بھرپور جائزہ لیا گیا اور بالخصوص بیٹنگ لائن اپ کے حوالے سے سیر حاصل مشاورت ہوئی۔ بورڈ کی انتظامیہ جاننا چاہتی تھی کہ شاندار بیٹنگ لائن اپ کے باوجود ٹیم انڈیا بیٹنگ کے معاملے میں ناکام کیوں رہی۔ تمام معاملات کا جائزہ لیا اور چیمپینز ٹرافی کے بعد اہم فیصلے متوقع ہیں۔
بورڈ کی انتظامیہ کے ایک رکن نے کہا کہ آسٹریلیا میں ٹیسٹ سیریز ہارنے سے قبل ٹیم انڈیا نے نیوزی لینڈ کے مقابل ہوم سیریز بھی ہاری۔ اس حوالے سے توضیح کی ضرورت ہے۔
بھارتی کرکٹ بورڈ کے اجلاس میں وِراٹ کوہلی اور روہت شرما کی کارکردگی کا خصوصی طور پر جائزہ لیا گیا۔ دونوں سے کہا گیا کہ وہ اپنی کارکردگی کا گراف بلند کریں۔ اجلاس میں طے کیا گیا کہ کپتان کی تبدیلی کے معاملے سے چیمپینز ٹرافی کے بعد نپٹا جائے گا۔ فی الحال وِراٹ کوہلی اور روہت شرما کو ٹیم سے نکالا نہیں جارہا تاہم چیمپینز ٹرافی میں ناقص کارکردگی کا مظاہرہ کرنے کی صورت میں دونوں کے لیے مشکلات پیدا ہوسکتی ہیں اور معاملات ٹیم سے اُن کے اخراج تک بھی جاسکتے ہیں۔
.ذریعہ: Jasarat News
کلیدی لفظ: بھارتی کرکٹ بورڈ چیمپینز ٹرافی کارکردگی کا اجلاس میں جائزہ لیا ٹیم سے
پڑھیں:
روڈن انکلیو کا فاطمہ جناح وومن یونیورسٹی کے ساتھ اشتراک کا فیصلہ
روڈن انکلیو کا فاطمہ جناح وومن یونیورسٹی کے ساتھ اشتراک کا فیصلہ WhatsAppFacebookTwitter 0 16 April, 2025 سب نیوز
راولپنڈی (آئی پی ایس) راولپنڈی کے معروف ہاؤسنگ پراجیکٹ روڈن انکلیو کے جنرل منیجر محمد راشد نے فاطمہ جناح وومن یونیورسٹی راولپنڈی کے ساتھ کھڑے ہونے اور مستقبل میں تعاون بڑھانے کا بڑا فیصلہ کیا ہے۔
اس سلسلے میں جی ایم راشد نے یونیورسٹی کی ڈائریکٹر اسپورٹس میڈم تصور سے خصوصی ملاقات کی، جس میں دونوں اداروں کے درمیان مختلف مثبت اور تعمیری منصوبوں پر تبادلہ خیال کیا گیا۔ ملاقات میں فیصلہ کیا گیا کہ طالبات کے روشن مستقبل کو مدنظر رکھتے ہوئے بزنس مین کمیٹی کے تحت لیکچرز اور مختلف سیمینارز کا انعقاد کیا جائے گا۔
جی ایم راشد کا کہنا تھا کہ “ہم فاطمہ جناح وومن یونیورسٹی کے ساتھ مکمل طور پر کھڑے ہیں، اور ان شاءاللہ طالبات کو درکار ہر قسم کی اسپانسرشپ اور سہولیات فراہم کریں گے۔ روڈن انکلیو ایک ایسا پلیٹ فارم ہے جو نوجوانوں کے اسپورٹس مستقبل کو نکھارنے میں اہم کردار ادا کر رہا ہے۔ جن بچوں کو ماضی میں اسپورٹس میں وہ مقام نہیں ملا، ہم ان کی عزت بحال کریں گے اور انہیں بڑے پلیٹ فارمز تک لے کر جائیں گے۔”
میڈم تصور نے بھی روڈن انکلیو کے اس اقدام پر شکریہ ادا کرتے ہوئے کہا کہ “ہم روڈن انکلیو کے بے حد مشکور ہیں جنہوں نے نہ صرف ہمارا ساتھ دینے کا فیصلہ کیا بلکہ ہماری طالبات پر اعتماد بھی ظاہر کیا۔ یہ ایک خوش آئند قدم ہے جو ہماری طالبات کے حوصلے بلند کرے گا۔”
پشاور ہائیکورٹ نے تیمور سلیم جھگڑا کو حفاظتی ضمانت دے دی