عمران اشرف کونسی بھارتی اداکارہ کے ساتھ کام کرنے کے خواہشمند ہیں؟
اشاعت کی تاریخ: 12th, January 2025 GMT
پاکستان کے مشہور اداکار اور ٹی وی میزبان عمران اشرف نے بھارتی اداکارہ تمنا بھاٹیہ کے ساتھ کام کرنے کی خواہش کا اظہار کیا ہے۔
عمران اشرف نے اپنے مزاحیہ پروگرام میں مداح کے سوال پر اپنی اس خواہش کا ذکر کیا۔ پروگرام کے دوران ایک مداح لڑکی نے عمران اشرف اور مہمان اداکار آغا مصطفیٰ حسن سے پوچھا کہ وہ کس اداکارہ کے ساتھ اگلا پروجیکٹ کرنے کے خواہشمند ہیں۔ اس پر عمران اشرف نے نہ صرف ایک پاکستانی بلکہ بھارتی اداکارہ کا بھی نام لیا۔
انہوں نے یہ انکشاف بھی کیا کہ انہیں اب تک معروف اداکارہ صبا قمر کے ساتھ کام کرنے کا موقع نہیں ملا، اور ان کے ساتھ کام کرنا ان کے لیے خوش قسمتی ہوگی۔
اسی دوران عمران اشرف نے واضح کیا کہ وہ شدت سے چاہتے ہیں کہ ان کا اگلا پروجیکٹ بھارتی اداکارہ تمنا بھاٹیہ کے ساتھ ہو۔
عمران اشرف کی یہ خواہش مداحوں نے سراہتے ہوئے تالیاں بجائیں، جس پر انہوں نے مزید وضاحت کی کہ یہ ان کی حقیقی خواہش ہے۔
ان کی اس گفتگو کی مختصر ویڈیو سوشل میڈیا پر وائرل ہورہی ہے، جہاں مداحوں نے دونوں فنکاروں کو ایک ساتھ کام کرنے کا موقع دینے کی حمایت کی۔
یاد رہے کہ تمنا بھاٹیہ بھارتی فلم انڈسٹری کی معروف اداکارہ ہیں، جو بالی ووڈ کے ساتھ ساتھ تامل، تیلگو اور ملیالم فلموں میں بھی اپنی اداکاری کے جوہر دکھا چکی ہیں جبکہ عمران اشرف کئی ڈراموں سمیت اپنے ڈرامے رانجھا رانجھا کردی میں ’بھولے‘ کے کردار کی وجہ سے بےحد مقبول ہیں۔
TagsShowbiz News Urdu.
ذریعہ: Al Qamar Online
کلیدی لفظ: پاکستان کھیل بھارتی اداکارہ ساتھ کام کرنے کے ساتھ کام
پڑھیں:
سابقہ اہلیہ سے طلاق کیوں ہوئی؟ عمران خان نے بالآخر راز کھول دیا
ممبئی(شوبز ڈیسک)بالی ووڈ اداکار عمران خان، جو اپنی سادگی اور منفرد اداکاری کی وجہ سے مداحوں کے دلوں میں خاص مقام رکھتے ہیں، انہوں نے حال ہی میں ایک انٹرویو میں اپنی سابقہ شادی، بیٹی امامہ کے ساتھ تعلق، اور ذاتی جدوجہد کے حوالے سے دل کی باتیں بیان کیں۔
عمران خان نے 2011 میں اونتیکا ملک سے شادی کی تھی اور 2014 میں ان کی بیٹی امامہ کی پیدائش ہوئی۔ تاہم، 2019 میں عمران اور اونتیکا کے درمیان علیحدگی ہو گئی۔ اب عمران خان اداکارہ لیکھا واشنگٹن کے ساتھ تعلق میں ہیں۔
’ہم ایک دوسرے کو بہتر انسان بننے میں مدد نہیں دے پا رہے تھے‘ – عمران خان
فلم فیئر کو دیے گئے حالیہ انٹرویو میں عمران خان نے اپنی اور اونتیکا کی شادی کے بارے میں بات کرتے ہوئے کہا کہ یہ رشتہ انہوں نے محض انیس سال کی عمر میں شروع کیا تھا، اور اُس وقت اُن کے ارادے نیک تھے، لیکن وقت کے ساتھ وہ رشتہ ایک جگہ آ کر رُک گیا۔
ان کے بقول: ’میں نے یہ رشتہ بہت چھوٹی عمر میں شروع کیا۔ اُس وقت ہم دونوں کی نیت نیک تھی۔ لیکن جب آپ نوعمری میں کوئی طویل مدتی رشتہ شروع کرتے ہیں تو اکثر ایسا ہوتا ہے کہ آپ کے تعلق کے انداز وہی کے وہی رہ جاتے ہیں اور وقت کے ساتھ وہ بہتر نہیں ہو پاتے۔ ہم ایک دوسرے کو بہتر انسان بننے میں مدد نہیں دے پا رہے تھے۔‘
انہوں نے مزید بتایا کہ جب انہوں نے اونتیکا سے علیحدگی کا فیصلہ کیا تو وہ اپنی ذہنی صحت کی بحالی کے سفر کے وسط میں تھے۔
بیٹی امامہ کے ساتھ قریبی رشتہ عمران کی زندگی کا قیمتی ترین پہلو
عمران خان نے انٹرویو میں اپنی بیٹی امامہ کے ساتھ رشتے پر بھی کھل کر بات کی۔ انہوں نے کہا کہ وہ اپنی بیٹی کے ساتھ ایک کھلا، دوستانہ اور پُراعتماد رشتہ بنانا چاہتے تھے اور خوشی ہے کہ وہ اس میں کامیاب رہے۔
ان کے الفاظ میں، ’میری اور امامہ کی بہت ہی قریبی اور کھلی ڈھلی دوستی ہے، جو میں ہمیشہ چاہتا تھا۔ میں چاہتا تھا کہ اسے میرے ساتھ مکمل راحت محسوس ہو، کہ میں اُس کے لیے ہوں، اور وہ بلا جھجک مجھ سے ہر بات کر سکے۔‘
’رات کو جب وہ دل کی باتیں کرتی ہے، تو وہ لمحات میرے لیے انمول ہیں‘
عمران نے مزید بتایا کہ وہ لمحے جب وہ اپنی بیٹی کو سونے کے لیے لٹاتے ہیں، اُن کے لیے جذباتی طور پر بے حد قیمتی ہوتے ہیں۔
انہوں نے کہا، ’رات کے وقت جب امامہ سونے جا رہی ہوتی ہے اور کمرے کی روشنی مدھم ہوتی ہے، وہ اپنے دل کی باتیں کرتی ہے۔ ان چند منٹوں میں جب وہ اپنی جذباتی کیفیات میرے ساتھ بانٹتی ہے، تو میں بے حد جذباتی ہو جاتا ہوں۔ ایسے لمحات واقعی انمول ہوتے ہیں۔‘
عمران خان کا یہ کھرا انداز، اپنے جذبات اور رشتوں کے بارے میں کھلے دل سے بات کرنا، اُن کی شخصیت کو مزید منفرد اور متاثر کن بناتا ہے۔
مزیدپڑھیں:پاکستان سمیت دنیا بھر میں آج پنک مون کا شاندار نظارہ کیاجا سکےگا
امریکی فوجیوں کی قبروں پر سکوں کی برسات ، تصاویر سوشل میڈیا پر وائرل ،اہل خانہ حیران رہ گئے