دبئی انٹرنیشنل اسٹیڈیم میں آئی ایل ٹی 20 سیزن 3 کی رنگارنگ افتتاحی تقریب
اشاعت کی تاریخ: 12th, January 2025 GMT
دبئی انٹرنیشنل اسٹیڈیم میں آئی ایل ٹی 20 سیزن 3 کی رنگارنگ افتتاحی تقریب WhatsAppFacebookTwitter 0 12 January, 2025 سب نیوز
دبئی : دبئی انٹرنیشنل اسٹیڈیم میں ڈی پی ورلڈ آئی ایل ٹی 20 کا شاندار انداز میں آغاز ہوا بالی ووڈ سپر اسٹار شاہد کپور، پوجا ہیگڑے اور سونم باجوہ نے ایک بلاک بسٹر افتتاحی تقریب کی قیادت کی ۔ خطے کے سب سے بڑے ٹی 20 ٹورنامنٹ کی افتتاحی تقریب اور ٹورنامنٹ کی افتتاحی تقریب کے لئے مشہور ’’رنگ آف فائر‘‘ کا اہتمام کیا۔
جشن کا اختتام زبردست آتش بازی کے مظاہرے سے ہوا جو سیزن کے آغاز کا اشارہ دیتا ہے۔ بالی ووڈ اداکار و پروڈیوسر جیکی بھگنانی اور مشہور میزبان ردھیما پاٹھک بھی اس جشن میں شریک تھیں۔
دنیا بھر کے ناظرین مختلف نشریاتی پلیٹ فارم سے یہ رنگارنگ تقریب دیکھی۔
ایک ماہ تک جاری رہنے والے اس کرکٹ میلے میں دنیا کے چند بہترین کرکٹرز ایکشن میں نظر آئیں گے۔
ذریعہ: Daily Sub News
کلیدی لفظ: افتتاحی تقریب
پڑھیں:
بالی وڈ اداکار سیف علی خان چاقو حملے میں شدید طور پر زخمی
اسلام آباد (اُردو پوائنٹ ۔ DW اردو۔ 16 جنوری 2025ء) بھارتی خبر رساں ایجنسیوں پی ٹی آئی اور اے این آئی کی رپورٹوں کے مطابق جمعرات کو علی الصبح تقریباﹰ تین بجے ایک درانداز ممبئی میں سیف علی خان کے گھر میں گھس گیا، جب وہ سو رہے تھے۔ ان کے ملازم نے اس شخص کو روکنے کی کوشش کی، جس سے دونوں میں جھگڑا ہو گیا۔ اس دوران جب سیف علی خان بیچ بچاؤ کرنے آئے تو درانداز نے ان پر حملہ کردیا۔
اداکار پر چاقو سے چھ وار کرنے کے بعد وہ فرار ہو گیا۔سیف علی خان کے بیٹے تیمور کا نام اور سوشل میڈیا کی نئی بحث
مقامی باندرہ پولیس نے اس واقعے کی تصدیق کی ہے۔ پولیس حملہ آور کو تلاش کررہی ہے۔ پولیس سیف علی خان کے گھر پر کام کرنے والے ملازموں سے بھی پوچھ گچھ کر رہی ہے۔
(جاری ہے)
ممبئی کرائم برانچ کو متوازی تحقیقات کی ذمہ داری سونپی گئی ہے، جس نے ملزم کی تلاش کے لیے سات ٹیمیں تشکیل دے دی ہیں۔
بالی وڈ اداکار سلمان خان کے گھر کے باہر فائرنگ کا معاملہ
سیف کی ممبئی کے لیلاوتی اسپتال میں سرجری ہوئی ہے۔ اسپتال کے عملے نے تصدیق کی ہے کہ وہ اب خطرے سے باہر ہیں۔
سیف اور کرینہ کی ٹیم نے کیا کہا؟سیف علی خان کی ٹیم کی جانب سے ایک باضابطہ بیان جاری کیا گیا ہے۔ اس میں کہا گیا ہے، "مسٹر سیف علی خان کی رہائش گاہ پر چوری کی کوشش کی گئی تھی۔
وہ اس وقت اسپتال میں سرجری کروا رہے ہیں۔ ہم میڈیا اور مداحوں سے تحمل سے کام لینے کی درخواست کرتے ہیں۔ یہ پولیس کا معاملہ ہے۔ ہم آپ کو صورتحال سے باخبر رکھیں گے۔"اس کے ساتھ ہی سیف کی اہلیہ اور بالی ووڈ اداکارہ کرینہ کپور کی پی آر ایجنسی کی جانب سے بھی بتایا گیا ہے کہ رات ان کے اور سیف کے گھر میں چوری کی کوشش کی گئی۔ سیف کے ہاتھ پر چوٹ آئی ہے اور وہ اسپتال میں ہیں۔
گھر کے باقی افراد بالکل ٹھیک ہیں۔بیان میں کہا گیا، "ہم میڈیا اور مداحوں سے گزارش کرتے ہیں کہ صبر سے کام لیں اور قیاس آرائیاں نہ کریں کیونکہ پولیس پہلے ہی اس معاملے کی تحقیقات کر رہی ہے۔ آپ کی تشویش کے لیے آپ سب کا شکریہ۔"
ہسپتال کا بیانلیلاوتی اسپتال کے سی او او ڈاکٹر نیرج اتمانی نے بتایا کہ سیف علی خان کو صبح 3.30 بجے کے قریب اسپتال لایا گیا۔
انہوں نے کہا کہ سیف کی ڈھائی گھنٹے کی سرجری ہوئی۔ پلاسٹک سرجری ابھی بھی جاری ہے۔ہسپتال کے بیان میں کہا گیا ہے کہ چھرے کے وار کے چھ زخموں میں سے دو گہرے اور ریڑھ کی ہڈی کے قریب ہیں۔
اداکار کے اہل خانہ اسپتال میں ان کے ساتھ ہیں۔ کرینہ اور سیف، جن کی شادی 2012 سے ہوئی ہے، ممبئی کے باندرہ ویسٹ میں ستگورو شرن بلڈنگ میں رہتے ہیں۔
جوڑے کے دو بیٹے تیمور (8) اور جیہ (4) بھی ان کے ساتھ رہتے ہیں۔سیف علی خان اپنے دور کی معروف اداکارہ شرمیلا ٹیگور اور بھارتی کرکٹر منصور علی خان کے بیٹے ہیں۔ سیف، ان کی اہلیہ کرینہ کپور خان اور ان کے بیٹے نئے سال کی تعطیلات کے لیے سوئٹزرلینڈ میں تھے، اور گزشتہ ہفتے ممبئی واپس آئے تھے۔
خیال رہے کہ کرینہ کپور سے شادی اور بالخصوص اپنے بیٹے کا نام تیمور رکھنے کی وجہ سے سیف علی خان سوشل میڈیا پر ایک عرصے سے شدت پسند ہندوؤں کے نشانے پر ہیں۔
سیف علی خان پر حملے کی بالی ووڈ کے اور دیگر بھارتی اداکاروں کی مذمت کی ہے۔
توشہ خانہ ٹو کیس :عمران خان اور اہلیہ کا بریت کیلئے اسلام آباد ہائیکورٹ سے رجوع