وزیر اعلیٰ مریم نواز نے ’’اپنی چھت اپنا گھر پروگرام‘‘ کے لیے 62 ارب روپے کی منظوری دے دی
اشاعت کی تاریخ: 12th, January 2025 GMT
لاہور : وزیر اعلیٰ پنجاب مریم نواز شریف نے ’’اپنی چھت اپنا گھر پروگرام‘‘ کے تحت 62 ارب روپے کی منظوری دی ہے۔ انہوں نے اس حوالے سے ایک خصوصی اجلاس کی صدارت کی، جس میں پروگرام کے اہم فیصلے کیے گئے۔
اجلاس میں بتایا گیا کہ پنجاب بھر میں 5 ہزار سے زائد افراد اس پروگرام کے تحت قرض حاصل کر چکے ہیں اور 4200 سے زیادہ مکانات تیزی سے مکمل ہو رہے ہیں۔ وزیر اعلیٰ نے اس پروگرام کے تحت مئی تک 40 ہزار افراد کو قرض دینے کا ہدف مقرر کیا ہے اور اس عمل کو جلد مکمل کرنے کی ہدایت دی ہے۔
مریم نواز نے قرض کی مقدار 15 سے 20 لاکھ روپے تک بڑھانے کی تجویز پر غور کرنے کا بھی حکم دیا۔ ان کا کہنا تھا کہ روڈا اور ہاؤسنگ ڈپارٹمنٹ کے اشتراک سے غریب خاندانوں کو تیار مکانات فراہم کیے جائیں گے، اور وہ چاہتی ہیں کہ ہر بے گھر شخص کے پاس اپنی چھت ہو کیونکہ ہر شہری کا اپنا گھر ہونا ایک بنیادی حق ہے۔
.ذریعہ: Nai Baat
پڑھیں:
پاکستان دنیا کو اپنی طرف متوجہ کر چکا، ہم نے کشکول توڑ دیا: رانا مشہود
چیئرمین پرائم منسٹر یوتھ پروگرام رانا مشہود—فائل فوٹوچیئرمین پرائم منسٹر یوتھ پروگرام رانا مشہود کا کہنا ہے کہ پاکستان دنیا کو اپنی طرف متوجہ کر چکا، ہم نے کشکول توڑ دیا ہے۔
کراچی میں تقریب سے خطاب کرتے ہوئے انہوں نے کہا کہ جو پاکستان کے مستقبل پر سوال اٹھاتے ہیں انہیں کہتا ہوں جامعات میں ہمارے نوجوان دیکھو۔
رانا مشہود کا کہنا ہے کہ 2002ء سے یوتھ امپاورمنٹ پر کام کر رہا ہوں، ہم نے پنجاب میں تعلیم کا پورٹ فولیو بڑھایا۔
وزیرِ اعظم یوتھ پروگرام کے چیئرمین رانا مشہود نے کہا ہے کہ رواں سال 15 لاکھ نوجوانوں کو روزگار کے مواقع دیے جائیں گے۔
انہوں نے کہا کہ تعلیم کے ساتھ کھیل کے میدان میں پاکستان کا نام روشن کیا، ہم نے چند روز قبل ڈیجیٹل یوتھ حب پورٹل لانچ کیا۔
ان کا کہنا ہے کہ کلائمیٹ چینج کی وجہ سے اسلام آباد میں اولے پڑے جس سے گاڑیوں، بلڈنگز کے شیشے ٹوٹ گئے اور لوگ زخمی ہوئے۔
بھارت اور نیپال میں شدید بارش اور آسمانی بجلی، 100 سے زائد افراد جاں بحق