پشپا اسٹار رشمیکا مندنا حادثے کا شکار
اشاعت کی تاریخ: 12th, January 2025 GMT
مشہور زمانہ فلم پشپا کی اداکارہ رشمیکا مندنا وزرش کے دوران حادثہ پیش آنے کے باعث زخمی ہوگئیں۔
بھارتی میڈیا کے مطابق رشمیکا کو جِم میں دوران فٹنس سیشن چوٹ لگنے کے باعث سلمان خان اور وکی کوشل کی فلموں کی شوٹنگ عارضی طور پر روک دی ہے جس میں اداکارہ بھی شامل تھیں۔
یاد رہے کہ ’اینمل‘ اور ’پشپا‘ جیسی شاندار کامیاب فلموں کے بعد رشمیکا مندانا شہرت کی بلندیوں پر ہیں۔ ان کی آنے والی فلموں میں سلمان خان کے ساتھ ’سکندر‘ اور وکی کوشل کے ساتھ ’چھاوا‘ شامل ہیں۔
تاہم 28 سالہ اداکارہ کے جم میں حادثے کا شکار ہونے کے باعث ان کی تینوں بڑی فلموں کی شوٹنگ کا شیڈول متاثر ہوگیا ہے۔
اداکارہ کے قریبی ذرائع نے تصدیق کی ہے کہ وہ آرام کر رہی ہیں، وہ پہلے سے بہتر محسوس کر رہی ہیں اور جلد ہی فلم سیٹس پر واپس آئیں گی۔
ڈاکٹرز نے رشمیکا کو مکمل صحت یابی کے لیے مختصر وقفہ لینے کا مشورہ دیا ہے تاکہ وہ اپنی مصروف شوٹنگ شیڈول کو بہتر انداز میں انجام دے سکیں۔
TagsShowbiz News Urdu.
ذریعہ: Al Qamar Online
پڑھیں:
چیمپئینز ٹرافی سے قبل بھارت کے اسٹار بیٹر انجرڈ
چیمپئینز ٹرافی سے قبل بھارت کو اسٹار بیٹر ویرات کوہلی کی صورت میں بڑا دھچکا لگنے کا امکان ہے۔
میڈیا رپورٹس کے مطابق بھارت کے ڈومیسٹک ایونٹ رانجی ٹرافی کا 23 جنوری سے ہوگا جبکہ چیمپئینز ٹرافی کے آغاز میں محض ایک ماہ سے کم وقت رہ گیا ہے، ایسے میں بھارت بڑا دھچکا اسوقت لگا ہے جب ویرات کوہلی انجری کا شکار ہوگئے ہیں، جس نے انکے ٹورنامنٹ کھیلنے پر سوالیہ نشان لگادیا ہے۔
دہلی اینڈ ڈسٹرکٹ کرکٹ ایسوسی ایشن (ڈی ڈی سی اے) کے ایک ذریعہ نے انکشاف کیا ویرات کوہلی کی گردن میں موچ آئی تھی جس کے بعد انہیں انجکشن لگایا تاکہ آرام آسکے۔
مزید پڑھیں: شکست ہضم نہ ہوسکی؟ بھارتی بورڈ نے ٹیم کو ''گروکل اسکول'' بنادیا
دوسری جانب ویرات کوہلی انجری کے حوالے سے پُرامید ہیں کہ گردن کی موچ زیادہ سنگین مسئلہ نہیں ہوگی، ورنہ انکی چیمپئینز ٹرافی 2025 میں شرکت خطرے میں پڑ سکتی ہے۔
وزیراعلی مراد علی شاہ کی صاحبزادی کی شادی،ڈاکٹر شام سندر کے آڈوانی اور بھائیوں کی شرکت