افغان خواتین کے خلاف جرائم پر طالبان کو جوابدہ ٹھہرانا چاہئے: ملالہ
اشاعت کی تاریخ: 12th, January 2025 GMT
اسلام آباد (آئی این پی) لڑکیوں کی تعلیم سے متعلق کانفرنس میں شرکت کیلئے نوبیل انعام یافتہ ملالہ یوسف زئی پاکستان پہنچ گئیں۔ پاکستان پہنچنے پر پارلیمانی سیکرٹری تعلیم نے ملالہ یوسف زئی کا استقبال کیا۔ نوبل انعام یافتہ ملالہ یوسفزئی نے کہا ہے کہ افغان خواتین اور لڑکیوں کے خلاف جرائم پر طالبان کو جوابدہ ٹھہرانا چاہئے۔ ایسا کیوں کرنا چاہئے اس بارے میں کانفرنس سے خطاب میں بات کروں گی۔ سوشل میڈیا پر بیان میں انہوں نے لڑکیوں کی تعلیم پر عالمی رہنماؤں کی اہم کانفرنس میں شرکت پر خوشی کا اظہار کیا اور کہا کہ کانفرنس میں لڑکیوں کے سکول جانے کے حقوق کا تحفظ کرنے پر بھی بات کروں گی۔ غیر ملکی خبر ایجنسی سے گفتگو میں ملالہ یوسفزئی کا اظہار مسرت، کہا کہ اپنے ملک آنا میرے لئے اعزاز ہے۔
.ذریعہ: Nawaiwaqt
پڑھیں:
IAEA کو غیرجانبدار رہنا چاہئے، رافائل گروسی سے ملاقات کیبعد محمد اسلامی کے تاثرات
صحافیوں سے اپنی ایک گفتگو میں ایرانی جوہری پروگرام کے سربراہ کا کہنا تھا کہ ہم چاہتے ہیں کہ اس بین الاقوامی ادارے کی رپورٹس پیشہ ورانہ و تکنیکی ہوں، جن میں ایسے الفاظ کے استعمال سے گریز کیا جائے جو اسلامی جمہوریہ ایران کے مخالفین اور تخریبی میڈیا کو پروپیگنڈہ کرنے کا موقع فراہم کرسکیں۔ اسلام ٹائمز۔ بین الاقوامی ایٹمی توانائی ایجنسی کے ڈائریکٹر "رافائل گروسی" گزشتہ روز ایک اعلیٰ سطحی وفد کے ہمراہ تہران پہنچے، جہاں انہوں نے آج اسلامی جمہوریہ ایران کے جوہری پروگرام کے سربراہ "محمد اسلامی" سے ملاقات کی۔ ملاقات کے بعد محمد اسلامی نے صحافیوں سے گفتگو کرتے ہوئے کہا کہ ہمیں ہمیشہ اس بات کی توقع رہتی ہے کہ IAEA غیر جانبدار رہے۔ ہم چاہتے ہیں کہ اس بین الاقوامی ادارے کی رپورٹس پیشہ ورانہ و تکنیکی ہوں، جن میں ایسے الفاظ کے استعمال سے گریز کیا جائے جو اسلامی جمہوریہ ایران کے مخالفین اور تخریبی میڈیا کو پروپیگنڈہ کرنے کا موقع فراہم کرسکیں۔ محمد اسلامی نے کہا کہ دلچسپ بات یہ ہے کہ اس معاملے پر رافائل گروسی ہم سے اتفاق نظر رکھتے ہیں اور انہوں نے ہمارے موقف کی تائید بھی کی۔ محمد اسلامی نے رافائل گروسی کے ساتھ ہونے والی بات چیت کے حوالے سے بتایا کہ ہم نے زیرِ بحث مسائل اور دیگر امور کے لیے مارچ 2023ء کے مشترکہ بیان کو بنیاد بنایا۔ جس کی رو سے ایران، IAEA کو اپنی ایٹمی تنصیبات تک رسائی دے گا۔ واضح رہے کہ گزشتہ روز تہران پہنچنے کے بعد آئی اے ای اے کے ڈائریکٹر، فوری طور پر اسلامی جمہوریہ ایران کی وزارت خارجہ کے دفتر پہنچے جہاں انہوں نے وزیر خارجہ "سید عباس عراقچی" سے ملاقات کی۔
اسد عمر نے بزدار کو وزیراعلیٰ پنجاب بنانے کا تمسخر اڑاتے ہوئے انتہائی غلط فیصلہ قرار دیدیا