پنجاب میں کینالز وفاقی حکومت بنارہی ہے ،سندھ حکومت نہیں،پیپلزپارٹی
اشاعت کی تاریخ: 12th, January 2025 GMT
حیدرآباد(اسٹاف رپورٹر)پاکستان پیپلز پارٹی سندھ کے ترجمان سینیٹر عاجز دھامرا نے وفاقی وزیر احسن اقبال کے گزشتہ روز کے بیان پر نوٹس لیتے ہوئے انکے بیان کی شدید مذمت کرتے ہوئے کہا ہے کہ وفاقی وزیر کا یہ کہنا کہ نئی کینالوں سے سندھ کے پانی پر کوئی اثر نہیں پڑے گا کیونکہ سندھ کے حصے کا پانی تو ارسا کے قانون کے مطابق تقسیم ہو چکا ہے جس پر اعتراض کرنا جائز نہیں ، ایک دیوانے کا بیان لگتا ہے جس کو حقائق کا کوئی ادراک ہے اور نہ ہی وہ اس پورے عمل کے بارے میں کوئی معلومات رکھتے ہےں۔ انہوں نے کہا کہ ارسا کی جانب سے تقسیم کیا گیا پانی بھی سندھ کو پورا نہیں پہنچ رہا ہے اور ہر سال پانی کی کمی بتائی جاتی ہے اور سندھ کے حصے کا پانی بھی سندھ کو فراہم نہیں کیا جا رہا ہے اس وجہ سے سندھ کے عوام اور سندھ کی نمائندہ جماعت ہونے کی حیثیت سے پاکستان پیپلز پارٹی کو اس پر شدت کے ساتھ اعتراضات ہیں۔ انہوں نے مطالبہ کیا کہ سندھ کے حصے کا پورا پانی
سندھ کو فراہم کیا جائے، انہوں نے کہا کہ یہ بات واضح ہے کہ پنجاب میں مزید کینال بنے سے سندھ کے حصے کا مزید پانی کم ہوگا اس وجہ ہے وفاقی وزیر کی جانب سے اس طرح کی مزاحیہ خیز بات کرنے پر ہم پاکستان پیپلز پارٹی شدید الفاظ میں مذمت اور احتجاج کرتے ہیں۔ انہوں نے کہا کہ کینالوں کے خلاف احتجاج کرنے والے دوست پاکستان پیپلز پارٹی پر اس ضمن میں تنقید کر کے اپنی سیاست کو چمکانے کے ساتھ ساتھ وفاقی حکومت کی اس روش کا بھی نوٹس لیں اور اس پر بھی احتجاج کیا جائے کیونکہ یہ کینال وفاقی حکومت بنارہی ہے صوبائی حکومت نہیں، اس لیے وہ دوست جو ان کینالوں کے خلاف مو¿قف رکھتے ہیں وہ وفاقی حکومت کے خلاف بھی بات کریں اور احتجاج کریں۔ انہوں نے کہا کہ پاکستان پیپلز پارٹی اس طرح کے کس منصوبہ میں کبھی بھی وفاق کے ساتھ نہیں جس سے سندھ کو ذرا برابر بھی نقصان کا اندیشہ ہو۔ انہوں نے کہا کہ ہمارے وزیر اعلیٰ سندھ سی سی آئی کا اجلاس طلب کرنے کے لیے بار بار وفاقی حکومت کو لکھ چکے ہیں اور احتجاج بھی ریکارڈ کرا چکے ہیں لیکن وفاقی حکومت سی سی آئی کا اجلاس تک نہیں بلا رہی ہے ، اس ضمن میں ہم وفاقی حکومت سے پر زور مطالبہ کرتے ہیں کہ فوری طور پر سی سی آئی کا اجلاس بلایا جائے کیونکہ اس طرح کے بیانات سے بات نہیں چلے گی۔ انہوں نے مزید کہا کہ کینالوں کے خلاف احتجاج کرنے والی جماعتیں بھی وفاقی حکومت پر دباﺅڈ بڑھائیں کہ وہ فوری طور پر سی سی آئی کا اجلاس طلب کرے۔
پیپلزپارٹی
ذریعہ: Jasarat News
کلیدی لفظ: سی سی آئی کا اجلاس انہوں نے کہا کہ سندھ کے حصے کا وفاقی حکومت سندھ کو کے خلاف
پڑھیں:
انصاف کا بول بالا ہوا ،عمران خان بے گناہی ثابت نہیں کرسکتے،وفاقی حکومت
اسلام آباد/ فیصل آباد /سیالکوٹ (مانیٹرنگ ڈیسک) عمران خان کے خلاف 190 ملین پاؤنڈ ریفرنس کے فیصلے پر حکومت کا کہنا ہے کہ فیصلہ مکافات عمل ہے،انصاف کا بول بالا ہوا، بانی پی ٹی آئی اپنی بے گناہی ثابت نہیں کر سکے، یہ اوپن اینڈ شٹ کیس تھا،معاملہ جائداد قرقی کی طرف جاتا ہے،سزا کے بعد این آر اور کا تاثر ختم ہوگیا، چور چور کے نعرے لگانے والا خود ڈاکے میں ملوث نکلا،عمران خان کرپشن کے مجرم ثابت ہو چکے۔ تفصیلات کے مطابق پارلیمنٹ ہاؤس کے باہر میڈیا سے گفتگو کرتے ہوئے اعظم نذیر تارڑ کا کہنا تھا کہ 190 ملین پاؤنڈ تاریخ کا سب سے بڑا میگا کرپشن اسکینڈل ہے، یہ اوپن اینڈ شٹ کیس تھا، انصاف کا بول بالا ہوا ہے، یہ کیس سیاسی بنیادوں اور میڈیا پر لڑا گیا۔ انہوں نے کہا کہ 5,5 قیراط کی انگوٹھیاں لی گئیں، زمان پارک میں 25 کروڑ کا گھر بنایا گیا، قوم کو 80 ارب روپے کا ٹیکا ذاتی فائدے کے لییلگایا گیا، یہ معاملہ جائداد کی قرقی کی طرف جاتا ہے۔ ان کا کہنا تھا کہ پی ٹی آئی کو مذاکرات جاری رکھنے چاہئیں، یہ تاثر بالکل نہیں جانا چاہیے کہ ایک فرد واحد کو کرپشن کیس پر سزا ملی تو مذاکرات نہیں کریں گے، مذاکرات کا مینڈیٹ کبھی بھی ڈیل یا این آر او دینا نہیں تھا، اس وقت ملکی حالات بہتری کی طرف جارہے ہیں۔ فیصل آباد میں پریس کانفرنس کرتے ہوئے رہنما مسلم لیگ ن طلال چودھری کا کہنا تھا کہ سزا کے بعد این آر اور کا تاثر ختم ہوگیا، یہ کوشش کر رہے تھے کہ مذاکرات کی آڑ میں این آر او مل جائے، بغاوت ہو یا کرپشن، کسی بھی شخص کو معافی نہیں ملے گی۔ طلال چودھری کا کہنا تھا کہ غلامی نامنظور کہنے والے امریکا سے مدد مانگتے رہے، پی ٹی آئی دورمیں کرپشن کے تمام تانے بانے بنی گالہ سے ملتے ہیں، آج کے فیصلے سے این آر او کی افواہیں دم توڑ گئی ہیں۔علاوہ ازیں سیالکوٹ میں میڈیا سے گفتگو کرتے ہوئے وزیر دفاع خواجہ آصف کا کہنا تھا کہچور چور کے نعرے لگانے والا خود ڈاکے میں ملوث نکلا، جس وقت ن لیگ اور پیپلزپارٹی کے لوگ جیلوں میں تھے اس وقت یہ ڈاکے کی پلاننگ کر رہا تھا۔انہوں نے کہا کہ جو رقم این سی اے نے برطانیہ سے بھیجی وہ اس نے بزنس ٹائیکون کے اکاؤنٹ میں ڈالوا دی۔وزیر دفاع کا کہنا تھا کہ نواز شریف کو جھوٹے مقدمات میں پھنسایا گیا ، فیصلہ مکافات عمل ہے۔مزید برآں اسلام آباد میں اپنے ایک بیان میں وفاقی وزیر منصوبہ بندی احسن اقبال نے کہا ہے کہ عمران خان کرپشن کے مجرم ثابت ہو چکے ہیں۔ بانی پی ٹی آئی مخالفین کو چور ڈاکو کہتے رہے،190ملین پاؤنڈ تاریخ کا سب سے بڑا کرپشن اسکینڈل ہے، کیا مسجد اور خیراتی ادارہ بنانے سے رشوت کا پیسہ حلال ہوجاتا ہے؟وفاقی وزیر کا مزید کہنا تھا کہ ملک میں سیرت پڑھانے کے لیے حلال کی کمائی سے بہت سے ادارے قائم ہیں، مذہبی ٹچ کی بھرپور مذمت کرتا ہوں یہ توہین رسالت کے زمرے میں آتا ہے۔
بلوچستان میں سکیورٹی فورسز کا آپریشن، 27 دہشتگرد ہلاک:آئی ایس پی آر