فیڈرل بی ایریاایسوسی ایشن کی چیئرمین گلبرگ ٹائون کے اعزاز میں ظہرانہ
اشاعت کی تاریخ: 12th, January 2025 GMT
چیئرمین گلبرگ ٹائون نصرت اللہ فیڈرل بی ایریا ایسوسی ایشن کے نمائندوںسے میٹنگ کررہے ہیں
کراچی (اسٹاف رپورٹر)فیڈرل بی ایریا ایسوسی ایشن آف ٹریڈ اینڈ انڈسٹری (FBATI) نے چیئرمین گلبرگ ٹاؤن کے نصرت اللہ اور ان کی ٹیم کے اعزاز میں ظہرانے کا اہتمام کیا۔ کاروباری برادری نے گلبرگ ٹاؤن کی قیادت میں ان کی ٹیم کی شاندار کارکردگی اور اقدامات کو سراہا۔تقریب کے دوران، FBATI اور ٹاؤن انتظامیہ نے مشترکہ مقاصد کے حصول اور تعاون کو فروغ دینے کے لیے ایک مشترکہ کمیٹی بنانے اور عوامی و نجی شراکت داری قائم کرنے پر اتفاق کیا۔ کاروباری برادری نے شجرکاری مہم میں تعاون کے طور پر چیئرمین نصرت اللہ کو چیک بھی پیش کیا۔ یہ اقدام کاروباری برادری اور مقامی انتظامیہ کے درمیان مضبوط شراکت داری کو اجاگر کرتا ہے، جس کا مقصد پائیدار ترقی کو فروغ دینا اور علاقے میں معیارِ زندگی کو بہتر بنانا ہے۔اس موقع پر چیئرمین گلبرگ ٹاؤن نے کہا کہ جب ڈیڑھ سال قبل ہم نے اپنا عہدے کا حلف اٹھایا تھا تو ٹاؤن کی حالت بدتر تھی جگہ جگہ ٹوٹی سڑکیں ویران اور بنجر پارک و پلے گراؤنڈ، واٹر اور سیوریج کے مسائل کے انبار تھے میں اور میری پوری ٹیم نے محدود وسائل میں اس قلیل عرصے میں 20 سے زائد پارکوں کا افتتاح کر چکے ہیں اور ہم نے کوئی احسان نہیں کیا یہ سب آپ کے ٹیکس کے پیسوں سے تعمیر کیا جا رہا ہے۔یہ ہماری اجتماعیت کی تربیت کا حصہ ہے کہ جو کام بھی کریں ایمانداری سے کریں کاروباری حضرات ہر معاشرے میں ریڑھ کی ہڈی کی حیثیت رکھتے ہیں ہم اپنے انڈسٹری زون کو ہر ممکن سہولیات مہیا کریں گے۔
.ذریعہ: Jasarat News
پڑھیں:
اسٹاک مارکیٹ کاروباری اتار چڑھاو کے بعد مندی کے باد ل
کراچی(کامرس رپورٹر)کاروباری ہفتے کے تیسرے روز پاکستان اسٹاک ایکس چینج کاروباری اتار چڑھاو کے بعد مندی کے باد ل چھا گئے ،ٹریڈنگ کے دوران انڈیکس 959پوائنٹس کے اضافے سے 1لاکھ15ہزار773پوائنٹس کی بلند سطح سطح پر پہنچ گیا تھا بعد ازاں منافع کی خاطر مقامی انسٹی ٹیوشنز کی جانب سے فروخت کے دباو سے مارکیٹ تنزلی کا شکار ہو گئی اور انڈیکس 300سے زاید پوائنٹس گھٹ گیا جس کی وجہ سے انڈیکس 114,804پوائنٹس سے کم ہو کر 114,495 پوائنٹس کی پست سطح پربند ہوا۔مارکیٹ کے سرمائے میں سرمایہ کاروں کو 25ارب روپے سے زاید کاخسارہ برداشت کرنا پڑا جبکہ 49.45فیصد حصص کی قیمتیں بھی گھٹ گئیں۔ بروکریج ہاؤسزکے مطابق آئندہ مانیٹری پالیسی کمیٹی کے اجلاس میں 100بیسس پوائنٹس کی کمی ے امکانات اور کم قیمت حصص کی خریداری پر تیزی رونما ہوئی مگر کاروباری کے اختتام سے قبل تیزی مندی میں تبدیل ہو گئی۔کاروبار کے اختتام پر انڈیکس میں 308پوائنٹس کی کمی واقع ہوئی جس سے انڈیکس 1لاکھ14ہزار495پوائنٹس پر بند ہوا اسی طرح 99پوائنٹس کی کمی سے 30انڈیکس 36ہزار 3پوائنٹس اور کے ایس ای آل شیئرز انڈیکس 71 ہزار438پوائنٹس سے کم ہو کر 71ہزار 318 پوائنٹس پر آگیا۔کاروباری مندی سے مارکیٹ کے سرمائے میں 25ارب 10کروڑ76لاکھ 49ہزار 65روپے کی کمی واقع ہوئی جس کے نتیجے میں سرمائے کا مجموعی حجم14222ا رب66کروڑ 75لاکھ 65 ہزار930روپے سے کم ہو کر 14197ارب55 کروڑ99لاکھ16ہزار865روپے رہ گیا۔
حکومت اور اپوزیشن مذاکرات: سپیکر نے دونوں کمیٹیوں کا اجلاس 15 جنوری کو طلب کرلیا