حکومت عوام کے بغیر کینال نہ بنائے، مخدوم جمیل الزماں
اشاعت کی تاریخ: 12th, January 2025 GMT
ہالا (نمائندہ جسارت) سینئر سیاستدان، پی پی کے قومی اسمبلی رکن، تمغہ امتیاز اور ہلال پاکستان ایوارڈ یافتہ مرحوم مخدوم طالب المولا کی 32 ویں برسی درگاہ سرور نوح میں عقیدت و احترام کے ساتھ منائی گئی، جہاں پی پی قومی اسمبلی رکن مخدوم جمیل الزماں، سندھ ادبی بورڈ کے چیئرمین مخدوم سعیدالزماں نے درگاہ سرور نوح میں مرحوم مخدوم طالب المولا کے مزار پر حاضری دے کر ملکی استحکام اور مضبوطی کے لیے دُعا کی۔ اس موقع پر چیئرمین میونسپل کمیٹی گل پنھور، ندیم ڈاہری دیگر بھی موجود تھے۔ بعد ازاں میڈیا سے گفتگو کرتے ہوئے مخدوم جمیل الزماں نے کہا کہ مرحوم مخدوم مخدوم طالب المولا کی پی پی کے لیے اور عوامی خدمات لازوال ہیں جنہیں کبھی نہیں بھلایا جاسکتا۔ انہوں نے کہا کہ وفاقی حکومت کو کینال بنانے سے قبل سندھ حکومت اور سندھ کے عوام کو اعتماد میں لے، جبکہ کینال سندھ کے عوام کو کسی صورت قبول نہیں ہے، جس پر وفاقی حکومت کو کینال کے لازمی بنانے کے بیانات سے پرہیز کرنا چاہیے۔ انہوں نے کہا کہ مریم نواز کا عمران خان کی طرح کام کرنا اچھی بات ہے، مٹیاری ضلع میں غیر فعال آر او پلانٹس کو فعال کرنا چاہیے، بلاول بھٹو زرداری کو اقتدار سے قبل غریب، لوئر اسٹاف ملازمین کو ترقی دینے اور بے روزگاروں کو روزگار دینے کے سلسلے میں عملی اقدامات کرنے کے لیے سندھ حکومت کو احکامات دینا چاہیے۔ دوسری جانب سروری اسٹوڈنٹس فیڈریشن کے کنونشن کی جانب سے منعقدہ سیمینار میں سروری جماعت کے روحانی پیشوا مخدوم جمیل الزماں نے باڈی بناکر حلف لیا۔
.ذریعہ: Jasarat News
کلیدی لفظ: مخدوم جمیل الزماں
پڑھیں:
اپوزیشن لیڈر کا سندھ کینال کی قرار داد اور جنید اکبر کی تقریر پارلیمنٹ ریکارڈ سے غائب ہونے کا الزام
اپوزیشن لیڈر کا سندھ کینال کی قرار داد اور جنید اکبر کی تقریر پارلیمنٹ ریکارڈ سے غائب ہونے کا الزام WhatsAppFacebookTwitter 0 15 April, 2025 سب نیوز
پشاور (سب نیوز)اپوزیشن لیڈرعمر ایوب نے قومی اسمبلی سیکرٹریٹ سے سندھ کینال سے متعلق قرار داد اور جنید اکبر کی تقریر ریکارڈ سے غائب ہونے کا الزام عائد کرتے ہوئے اسپیکر ایاز صادق سے معاملے کی انکوائری کر کے ملوث افراد کے خلاف ایف آئی آر درج کروانے کا مطالبہ کر دیا۔
پشاور ہائیکورٹ میں میڈیا سے گفتگو کرتے ہوئے اپوزیشن لیڈر عمر ایوب کا کہنا تھا کہ تحریک اںصاف کی سندھ کنال پرقرار داد اسمبلی سیکرٹریٹ سے غائب ہوئی، پچھلے سال اسلام آباد پارلیمنٹ سے ہمارے بندوں کو اٹھایا گیا جس پر اسپیکر قومی اسمبلی نے کمیٹی بنائی مگر کچھ نہ ہوا۔اپوزیشن لیڈر نے کہا کہ بانی پی ٹی آئی سے ملاقاتوں پر پابندی آئین اور قانون کی خلاف ورزی ہے۔
عمر ایوب نے کہا کہ جنید اکبر نے کاٹلنگ حملے کے حوالے سے اسمبلی میں تقریر کی تھی، ذرائع نے بتایا کہ جنید اکبر کی تقریر اسمبلی کے ریکارڈ سے ڈیلیٹ کر دی گئی، اسپیکر کسٹوڈین آف دی ہاس ہے، پارلمنٹ کے ایوان کا تحفظ آپ کا کام ہے۔ان کا کہنا تھا کہ قومی اسمبلی کا ریکارڈ کسی جماعت کی پراپرٹی نہیں ہے اور ایوان اور عوام کی ملکیت ہے۔انہوں نے مطالبہ کیا کہ اسپیکر ایاز صادق سندھ کنال اور جنید اکبر کی تقریر ایوان سے غائب ہونے کی انکوئری کریں اور جو بھی اس میں ملوث ہو اسکے خلاف ایف آئی آر درج کروائی جائے۔
پارٹی رہنماوں کے ایک دوسرے پر الزامات، عمران خان نے وارننگ دیدی