محراب پور: مسافر وین ٹریکٹر ٹرالی سے ٹکرا گئی، 15 مسافر زخمی
اشاعت کی تاریخ: 12th, January 2025 GMT
محراب پور (جسارت نیوز) ٹریفک حادثہ، 15 مسافر زخمی، حادثہ کوٹ لالو تھانے کی حدود مہران ہائی وے جلالجی اسٹاپ پر پیش آیا، جہاں تیز رفتار مسافر وین ٹریکٹر ٹرالی سے ٹکرا گئی، حادثے کے بعد وین میں آگ لگ گئی جس کے نتیجے میں وین ڈرائیور، خواتین بچوں سمیت 15 مسافر زخمی ہوگئے، جائے حادثہ پر موجود لوگوں نے مسافروں کو وین سے نکال کر جلنے سے بچایا، پولیس کے مطابق وین حادثے میں ڈرائیور محسن علی، بشارت سولنگی، غلام حسین، عبد القیوم شر، قربان علی، غلام شبیر نورانی، محمد کاشف، غازی خان، مومل خان خاص خیلی، اللہ وریو چنہ، ندیم شر اور دیگر شامل ہیں جنہیں فیض گنج اسپتال منتقل کر دیا گیا۔
.ذریعہ: Jasarat News
پڑھیں:
سپین کشتی حادثہ ، وزیراعظم نے رپورٹ طلب کرلی
اسلام آباد: وزیراعظم محمد شہباز شریف نے اسپین میں تارکین وطن کی کشتی کے حادثے میں 40 پاکستانیوں کے جاں بحق ہونے پر اظہار افسوس کرتے ہوئے متعلقہ حکام سے رپورٹ طلب کرلی۔
وزیراعظم کے دفتر سے جاری بیان کے مطابق وزیراعظم شہباز شریف نے مغربی افریقا سے اسپین کی جانب جانے والی کشتی کے حادثے پر گہرے دکھ اور افسوس کا اظہار کیا۔
وزیراعظم نے تارکین وطن کی کشی کے حادثے میں جاں بحق ہونے والے پاکستانیوں کی بلندی درجات کے لیے دعا کی اور جاں بحق ہونے والے افراد کے اہل خانہ سے اظہار تعزیت کیا۔
اعلامیے کے مطابق وزیراعظم نے متعلقہ حکام سے واقعے کی رپورٹ طلب کرلی ہے اور کہا کہ انسانی اسمگلنگ جیسے مکروہ عمل میں ملوث افراد کے خلاف سخت کارروائی ہو گی۔
وزیراعظم شہباز شریف نے کہا کہ اس حوالے سے کسی بھی قسم کوئی کوتاہی برداشت نہیں کی جائے گی اور انسانی اسمگلنگ کے خلاف بھرپور اقدامات کر رہے ہیں۔
خیال رہے کہ افریقا سے اسپین جانے والی تارکین وطن کی کشتی حادثہ کا شکار ہوئی، جس میں 86 افراد سوار تھے اور 66 پاکستانی تھے جبکہ جاں بحق افراد میں 44 پاکستانی شامل ہیں۔
حادثے کی شکار کشتی 2 جنوری کو افریقی ملک موریطانیہ سے روانہ ہوئی تھی اور 86 افراد سوار تھے تاہم 36 افراد کو بچا لیا گیا۔
واکنگ بارڈرز کی سی ای او ہیلینا مالینو نے ایکس پر کہا کہ ڈوبنے والوں میں سے 44 کا تعلق پاکستان سے تھا جنھوں نے کراسنگ پر 13 دن اذیت میں گزارے لیکن کوئی انہیں بچانے کے لیے نہیں آیا۔
سیکیورٹی فورسز کا بلوچستان میں کارروائی، متعدد دہشت گردوں کے ٹھکانے تباہ