ہوائی اڈوں کے قریب مقیم افراد کا دل خطرے میں
اشاعت کی تاریخ: 11th, January 2025 GMT
واشنگٹن:ہوائی اڈوں کے قریب رہنے والے افراد اکثر طیاروں کے اترنے یا روانگی کے وقت تیز آوازوں کے عادی ہو جاتے ہیں، مگر ایک نئی تحقیق میں انکشاف ہوا ہے کہ یہ شور ان کی دل کی صحت پر سنگین اثرات ڈال سکتا ہے۔
عالمی میڈیا کے مطابق محققین کی رپورٹ کے مطابق جو لوگ طیاروں کا شور تیز یا زیادہ بار سنتے ہیں، ان میں دل کی بیماریوں جیسے دورہ پڑنا، فالج یا دل کی دھڑکن کا متاثر ہونا شامل ہے، کے خطرات بڑھ جاتے ہیں۔
جرنل آف دی امریکن کالج آف کارڈیالوجی ریزیڈنز میں شائع ہونے والے نتائج سے یہ بات سامنے آئی کہ ہوائی اڈوں کے قریب رہنے والوں کے دل کی ساخت اور افعال 10فی صد سے 20فی صد تک خراب ہو جاتے ہیں، اس کے مقابلے میں جو افراد ہوائی جہاز کے شور سے دور رہنے کے لیے منتقل ہو جاتے ہیں، وہ اس خطرے سے محفوظ رہتے ہیں۔
طبی ماہرین کا کہنا ہے کہ خاص طور پر ان افراد کے دل کے عضلات وقت کے ساتھ ساتھ سخت اور موٹے ہو جاتے ہیں، جس کی وجہ سے دل خون پمپ کرنے میں کم موثر ہو جاتا ہے۔ محققین کا کہنا ہے کہ اس قسم کی تبدیلیاں دل کے دورے اور فالج کے خطرے کو چار گنا بڑھا سکتی ہیں۔
.ذریعہ: Jasarat News
پڑھیں:
رانا صاحب آئیں آپکو کے پی میں لوگوں کے گھروں میں لے کر جاتے ہیں، شیخ وقاص
وزراء نے پریس کانفرس کی، کچھ باتیں حیران کن تھیں، شیخ وقاص - فوٹو: فائلپاکستان تحریک انصاف (پی ٹی آئی) کے مرکزی ترجمان شیخ وقاص اکرم نے کہا ہے کہ آخری فورم تک جائیں گے کسی مطالبے سے دست بردار نہیں ہوئے۔ رانا ثناءاللّٰہ صاحب آپ آئیں آپ کو کے پی میں لوگوں کے گھروں میں لے کر جاتے ہیں۔
پشاور میں پریس کانفرنس کرتے ہوئے شیخ وقاص کا کہنا تھا کہ آج مذاکرات کی تیسری نشست میں تحریری مطالبات حکومت کو دے دیے ہیں۔
انہوں نے کہا کہ وزراء نے پریس کانفرس کی، کچھ باتیں حیران کن تھیں۔ آپ کی آج کی پریس کانفرس سے اندازہ ہوگیا ہے کہ آپ کس قسم کے جواب دینا چاہتے ہیں۔
رانا ثناء اللّٰہ نے کہا کہ آج اپوزیشن نے الیکشن کے حوالے سے کوئی مطالبہ نہیں کیا۔
شیخ وقاص اکرم کا کہنا تھا کہ آپ پی ٹی آئی کو اور ایم این ایز و ایم پی ایز کو توڑ نہیں سکے، پی ٹی آئی ایک انچ بھی پیچھے نہیں ہٹی، کمیشن کا مطالبہ ناحق نہیں، ہم انصاف چاہتے ہیں، آخری دروازہ بھی کھٹکھٹائیں گے۔ 9 مئی اور 26 نومبر واقعات سے متعلق کمیشن اور قیدیوں کی رہائی ترجیحی مطالبات ہیں۔
پی ٹی آئی کے مرکزی ترجمان نے کہا کہ یہ کیسی حکومت ہے جو 13 لاشوں کی تصدیق نہیں کرسکتی، جنازے بھی نظر نہیں آئے۔ گرفتاری کے ڈر سے لوگ چھپ رہے تھے تو ایسی صورت میں پوسٹ مارٹم کیسے ہوتا؟
عرفان صدیقی نے کہا کہ بڑی بدقسمتی کی بات ہے کہ ملکی سلامتی کے معاملے پر سیاست کی گئی،
انکا کہنا تھا کہ رانا ثناءاللّٰہ صاحب آپ آئیں آپ کو کے پی میں لوگوں کے گھروں میں لے کر جاتے ہیں۔
شیخ وقاص نے کہا کہ مذاکرات شروع ہوئے تو بانی پی ٹی آئی کی فیملی کے خلاف پروپگنڈا شروع کردیا گیا۔
انہوں نے یہ بھی کہا کہ سیاست دان کو جب عوام مسترد کرتے ہیں تو غیبی امداد کی جانب دیکھتے ہیں۔
سکیورٹی فورسز کا بلوچستان میں آپریشن، 27 دہشتگرد ہلاک