پیپلز پارٹی سندھ کو نیلام کرنے میں ملوث ہے ،سندھی کسان تحریک
اشاعت کی تاریخ: 11th, January 2025 GMT
بدین: سندھی کسان تحریک کے مرکزی رہنما دلدار لغاری گائوں یامین جٹ میں جلسے سے خطاب کر رہے ہیں
بدین (نمائندہ جسارت) سندھی کسان تحریک کے مرکزی رہنما دلدار لغاری، ضلعی صدر مہران درس، مختار بکاری، جاکرو نوحانی، دلدار نوحانی، گلزار نوحانی، غلام رسول جٹ اور دیگر نے کہا ہے کہ پیپلز پارٹی نے اقتدار کے لالچ میں سندھ کی زمینیں اور پانی نیلام کر کے چند بدمعاشوں کو عیاشیاں کروائی، قومی وسائل کے مالک ہونے میں ناکام ہو رہی ہے، اس طرح سندھیوں کو اپنے وسائل اور قومی مفاد کے لیے لڑنا پڑے گا، پنجاب کے حکمران چھوٹے صوبوں کے حقوق پامال کر رہے ہیں جس سے ملکی سالمیت کو خطرہ لاحق ہو گیا ہے اور ملکی سالمیت کے لیے مل کر کام کرنا چاہیے، مفادات کا راستہ روکتے ہیں۔ یہ بات انہوں نے گاؤں یامین جٹ میں کانفرنس اور جلسے سے خطاب کرتے ہوئے کہیں۔ انہوں نے کہا کہ دریائے سندھ سے 6 نہریں نکالنے کے غیر آئینی اور غیر جمہوری فیصلوں کو مسترد کرتے ہیں، پنجاب کے حکمران طبقے اور وفاقی حکومت نے سندھ کا پانی روکنے کے ٍلیے سندھی قوم کے ساتھ غداری کی ہے، یہ دہشت گردی ہے، سندھ کے پانی اور زراعت کے نام پر زمینوں پر قبضے کے خلاف پیپلز پارٹی کے حکومتی اہلکار خاموش ہیں، جس سے واضح ہوتا ہے کہ یہ سب سندھ کو نیلام کرنے کے جرم میں ملوث ہیں۔ وفاقی حکومت بتائے کہ جس قوم نے پاکستان بنایا اس پر اتنا فخر ہے؟ یہ بھی کہا جائے کہ سندھیوں کو ان کی زمینوں سے بے دخل کیا جا رہا ہے اور غزہ کہاں بنایا ہے؟ انہوں نے کہا کہ سندھی عوام اپنے وجود، زمینوں اور دریاؤں کے تحفظ کے لیے اپنی پرامن جمہوری جدوجہد جاری رکھیں گے، ضلع بدین کی ساحلی پٹی میں زرعی کارپوریشنز کو سرکاری زمینوں پر کام کرنے کی اجازت دی جائے، کھیتی باڑی کے نام پر تجاوزات کا خاتمہ کیا جائے، تمام گٹروں کی فوری صفائی اور پائپوں کو پختہ کیا جائے، ضلع کے بند اسکولوں کو دوبارہ کھولا جائے، تمام اسکولوں کی خستہ حال عمارتوں کی مرمت، اساتذہ، فرنیچر کی کمی کو دور کیا جائے، اسکولوں میں دیگر سہولیات کو ختم اور اسپتالوں میں ڈاکٹروں کی کمی کو دور کیا جائے، جدید دور کے تقاضوں کے مطابق سندھ اور بدین میں غیر معیاری ادویات کا کاروبار روکا اور نوجوانوں کو روزگار فراہم کیا جائے۔
.ذریعہ: Jasarat News
کلیدی لفظ: کیا جائے
پڑھیں:
عرفان صدیقی نے بغض پیپلز پارٹی میں جو گفتگو کی وہ قابل مذمت ہے، شرجیل میمن
کراچی:سینئر وزیر سندھ شرجیل میمن نے کہا ہے کہ عرفان صدیقی نے بغض پیپلز پارٹی میں جو گفتگو کی ہے وہ قابل مذمت ہے۔
کراچی میں پریس کانفرنس کرتے ہوئے انہوں نے کہا کہ خیرپور میں صحافی کا قتل افسوس ناک ہے، صحافی کے قتل کے تمام ملزمان کو گرفتار کرلیا گیا ہے، پانچ مرد اور ایک خاتون کو گرفتار کیا گیا ہے۔
انہوں نے کہا کہ عرفان صدیقی نے بغض پیپلز پارٹی میں جو گفتگو کی ہے وہ قابل مذمت ہے، عرفان صدیقی لاعلم اور بے علم ہیں تو انہیں آئین پڑھنا چاہیے، پیپلز پارٹی نے جلال پور اور تھل کینالز کی بھی مخالفت کی تھی،عرفان صدیقی کو ہماری باتوں پر اعتماد نہیں تو تمام خطوط ان کو بھیج دیں گے۔
شرجیل میمن نے کہا کہ ہم نے سندھ اسمبلی سے قرارداد بھی پاس کروائی ہے، سینیٹ میں بیٹھے عرفان صدیقی کو یہ نہیں پتا کہ صدر کو منظوری کا اختیار ہے یا نہیں، ن لیگ کی وہ قیادت جن کو کچھ پتا نہیں وہ بونگیاں مارتے ہیں، آصف زرداری نے جوائنٹ سیشن میں کینالز کی مخالفت کی تھی میں عرفان صدیقی کے بیان کی مذمت کرتا ہوں۔
شرجیل میمن نے کہا کہ ن لیگ کی قیادت سے درخواست ہے کہ اپنے رہنمائوں کو سمجھائیں، کل اپیکس کمیٹی کی میٹنگ تھی، غیرقانونی امیگزینٹس کو نکالا جارہا ہے 991 افراد کو نکالا جاچکا ہے، غیرقانونی تارکین وطن دنیا میں غیر قانونی طور پر کہیں پر بھی نہیں رہ سکتے، 220 افراد دو کیمپ میں ہیں جن کو نکالنا ہے۔
انہوں نے کہا کہ گاڑیوں میں پولیس لائٹس، کالے شیشوں اور اسلحہ کی نمائش پر سخت پابندی ہے، اپیکس کمیٹی میں صوبے کے تمام بارڈرز پر جوائنٹ چیکنگ کا فیصلہ کیا گیا، سوشل میڈیا پر گالی دینے اور بدتمیزی کی کسی کو اجازت نہیں ہوگی، فیس بک کو خطوط لکھ کر اکائونٹ بند کروائیں گے، نجی ریسٹورنٹس کو نقصان پہنچایا گیا، ایسا کام نہ کریں جس سے پاکستانیوں کا نقصان ہو جذبات سب کے ہیں، برائے مہربانی قانون کو ہاتھ میں نہ لیں۔
انہوں نے کہا کہ ٹریفک حادثات میں نومبر 2024ء کے بعد اچانک ایک لہر آئی، وزیراعلی نے ٹریفک قوانین کی خلاف ورزی کرنے والوں کے خلاف بھرپور کارروائی کا فیصلہ کیا، ہیلمٹ پہننا لازمی قرار دیا گیا، دو چالان بھی 2500 کے ہیں اور ہیلمٹ بھی 2500 کا ہے۔
ماہر پائلٹ کی برازیل میں مصروف ہائی وے پر لینڈنگ، ویڈیو دیکھیں